በመላው ዓለም 17 ሚሊየን ሰዎች ከዚህ ህመም ጋር በስቃይ ዘመናቸው ለመግፋት ተገደዋል። በህክምናው አጠራር ክሮኒክ ፋቲግ ሲንድሮም ይባላል። እጅግ የተወሳሰበ የጤና ችግር ሲሆን የሚያስከትለው የሰውነት መዛል ለስድስት ወራት ያህል ሊዘልቅ ይችላል።

የህወሓት አመራሮች ካለፈ ጦርነት ያላገገመች ትግራይ ዳግም ወደሌላ ጥፋት ከሚያስገባ አካሄድ ይቆጠቡ ሲል ተቃዋሚው ሳልሳይ ወያነ ትግራይ ገለፀ። በሌላ በኩል በክልሉ ተደቅኖ ያለ ፖለቲካዊ እና የፀጥታ አደጋ የሚያስቀር እውነተኛ ፖለቲካዊ ውይይት እንዲደረግ ፓርቲው ጥሪ አቅርቧል።

የጀርመኑ ቻንስለር ፍሪድሪሽ ሜርስ ለጉብኝት ወደ አሜሪካ ሊጓዙ ነዉ። ይህ ጉብኝት በአሜሪካ እና በአዉሮጳ አጋሮችዋ መካከል በንግድ ቀረጥ ጭማሪ ዉዝግብ ባለበት እና በዩክሬን እና በሩሲያ መካከል ባለዉ ግጭት ምክንያት አዉሮጳና ዩናይትድ ስቴትስ ዉጥረት ዉስጥ በገቡበት ወቅት ነው። ከጀርመኑ ቻንስለር ከፍሪድሪሽ ሜርስ የአሜሪካ ጉብኝት ምን ይጠበቃል?

ፓርቲው በመግለጫዉ በአገሪቱ ለሚስተዋሉ የፖለቲካ፣ ኢኮኖሚ እና ማህበራዊ ችግሮች መድሃኒት ይሆናል ባለዉ በምክክር አስፈላጊነት እንደሚያም እና፤ ሂደቱ ግን አካታች እና አሳታፊ ሊሆን እንደሚገባ ጠይቋል፡፡ የኢትዮጵያ አገራዊ ምክክር ኮሚሽን ዋና ኮሚሽነር ፕሮፈሰር መስፍን አርዓያ በምክክር ሂደቱ ያልተሳተፉ የፖለቲካ ድርጅቶች መኖራቸውን ተናግረዋል።

ለሳምንት ወደ ትግራይ እንዳይጓዙ ተከልክለው የነበሩ ሸቀጥ የጫኑ ተሽከርካሪዎች ተደረሰ ከተባለ መግባባት በኃላ ጉዟቸውን እንዲቀጥሉ ተፈቅዷል። ይሁንና በየግዜው የሚጣሉ ክልከላዎች በሕብረተሰቡ ላይ ኢኮኖሚያዊ እና ማሕበራዊ ጫናዎች እየፈጠሩ መሆኑ አስተያየት ሰጪዎች ይገልፃሉ።

በአገልግሎቱ የምዕራብ ጎንደር ዞን የስርጭት፣ ኔትወርክና መሠረተ ልማት ቡድን አስተባባሪ አቶ ላቅ አያልነህ ለዶይቼ ቬሌ እንደተናገሩት በነበረው ከበድ ዝናብ ምክንያት ወደ ሱዳን የሚሄደው መስመር ጭምር ተጎድቷል፤ በምዕራብ ጎንደር የሚገኙ በርካታ ከተሞች ኃይል ተቋርጦባቸዋል፣ የጥገና ሥራዎች በባለሙያዎች እየተሰሩ እንደሆነም ተናግረዋል፡፡

የቀድሞዋ የጀርመን የዉጭ ጉዳይ ሚኒስትር አናሌና ቤርቦክ በኒውዮርክ የሚገኘው የተባበሩት መንግስታት ድርጅት የጠቅላላ ጉባኤ ፕሬዚዳንት ሆነዉ ተሾሙ። ቤርቦክ በዚህ ቦታ ላይ ለመወዳደር የቀረቡ ብቸኛዋ እጩ መሆናቸው ታዉቋል።

የባለድርሻ አካላቱን የምክክር አጀንዳ ከተረከቡ በኋላ ለመገናኛ ብዙሃን ጋዜጣዊ መግለጫ የሰጡት የአገራዊ ምክክር ኮሚሽኑ ዋና ኮሚሽነር ፕሮፈሰር መስፍን አርዓያ የቀረቡትን አጀንዳዎች በዝርዝር ከመግለጽ ተቆጥበው በአገራዊ ምክክሩ የአጀንዳ አሰባሰብ ሂደት ትግራይ ክልልና በውጪ የሚኖሩ ኢትዮጵያውን ላይ ማተኮር አበይት ቀሪ ስራዎች ናቸው ብለዋል፡፡

ሚልዮን የሚቆጠሩ ሙስሊም ምዕመናን ከዓመታዊው የሐጅ መንፈሳዊ ጉዞ በፊት ወደ ቅድስት ከተማ መካ እየገቡ ነዉ። የመካ ከተማ ባለ ባለሥልጣናት የሐጅ መንፈሳዊ ተጓዦችን ከሳውዲ አረብያ በረሃማ ሙቀት ለመጠበቅ እና ሕገወጥ ጎብኝዎችን በመከላከል ለመንፈሳዊ ተጓዦቹ ደኅንነቱ የተጠበቀ ጊዜ እንዳመቻቹ ገልፀዋል።

"የፀጥታ ችግር የለም? ልንክድ አንችልም። አለ። ነገር ግን ይህንን ነገር ጊዜው በደረሰ ቁጥር ምርጫ ቦርድም አስቻይ ሁኔታ በሌለበት ሁኔታ ምርጫ አደርጋለሁ ብሎ የሚፎክርበት እና የሚገባበት ምንም ምክንያት የለም"። "የፀጥታ መኖር ለሁሉም ባለድርሻ አካላት ወሳኝ ነው።» የኢትዮጵያ ብሔራዊ ምርጫ ቦርድ ሰብሳቢ ሜላተ ወርቅ ኃይሉ