Día Mundial do Turismo. "Miserias humanas" aparte, que vos gusta mais cando ides de hotel: arrasar o buffet almorzo ou metervos na bañeira ben chea de auga e escuma???

Reabre o Museo Liste cunha actividade nova, a escape room. Falamos con Isabel, da área didáctica, que nos contou tamén doutras actividades previstas para este outono.

Gústavos o reggae?? Sentides curiosidade por este estilo musical?? Estreamos programa en Radio Valladares. Os mércores de 6 a 7 da tarde, en directo: A madriguera.

E no recunchiño adicado á saúde, Farmalex ven falarnos da vacina da gripe. É outono e a campaña de vacinación vai comezar.

Fóstedes algunha vez a unha pitonisa? Botáronvos as cartas? De como adiviñar o futuro falamos hoxe ó longo do programa.

Tamén facemos un escaneo pola música en galego. Ollo, cantada en galego, con José das Patas, que ten un blog onde vai facendo o rexistro.

E rematamos con videoxogos. Na Uvigo estréase a títulación "Especialista en traducción para aindustria do videoxogo" e falamos cun dos coordinadores, José Yuste.

Ademáis, naceu a primeira revista dixital de videoxogos en galego: Morcego. Carlos Pereiro cóntanos un chisquiño dos seus contidos e do seu deseño.

Un himno para Valladares. Querémolo?? É aquí la cuestión.

E isto a que ven? A que Bembrive presentou este finde o seu. "O ben vivir", unha composición do gaiteiro Marcos Castro, que se achegou ata o estudio para contarnos de toda esta emoción provocada na parroquia veciña.

Mais música, a da audición infantil onte no auditorio con Félix de Trío Refugallo, Píscore...

Viaxamos polos sons a piques de estinguirse: o teléfono de roda, o da máquina de escribir, o da conta atrás nos cines antes de comezar a película...

A volta do verán, chegou o "veroño" e o festival Sinsal sorpréndenos cunha edición de outono. Lugares moi especiais, van ser os escearios o primeiro finde de outubro: Museo do Mar e nos Astaleiros de Freire e Cardama.

Coma cada luns, chega Germán Son coa súa Chamada da Cousa para falar da liberdade.

E hoxe é o Día da Veciñanza. Sodes bos veciños? Con isto imos fiando o programa.

Últimos coletazos do verán e nos imos de terrazeo. Onde? Ó Moisés!!!

Cun café e unha cervexa conversamos con Milagros, Sesi e Rosa que nos foron fiando historias da Garrida e mais do restaurante Moisés. Bodas, bautizos, comunións, cumpleanos, cocido os xoves de outono....

Ata a Garrida subiron o Colectivo Malaherba de Matamá. Edu e Marcos contannos da Festa da Recolleita o vindeiro 6 de outubro. Do espectáculo que é mirar ós rapaces da cidade esfollar no millo!!! Para non perdelo!!!

E tamén falamos co grupo de música Caxade, que van estar nas Festas do Cristo en Porriño esta fin de semana. Damos un repaso á axenda cultural, as always!

Hoxe é un progama moi daquí!

Imos ata Beade e rescatamos da memoria a Tenda de Fontán coas vivencias infantís de Beatriz Fontán. Aproveitamos para charlar con ela sobre o mundo da comunicación e a cultura... e do seu proxecto "SERÁ POR NOMBRES".

A Banda de Valladares estrea curso e este luns ten unha audición infantil moi moi divertida guiada por Fermín de Odaiko.

Tertulia con xente nova de Valladares sobre os novos modos de viaxar e vivir no estranxeiro antes dos 30.

E avanzamos algo sobre a reunión deste domingo no Centro Cultural sobre Benteler e as incomodidades que xera nos veciños da Sobreira e da Costa.

A TVG estivo facendo casting para o concurso "Ti verás" en Valladares. Así que entraron no estudio, falamos co guinista e mailo director de casting, rimos un rato intentando saber que é un orquideómetro... cousas raras se inventan?!?!?

Ademáis, tamén nos visitou Alex do ECOLECTIVO. Neste outubro preparan nova expedición ó Sahara. Van xa pola 4ª edición do curso de Permacultura.

Metropolitano.gal, un dos novos medios que aparecen online.

Xa están aquí as luces de nadal!!! E Vigo, as súa luces e o noso alcalde son o cachondeo das teles nacionais. Abel Caballero fai marketing ou é que é el así de auténtico??

De música vai o progama hoxe.

-Espazos Sonoros, música antiga en espazos peculiares da xeografía galega.

-Berlai Desconhecido. Música rerurral ou post bravú. Un cómic para ser escoitado ou música para ser lida.

-Cluedo, un xogo de misterio en vivo.

Hoxe comeza o curso escolar. Por iso vos preguntamos se cando chega setembro sodes dos que vos anotades a un curso ou, pola contra, pasades?

De cursos vai o programa. Repasamos os que van comezar a impartirse no Centro Cultural e Veciñal de Valladares e damos algúns conselliños para este comezo escolar.

Ademáis, como todos os luns chega Germán Son coa súa Chamada da Cousa para falar das fotos de fadas do autor de Sherlok Holmes.

Hai fame ás horas ás que sae o Esperta? Imos de ruta de pinchos a Teis.

Como cada venres deste verán saímos co chiringuito radifónico pola parroquia. Hoxe subimos ata a biblioteca de Freixo.

Justo e mais Luís de Freixo contáronnos do Camiño de Santiago que pasa por Freixo e doutras historias do barrio.

E Santi e mais Faty, da Peña Freixo, deixaron por un momento os preparativos no Freixo Rock para virnos falar do cartel deste ano, dos imprevistos de última hora (Skakeitan por Keltoi), da acampada...

O grupo local fecha os concertos do primeiro día. Demencia Sonora, en toda a súa plenitude con Santi e mais Diego Troncoso neste estudio improvisado coas vistas de Freixo.

Mais nada. Let's rock!!!