As pudais anc regurdar dad in dals gronds events da musica dal schlagher popular? Cun interpretas ed interprets da la Germania, l'Austria, la Svizra e dal Tirol dal Sid?

Da l’onn 1986 enfin l’onn 2010, eran ils mais mars ed avrigl adina en fevra dal «Grand Prix»! Tgi èn ils finalists e tgi èn ils victurs dal grond premi da la musica populara?

Quell’occurrenza da musica è stada in bun punct da partenza per bleras interpretas, blers interprets e bands giuvnas. Bleras victuras e victurs ed era participantas fan anc oz cun success musica.

«Bella Musica», «Patrona Bavarie», «Beuge dich vor grauem Haar» ma er «Das Feuer der Sehnsucht» e «Hey Baby, küss mich nochmal» èn chanzuns ch’ins auda anc oz savens al radio.

La stailalva lascha reviver oz, 15 onns pli tard, l’ultima occurrenza cun in mantun da quels semperverds.

Redacziun: Christa Soliva