Ep.261｜二刷神器—九龍城寨之圍城｜#半夜場

【#半夜場】Ep.261｜二刷神器—九龍城寨之圍城｜直播｜半夜微醺 Drunkirk 影片連結：https://youtube.com/live/LE-TgFjks1s #九龍城寨之圍城 #影評 城寨成了近月全城話題，因大老闆欺詐而帶出的故事，最後圍攻城寨。連租客還是業主都未分清楚，就留喺城寨，大家都係城寨人時，咪有講有笑，有得瞓閣仔有叉燒飯食囉。到反面時，問你收租收水電費還原裝修添呀！遇上細良心的城寨話事人，人哋氣硬功護身，又疊馬又英雄主義，你點攻擊佢都無用，直到破咗罩門，就天下圍攻。 稱兄道弟時就黃絲，鬧交反面時就王九囉。因財失義，連老人家都郁，你睇大老闆洪金寶都係被利用，最終仲無好下場鬱鬱而終，九十幾歲都係咁話啦，無人問洪金寶點解唔在生時就好似謝票場個阿怕咁郁伍允龍。畢竟世上有良心好似曹查理咁大的人不多，細良心或無良心的人就不少，賣假身份證嘅人又有，一稿兩賣嘅人又有。呢啲人過咗橋就抽板，哪怕條橋喺溫哥華定九龍城寨、九龍城寨治安委員會主任定中僑互助社社長，錢落咗袋，連耶穌都留唔住，任由風的形狀為何，打風都打唔甩啲錢，神打都打唔返，何況打官司？城寨就係三不管呀，唔係視死如歸做死士就可以光復返嚟㗎細佬，何況阿細佬你又唔係真係視死如歸嘅死士。 電影吸引之處就係邪最終不能勝正，快意恩仇，看得人烏氣盡消，離場時正氣揚眉。因為不論身處不法之地，我們都知道咩係正氣正義。電影中的九龍城寨好比葛咸城，罪惡之城，亂中有序，靠龍捲風鎮著秩序和戾氣，盡量令居民安然渡過清拆前的最後時光，睇蝦仔爹哋咪幾好，當然故事就一定「好景不常」，弒上、親仇、貪婪等因素同時衍生兄弟情、街坊力量、兩代恩仇，仲帶出後殖民身份問題，加上絕頂特技、美術、武指、燈光，成就一套「九龍城寨之圍城」，故事就好像葱花的襯托，但無阻有望票房破億的另一套好戲，看來明年要在各大電影頒獎龍捲風式橫掃獎項，都係整撚定。 傾密計去Discord～：https://discord.gg/N24SpkP8m4 _ 加入天文學會，你唔會後悔。⬇️ Youtube會員：https://bit.ly/3u85q1L Podcast會員：https://apple.co/3AVfRqD 一週工作尾聲，讓我們微醺一點。 眾人皆醉我更醉，微醺中更清楚面對自己、看見世界。 逢星期三、五晚上，使我們在死前多一點品味。 節目類型：一個坦誠尖酸的社會觀察、文化研究過程 主持：陳四、VVN 支援小平台，敬希打賞，少少無拘：https://shorturl.at/cfyHZ 半夜微醺Drunkirk Youtube： https://bit.ly/3zzZ6PE ➤歡迎分享影片連結 ➤➤本頻道合作提案請洽：[email protected] 會有專人回覆你！ _ Youtube視像版及各大Podcast ： Apple Podcast • Google Podcast • KKBOX • Firstory • Spotify Linktree：https://linktr.ee/drunkirk #podcast #半夜微醺Drunkirk #Drunkirk #半夜微醺 #廣東話Podcast

Powered by Firstory Hosting