Leave a comment and share your thoughts: https://open.firstory.me/user/ckrc5wq2f9pij09307yht20qx/comments

【 #文化研究 】Ep.361｜謝霆鋒的壞孩子天空｜不經不覺，謝霆鋒已經出道咗超過四分一個世紀，成為第一個喺啟德開演唱會嘅亞洲人，出道廿多年嘅謝霆鋒又為你帶嚟幾多？｜直播｜半夜微醺 Drunkirk

影片連結：https://youtube.com/live/cuq_rHNRfKw

#謝霆鋒
--------------------

2000年，陳奕迅同謝霆鋒喺Viva Live演唱會合唱一首Better Man，相信不論當時定25年後的謝霆鋒，甚至狄波拉，都唔會覺得牙鋒會成為Better Man。你走去問謝霆鋒，佢只會答，我唔識咩叫Better man，我從來都係The best man，然後用賣Rice burger個廣告嘅眼神望一望你。不經不覺，謝霆鋒已經出道咗超過四分一個世紀，成為第一個喺啟德開演唱會嘅亞洲人，啟德由飛機升降嘅天空，變成壞孩子嘅天空。

謝霆鋒近年發展明顯不集中在香港，但演唱會一出，一票難求，理得你係早優生定夫斯基，食幾倍炒價就梗㗎喇，識答痴卡娃都無飛。明顯大家要嘅唔係謝霆鋒，而係一眾七八十後嘅千禧年回憶殺，想要返當年聯合廣場、唱K、MK、利時、Chic之堡、Kittterick、裏原宿等嘅Feel，唔係獎門人、麥浚龍、Twins、森美移動、Bathing Ape及得上謝霆鋒畀得咁有飽足感。Keep得當年無異甚至更Fit嘅霆鋒一出嚟，有無化妝唔再重要，最美亦最真卻像似假，幾千蚊張飛，買返廿年前留畀你嘅青春，同你今年中年發福要湊細路嘅外型和生活無關與不重要，我回憶無價，我Y2K我自豪。今日嘅你，明白廿年前你阿媽睇葉振棠嘅心情未？係，你阿媽今年又睇葉振棠最後一次演唱會。如果只得一星期，你希望有四晚都喺啟德睇霆鋒。

謝霆鋒擁有最強父幹謝老四，繼承俊朗臉龐；有最強嘅英皇娛樂公司包裝，仲有many資源同Mani資源；有早年赴日嘅歌影視訓練，仲有科藝平面方角電視廣告嘅一早入行經驗，仲拍撻出愛火花、特警新人類同中華英雄等大片和青春劇。千禧年前後隨著四大天王聲勢稍弱而隨陳奕迅掘起，以主流媒體可以接受嘅叛逆，籠絡不少少女芳心。如果說劉德華在九十年代接掌了王傑浪子嘅地位，謝霆鋒就喺九十年代尾千禧年代頭繼承了張國榮不羈嘅王位。如果以歷史人物比喻，就像小霸王孫策般，又快又凌厲，快到炒車。可惜年少輕狂且無知，大意嘅司機獲得拯救但得不了救贖，有人對他說可以轉身擦過，將生命承擔不起的難過放手給我，造成由從前早早知道這傷感結果。係呀，當年大家好重視司法公正㗎。是鋒仔的錯，徬徨無助，但無阻小霸王俘擄九十至千禧年代最美麗嘅兩個亞洲女人，猶如三國時的大小二喬，不論任何天氣定係開到荼蘼，都愛著謝霆鋒，你們一眾男人連妒忌嘅資格都無。

牙鋒很快轉戰內地反攻大陸，比溫兆倫、歐陽震華和李國麟還早，但不用除洋名、食小龍蝦和賣香港沒有的香港月餅（不是大家一齊拍半支煙嘅際遇就一樣），亦沒有做評判，反而去咗做幕後同煮嘢食，搖身一變成為Chef Nic（英文嚟㗎），十二道鋒味內銷香港，令睇開方太李太馬田嘅觀眾嘆為觀止，大稱夠了廢了要了我的命，武打鏡頭赤膊上陣，攞把刀仔𠝹舊肉仔你同我戴護目鏡！？係柒㗎，但耍帥才是本質，永遠都要以最型姿態吊打呢個世界：唱歌時，佢扮型；彈結他時，佢扮型；煮嘢食時，佢扮型；跌親時，佢扮型；扮型時，佢扮龍心；演奸角時，佢扮小丑。

而今次嘅文化研究題目係，為何柒到喊嘅牙鋒，手執結他仍是大家回憶殺，五萬門票炒得勁過Tesla NVDA，不論啟德幾塞車，仍然You can’t stop me。而且更超越黃藍，無政治負擔，無人理佢有無愛國，有無支持手足，仲有無支持曼聯，比起有啲藝人同阿叻影相已經體無完膚？而出道廿多年嘅謝霆鋒又為你帶嚟幾多？

-----------------------------
🗣️ 傾密計去Discord～：https://discord.gg/N24SpkP8m4
💁🏻‍♀️ 買嘢呢邊請：https://www.drunkirk.shop/

▶️ IG：
節目精華：https://www.instagram.com/xxdrunkirkxx/
𝗦𝗵𝗼𝗽：https://www.instagram.com/drunkraft/

_
加入天文學會，你唔會後悔。⬇️
Youtube會員：https://bit.ly/3u85q1L
Podcast會員：https://apple.co/3AVfRqD

一週工作尾聲，讓我們微醺一點。
眾人皆醉我更醉，微醺中更清楚面對自己、看見世界。
逢星期三、五晚上，使我們在死前多一點品味。
節目類型：一個坦誠尖酸的社會觀察、文化研究過程

主持：陳四、VVN

支援小平台，敬希打賞，少少無拘：https://shorturl.at/cfyHZ
半夜微醺Drunkirk Youtube： https://bit.ly/3zzZ6PE

➤歡迎分享影片連結
➤➤本頻道合作提案請洽：[email protected] 會有專人回覆你！
_

Youtube視像版及各大Podcast ：
Apple Podcast • Google Podcast • KKBOX • Firstory • Spotify
Linktree：https://linktr.ee/drunkirk

#podcast #半夜微醺Drunkirk #Drunkirk #半夜微醺 #廣東話Podcast

Powered by Firstory Hosting