澳洲北部嘅艾爾斯巨石，每年都吸引咗數以萬計，嚟自世界各地嘅遊客。因為太陽光嘅關係，喺唔同嘅時間，艾爾斯巨石都可以展現唔同嘅色彩，土著相信佢可以反映人嘅靈魂，稱佢為「烏魯魯」，亦即係大地之母。1980年8月17日，一個澳洲家庭，帶住三個仔黎到呢個聖地玩。冇人可以諗到，呢次旅程，竟然奪去一個小生命，令母親被判終身監禁，仲成為全家人喺30 多年嚟嘅噩夢。咁到底發生咗啲乜野事，影響到一個失去個女嘅母親？而呢名母親又點解終身入獄？事情最後嘅結局又點樣？就等我哋返到去1980年6月嘅澳洲，重溫呢單澳洲艾爾斯巨石殺嬰案。