L'ultima sessiun da l'onn stat davant porta. Ma tge far sch'ina part dal Parlament federal sto tuttenina ir en quarantina? Vinavant èn era ils lufs, la lescha da Covid-19 e las tschernas d'in Grischun sco vice-vicepresident dal Cussegl naziunal tema en la nova episoda dal «Café federal».

Dasper ulteriurs puncts en la lescha da Covid-19, vegn era debattà davart il budget da la Confederaziun, nua che la protecziun da la scossa duai survegnir dapli daners. Vinavant ans spetgan era tschernas. Uschia vegn la Svizra manada proxim onn d'in «duo latin», cun ils Cussegliers federals Guy Parmelin ed Ignazio Cassis. Dentant duai era in Grischun, numnadamain il cusseglier naziunal cristiandemocratic Martin Candinas, vegnir tschernì sco vice-vicepresident dal Cussegl naziunal. In post che prevesa pli tard da daventar il pli aut Svizzer.