ለዓለም ዋንጫ አፍሪቃን ከወከሉ 10 አገራት ስምንቱ ወደ ጥሎ ማለፍ መሻገር ተሳክቶላቸው ነበር ። ትናንት በነበረው ግጥሚያ ግን ሴኔጋል እና የኮንጎ ዴሞክራሲያዊ ሪፐብሊክየአውሮጳ ኃያላን ተጋጣሚዎቻቸውን ሲያስጨንቁ ቆይተው በስተመጨረሻ ሁለቱም እጅ ሰጥተዋል ። በዋነኛነት ችግሩ ምን ነበር? ዘገባውን በድምፅ እና በጽሑፍ በማገናኛው ይከታተሉ ።

መምህራኑ የመብት ጥያቄ ማንሳታቸውን ተከትሎ በሺዎች የሚቆጠሩ የአንደኛ እና የሁለተኛ ደረጃ ትምህርት ቤት ተማሪዎች ለፈተና መቀመጥ እንዳልቻሉ ሁለት የኬሌ ከተማ ነዋሪ የሆኑ የተማሪ ወላጆች ዶቼ ቬለ ተናግረዋል።

የኢትዮጵያውያን የስፖርት እና የባህል ፌዴሬሽን በሰሜን አሜሪካ፣43ኛው ዓመት ክብረ በዓል ሚኒሶታ ውስጥ ካለፈው እሁድ አንስቶ እየተካሄደ ሲሆን፣ እንግዶቿን በጉጉት ስትጠባበቅ የነበረችው ሚኒሶታም መሰንበቻውን ሞቅ ደመቅ ብላ ትቆያለች። ይህ ዓመታዊ ዝግጅት፤ተጠፋፍተው የነበሩ ኢትዮጵያውያን ዓመቱን ጠብቀው የሚገናኙበት ሁነኛ ዝግጅት ነው።

ውድ ወለድ የሚከፈልባቸው የንግድ ብድሮች እንዳቆሙ በተደጋጋሚ ምለው የሚገዘቱት የኢትዮጵያ ባለሥልጣናት ቃላቸው የሚፈተንበት ሥምምነት ከቦንድ ባለቤቶች ጋር አድርገዋል። ሥምምነቱ ኢትዮጵያ እስከ 9% ወለድ የሚከፈልበት ቦንድ እንድታወጣ የሚያደርግ ነው። ኢትዮጵያ ቦንዱን ካላወጣች ለግል አበዳሪዎቿ እስከ 90 ሚሊዮን ዶላር ለመክፈል ትገደዳለች።

የ 12ኛ ክፍል ሀገር አቀፍ መልቀቂያ ፈተና ትናንት ሰኔ 23 ቀን 2018 ዓ.ም. በመላ ሀገሪቱ በይፋ ተጀምሯል። ተማሪዎች ወደ ፈተና ማዕከላትና የመፈተኛ ክፍሎች ከመግባታቸው በፊት ጥብቅ ፍተሻና ቁጥጥር ተደርጎባቸዋል።

በጋምቤላ ክልል ዘላቂ ሰላም ለማስፈን በማኅበረሰብ መካከል የሚከሰቱ አለመግባባቶችን በባህላዊ የግጭት አፈታት ዜዴ መፍታት እንደሚገባ የክልሉ የሀገር ሽማግሌዎች አመለከቱ። ከዚህ በተጨማሪ ሕገወጥ የጦር መሳሪያ ዝውውር በክልሉ አዋሳኝ ቦታዎች የሚስተዋል በመሆኑ ታጣቂዎች መሣሪያ በቀላሉ እንደሚያገኙ አመልክተዋል።

ቴክኖሎጂ ኩባንያዎች እንደ የቲክቶክ ያሉ የአጫጭር ቪዲዮ መድረኮች የተነደፉት ሱስ እንዲያስይዙ ሆነው ነው በሚል የሚቀርብባቸውን ክስ ሲያስተባብሉ ቆይተዋል። በቅርቡ የወጣ አንድ ጥናት እንዳረጋጠው ግን የአጫጭር የቪዲዮመድረኮች የተነደፉት ተጠቃሚዎችን የበለጠ ተሳታፊ እንዲሆኑ በሚያደርጉ የሰዎች የሥነ-ልቦና እና የነርቭ ስርዓቶች ላይ ተመስርቶ ነው።

የአዲስ አበባ ከተማ አስተዳደር ዓመታዊ የመኖሪያ ቤት ኪራይ ዋጋን ለመወሰን ያጠናውን ጥናት ይፋ በማድረግ ከሚመለከታቸው አካላት ጋር ሰፊ ውይይት አካሂዷል። በቀረበው የጥናት ሰነድ መሠረት፣ ለሚቀጥለው የ2019 ዓ.ም የቤት ኪራይ የዋጋ ጭማሪ ጣሪያው 11 በመቶ ብቻ እንዲሆን ሐሳብ ቀርቧል።

የዩናይትድ ስቴትስ ጠቅላይ ፍርድ ቤት፣ ፕሬዚዳንት ዶናልድ ትራምፕ በመወለድ የሚገኝ ዜግነትን ለማስቀረት ያደረጉትን ሙከራ ውድቅ አደረገ። ዶቼ ቬለ ያነጋገራቸው የሕግ ባለሙያዎች፣ የዚህ ውሳኔ ፋይዳ፣ ከፍተኛ መሆኑን እና ለኢትዮጵያውያንም በብዙ መልኩ አስተውጽኦ ያለው መሆኑን ገልጸዋል።

የ2026ቱ የዓለም ዋንጫ የ32ቱ ቡድኖች የጥንካሬ መፈተኛ የጥሎ ማለፍ ጨዋታዎች ትናንት ማክሰኞ ምሽት በተደረጉ ጫወታዎች የዘመናችን ከዋክብቶች ኪሊያን ምባፔ እና አርሊንግ ሀላንድ ለየሀገሮቻቸው አዲስ የታሪክ ምዕራፍ የከፈቱበት ተአምራዊ ምሽት ሆኖ አልፏል።