In ‚Ruck‘ stoppia ir tras la Svizra. Cun quels plaids ha la Cussegliera federala Simonetta Sommaruga gì proclamà avant bunamain precis in onn la situaziun extraordinaria per lentira Svizra. La consequenza: Restaurants, butias, indriz da divertiment e da sport han serrà las portas, las scolas eran vittas, l‘armada è vegnida mobilisada ed ils cunfins serrads. Dapi lu ha il coronavirus midà bler. A la lavur ma era en la vita privata, la moda e maniera co nus communicain, la politica. Ed la crisa n‘è anc betg dumagnada.

En ina episoda speziala dal Podcast Café federal dattan Fabia Caduff ed Adrian Camartin in sguard persunal sin quai onn turbulent. La correspundenta ed il correspuntdent da RTR a Berna han visita persunas che han sentì las consequenzas da las decisiuns. Il viticultur, lassistenta pastorala, la dunna en speranza e la mamma cun luffant nov naschì, sco era Annetta Bundi. La scheffa da medias da la Cussegliera federala ha discurrì davart la difficultad da chattar ils gists pleds per sa drizzar a la naziun en ina situaziun difficila.