聖誕節本應係一個同親朋好友相聚嘅時節。聖誕老人，亦都係呢個節日嘅標誌之一，佢親切嘅形象，深入民心。不過，冇人會諗到，聖誕老人有一日會變身成殺手，用子彈同烈火，殘忍咁奪取一家人嘅性命。喺某一個平安夜，美國有一家人，按照慣例，舉辦大型嘅聖誕派對。不過，一名扮成聖誕老人嘅男子，不請自來，攜帶武器同自製嘅噴火槍，將呢一家人嘅幸福生活，無情地燒成灰燼。咁究竟，嗰一晚發生咗乜嘢事呢？又係邊個會特意揀喺聖誕佳節，屠殺一個家族呢？就等我哋返到去2008年12月嘅美國加州，重溫事情發生嘅經過。