五個智力有缺陷嘅後生仔，點解會喺睇完波之後連人帶車消失得無影無蹤？佢哋架淺藍色私家車最後停喺荒山野嶺，車門大開，車匙唔見咗，但係車入面嘅零食包裝紙就整整齊齊咁擺咗喺度。最詭異嘅係，距離架車13公里外，竟然有個目擊者話聽到女人同BB嘅喊聲，但係轉個頭啲聲就消失得無影無蹤。究竟當晚發生咗啲乜野事？點解五個後生仔會棄車，走入冰天雪地？佢哋係咪見到咩唔應該見到嘅嘢？定係有人帶佢哋去咗一個永遠都返唔到轉頭嘅地方？就等我哋返到去1978年2月24日晚上，加州州立大學奇科分校，重溫呢一單「加州尤巴城五人雪夜謎案」。