可能好多聽眾都有聽過「斯德哥爾摩症候群」（Stockholm syndrome），呢個心理學現象。「斯德哥爾摩症候群」主要係指，人質喺壓力情況下，開始對劫持者產生情感共鳴。但大家又知唔知道，呢個心理學現象嘅命名，係源自上個世紀七十年代，喺瑞典首都斯德哥爾摩，發生嘅一單銀行綁架案嘅呢？到底呢單綁架案嘅來龍去脈係點樣㗎呢？銀行人質嘅心理變化又係點樣㗎呢？就等我哋返到1973年嘅瑞典斯德哥爾摩，重溫事情發展嘅經過。