Saímos ó linde con Vincios. Imos ata o Novo Río Frío.

Dende a Asociación de Empresarios da Pasaxe explicáronnos as orixes deste polígono industrial ás aforas de Vigo e do movemento económico que dentro del se xera. Falamos tamén da súa legalización e a próxima ampliación.

Ademáis, coma todas as findes... curiosidades e axenda cultural... dentro e fora da parroquia.

Michael Jackson e Queen... quen vos chista mais?

Dous grandes espectáculos chegan esta finde a Vigo: "Forever" no García Barbón e "God save the Queen" no IFEVI .

O Michael Jackson de Forever é galego, de Carballo. Álex Blanco contounos que todo comezou cunha actuación no seu cole... e mira ti onde chegou... de xira europea e ata tivo entre os espectadores a Latoya Jackson.

Ademáis, falamos de andainas. A do Carregal deste domingo pola mañá. Carreiros, muiños, herbas mediciñais... todo iso nos contou Sole. Levade roupa de abrigo que vai facer un frío que pela!

Se forades presidentes do goberno que quitaríades antes as obras inútiles ou os cargos que sobran?

Preguntamos isto porque imos entrevistar un grupo de rap punk moi retranqueiro. Dende a Moncloa para o mundo: ós XPresidentX.

A semana pasada organizáronse en Vigo as VII xornadas contra a prostitución. Como está a situación en Galicia? Falamos con Silvia, portavoz da Rede Galega contra a Trata.

Abrides o xornal... ides directo a ler o horóscopo e mais as esquelas? Hoxe falamos dos signos do zodíaco... credes neles ou pensades que son parvadas?

Os médicos están de folga en Galicia. Que sistema sanitario temos? Como está por dentro? Os médicos están cansos: moitos pacientes, atención en diversos lugares da provincia, agora a nova figura do pediatra de área... Explicounos a situación Manuel Rodríguez, do sindicato O'MEGA.

Que precisamos ter nun botiquín? Chegou Farmalex para contárnolo.

E da vida no mar, falamos cun capitán de pesca que anda entre a Antártida e mais as Malvinas. El é César, veciño de Valladares.

Zurdos ou destros? Como é vivir sendo zurdo? Descrubrimos con Bea, unha cociñeira de profesión, que os coitelos son distintos, as xarras tamén, abren as portas distinto....

Outro descubremento é o do taekwondo. O TAO Vigo chegou ata a final do GOT Talent, na tele. E descubrimos que son bos, que en Galicia hai moi bo nivel... en novembro van ata o Mundial en China. Así nolo contou o seu entrenador Miguel.

Caligula foi un malo malísimo. Escoitade a Chamada da Cousa. Germán Son trae curiosidades inmensa.

Baixamos para voltar subir! Valladares é toda unha montaña... chea de bares. Imos ata a cantina do torreiro do Carregal.

Polos micros foron pasando:

-Almu e Santi da Verbena do Carregal

-Dj The Guardians

-A peña Demos e Demonios

-O clube da petanca

Tamén repasamos a axenda cultural do finde. Moito rock no IFEVI o sábado. Mago de Oz, Baron Rojo... Falamos con Fortu, o cantante de Obús.

Furrullo na faltriqueira era o que levaban as vellas antes cando non había tantos bancos. Vos sodes dos que aforrades moito ou mais ben sodes dos que vivides a vida e a ghasta que son dous días??

Que aprendemos dos incendios do ano pasado? Falamos con Juan Picos, director da Escola de Forestais, da nosa relación co monte e a natureza.

A semana que ven é o Campionato Europeo de Mushing en Suecia. Un dos tres representantes por España é de Valladares, Óscar Piñeiro. Na represntación feminina vai outra muller galega, Mónica Touriño.

Outono teatral. Tarantela teatro de Beade estrea "Unha mañá calquera na consulta do doutor Menguela".

Groupis dun grupo de música? Algunha anécdota de chegar ata ó back stage e tocarlle a man ó cantante?

Falamos de concertos, de público e tamén tertuliamos cos músicos e mais cos hostalerios.

Ata o estudio achegáronse Arturo Álvarez, recoñecido músico de jazz da escena galega, e tamén David Iglesias, dono do Monk blues bar, para falar da nova lei de espectáculos galega.

Ademáis, falamos do problema da empresa Benteler na parroquia e da concentración deste venres.

Peli ou serie? Preferides ir ó cine coas palomitas e a pantalla grande ou tragar 24h series sen parar: Walking dead, El cuento de la criada, True blood...

Abracadabra patadecabra!!! Queredes aprender uns truquiños de maxia? O mago Óscar Fernández vai estar os venres no CVCV ensinado trucos de cartas e outros mais sinxelos con bolis e papeles...

"Arnoia, Arnoia" o libro de aventuras de Ferrín foi levado ó teatro por Quico Cadaval. Tamén ten esceas de circo, asíque falamos con PistaCatro e que nos conte de como xurdiu esta idea do teatro-circo.

Cocido ou callos?? Cal é o voso prato de inverno?? A pesar do milleiro de festas dos callos que hai por Galicia adiante, a xente seica lle tira mais o cocido.

Como cada luns, a chamada da cousa vai do escritor Giorgio Manganelli.

A entrevista reto de hoxe é co Centro de Interpretación de Linguas de Signos de Galicia. Falamos coa coordinadora, Mª Cruz Ousinde, a través da súa intérprete.

Ademáis, esta semana imos ir lembrando os incendios. Hoxe cun vídeo do Instituto de Estudos Miñoranos.