በምሥራቃዊ ዩክሬን በምትገኘው ኻርካይቭ ከተማ ላይ ሩሲያ በድሮኖች እና ሚሳይሎች በፈጸመችው ከፍተኛ ጥቃት ቢያንስ ሦስት ሰዎች ሲገደሉ 21 መቁሰላቸውን ባለሥልጣናት አስታወቁ። የከተማዋ ከንቲባ ኢሖር ቴሬክሖቭ በኻርካይቭ የለሊቱ ድብደባ በሩሲያ እና በዩክሬን መካከል ጦርነት ከተቀሰቀሰ ወዲህ “እጅግ ከባዱ” መሆኑን ገልጸዋል።

በኦሮሚያ እና ቤኒሻንጉል ክልሎች አዋሳኝ አካባቢዎች “በፖለቲካዊ እና የብሔር ልዩነት ምክንያት የተቀሰቀሰ የትጥቅ ግጭት እየተባባሰ” መሔዱን በአውሮፓ ኮሚሽን ሥር የሚገኘው የሲቪል ጥበቃ እና የሰብአዊ ርዳታ ክፍል አስታወቀ። በሁለቱ ክልሎች አዋሳኝ አካባቢዎች በተቀሰቀሰ ግጭት ሳቢያ ከ11,000 በላይ ሰዎች መፈናቀላቸውን ገልጿል።

በጀርመን የአገሪቱ ድንበሮች አቋርጠው በሚገቡ ጥገኝነት ጠያቂዎችን በተመለከተ፤በጥምር መንግስቱ ውስጥ ውጥረት ነግሷል። ውጥረቱ የነገሰው የበርሊን አስተዳደር ፍርድ ቤት በፖላንድ ድንበር ላይ በተደረገው ፍተሻ የተያዙ የሶስት ሶማሊያውያን የጥገኝነት ጥያቄ ውድቅ መደረጉ ሕገ-ወጥ ነው ብሎ ያለፈው ሰኞ ብይን መስጠቱን ተከትሎ ነው።

የታሪክ ተመራማሪው ዶ/ር ኢብራሂም ሙሉሸዋ አረፋ በዓለም ሙስሊሞች ዘንድ በተመሳሳይ መልኩ ቢከበርም በየአገሩ ሁሉም በአከባቢው ባህል በአብሮነት ያከብረዋል” በማለት በኢትዮጵያ ለአብነትም በስልጤና ጉራጌ አከባቢ የበዓሉ አከባበር የመተጫጫና የቤተሰብ መሰባሰቢያ ተደርጎ ስለሚወሰድ የሚፈጥረው ማህበራዊ ቁርኝትና ኢኮኖሚያዊ ትስስሩ አይናቅም ይላሉ፡፡

በረቂቁ "የመንግሥት እና የግል ድርጅት ተቀጣሪ ሰራተኞች ከሚከፈላቸው የተጣራ ደመወዝ ላይ የሚታሰብ" የሚለው ሥጋት ፈጥሮ የነበረው የገቢ ምንጭ እንዲነሳ ተደርጓል። የም/ቤቱ የውጭ ግንኙነትና የሰላም ጉዳዮች ቋሚ ኮሚቴ ም/ሰብሳቢ፣ይህ የተደረገው«የተጣራ ደሞዝ ላይ የሚቆረጥ መዋጮ ሠራተኞች ላይ ተደራራቢ የወጪ ጫና እንዳያሳድር ነው» ብለዋ"።

ሰብሳቢው አቶ ሰለሞን አየለ ወቅታዊ ሀገራዊ የጸጥታ እና የደህንነት ሁኔታ ከሰላማዊ የፖለቲካ ፓርቲዎች ሰላማዊ ትግል አንጻር እንዴት እንደሚታይ ፤ በቀጣዩ ዓመት ሊካሄድ ቀጠሮ ስለተያዘለት የኢትዮጵያ ሀገር አቀፍ ምርጫ እና አስቻይ ሁኔታዎች በስፋት ዳስሰዋል።

ከዩናይትድ ስቴትስ ፕሬዝዳንት ትራምፕ ጋር ያካሄዱት ውይይት ገንቢ እንደነበር የተናገሩት ሜርስ አስተዳደራቸውንም ለውይይት ዝግ ያልሆነ የሚያዳምጥና የሌሎችን አመለካከት ለመቀበል ፈቃደኛ የሆነ ሲሉ አወድሰዋል።እንደ ዩክሬኑና የደቡብ አፍሪቃው ፕሬዝዳንት አታካራ ውስጥ ሳይገቡ ከትራምፕ ጋር መነጋገራቸው ለሜርስ እፎይታን ያስገኘም መስሏል።

ሕዝበ ሙስሊሙ የዘንድሮውን 1446ኛው የኢድ አል አድሀ በዓል ሲያከበር የተፈናቀሉና ወላጆቻቸውን ያጡ ህፃናትን በመደገፍ ጭምር እንዲሆን የአማራ ክልል እስልምና ጉዳዮች ከፍተኛ ምክር ቤት ጠየቀ ። በዓሉ ነገ በመላው የእምነቱ ተከታዮች ዘንድ ይከበራል ።

ከኤርትራ በኩል «የማይመቹ እና የሚጎረብጡ» ነገሮች ቢሩም ኢትዮጵያ የሁለቱን ሀገራት «የሕዝብ ለሕዝብ ግንኙነት ላለመጉዳት» ጉዳዩን በትዕግስት እያለፈችው መሆኑን የውጭ ጉዳይ ሚኒስትር ጌድዮን ጢሞቴዎስ ተናገሩ ። «ኢትዮጵያ ከጌረቤቶቿ ተነጥላለች» በሚል ለቀረበላቸው ጥያቄም ያንን መቀበል እንደሚቸግር ዛሬ ለሕዝብ ተወካዮች ምክር ቤት ተናግረዋል ።