今日要講嘅，係一個令全澳洲心碎嘅案件：三個天真爛漫嘅小朋友，喺陽光燦爛嘅澳洲國慶日，竟然喺眾目睽睽之下消失得無影無蹤。有人話，佢哋被困喺某個陰暗嘅角落；甚至有人話，佢哋根本冇離開過海灘。咁究竟邊個先係真相呢 ？兇手又到底係邊個呢？以而家嘅科技，又能否解開呢個陳年懸案？就等我哋返到去1966年澳洲南部嘅阿德萊德，重溫事情發展嘅經過。