殺人分屍案喺世界各地都曾經發生，其中1985年澳門八仙飯店滅門命案引來外界揣測一眾死者嘅遺體被製成人肉叉燒包出售，當時令港澳民眾一度對叉燒包心生恐懼，無獨有偶，新加坡80年代亦發生左一單奇案，一名對妻子家暴嘅男子突然人間蒸發，而當地就盛傳佢嘅屍體，被煮成人肉咖哩飯。咁到底，事件嘅來龍去脈究竟係點樣嘅呢？最後，凶手有冇被捉拿歸案？就等我哋返到去1984年嘅新加坡，重溫事情發展嘅經過。