Dumengia passada ha l'emna sontga entschet. Perquai chantan «Noss Chors» oz chanzuns da l'istorgia da Pasca. L'emna sontga entschaiva cun la dumengia da palmas, l'entrada da Jesus a Jerusalem. Silsuenter suonda la gievgia sontga, cura che Jesus ha festivà la sontga tschaina e lavà ils pais als 12 giuvnals. In di suenter, il venderdi sontg, ès el lura ì la via da la crusch ed è vegnì crucifitgà. La sonda sontga ès il di dal ruaus da morts e la dumengia da Pasca è Jesus levà da mort en vita.

Oz chantan «Noss Chors» chanzuns tar las impurtantas staziuns, enramà da la messa «Dona nobis pacem» da Gion Balzer Casanova, chantada dal Chor mischedau Laax e dal Chor da project Surselva.