今集要講嘅，係香港戰後首宗碎屍案。碎屍案，如今已經係屢見不鮮，但係上世紀60年代，殺人碎屍，係一件鮮有聽聞嘅事。今日要講嘅，係一單發生喺1965年嘅，銅鑼灣怡華大廈嘅碎屍案。有人被殺害碎屍之後，被裝入一個箱入面，並且喺鬧市之中來回運送，招搖過市，由於當時嘅香港，自開埠以來尚未發生過碎屍案件，呢單案一出，震驚全港。咁到底，死者究竟係邊個呢？兇手又點解碎屍嘅呢？就等我哋返到去，1965年嘅香港，重溫呢一單怡華大廈金山槓碎屍案。