Reciclades ou reutilizades? O que ven sendo reutilización, para os galegos chamouse de toda a vida feismo galego: somieres que fan de cierre, fundas-espantallo, tambores de lavadora-maceteiros... Disto falamos hoxe ó longo do programa.

Ademáis, ven Farmalex falar do Punto Sigre, reciclaxe de medicamentos nas farmacias.

E tamén conversamos co Instituto de Estudios Miñoranos polas Xeiras de verán, co festival Son do Pazo en Mos e co poeta moañés Xose Daniel Costas Currás.

San Campio rematou... e a volta de tanta festa, quixemos enchelo de anécdotas: o concerto do Grupo América, os paseos en trineo de plástico polo torreiro enlamado a última hora...

Tamén falamos de café co mellor barista de España, o vigués Marcos González. Paseamos cos II Roteiros Literarios pola provincia de Pontevedra. E falamos de teatro infantil coa actriz e mestra de teatro Eva Vila.

Día grande en Valladares!!!

Ambiente de primeira hora no torreiro: só están os da comisión baldeando, os da limpeza do concello e os pulpeiros.

A festa está nos barrios. Da Sobreira e mais da Garrida xa saen as carrozas!!!

Retransmitimos o concerto da Banda de Merza, a misa e a chegada das carrozas. Ademáis, falamos coa xente que andaba no torreiro na sesión vermú!!!

Un ano mais: SAN CAMPIO É NOSO!!!!

Tangos, pasodobles, boleros... imos achegarlles ás persoas mais vellas da parroquia a atmósfera das Festas de San Campio.

En ruta polos barrios de Valladares coa Charanga Vaite Xa.

Sobreira, a Garrida, a Valada... listos para uns bailes? Saladina, ós 102 anos, inda lle botou unha peza, con mooito xeito!!!

Valladares arde en festas!!!! Mañá é venres 24 de agosto e hai doblete: o San Bertolameu no Alba e mais é venres de San Campio. Cando coinciden xuntos, cal vos presta mais?

Coñecemos a historia dos dous santos por Ángel, o cura de Valladares. Tamén viñeron quentar motores a carroza da Garrida... que seica este ano teñen carne de potro no asador!!! A ver se chega algo ata o torreiro para probala.

Conversamos cun dos veciños, Pablo, para saber do ambiente previo e tamén coa Banda de Merza, que traen un programón!!!

Conta atrás: 3... 2... 1... SAN CAMPIO É NOSO!!!

Nieves, da Comisión de Festas, ven contarnos como están os preparativos: o torreiro, da ruta polos barrios coa charanga Vaite Xa, o tremendo cartel deste ano con Lucía Pérez, a Banda de Valladares e mais a de Merza, se hai foghetes... en fin, do choio e a ilusión coa que se fai este SAN CAMPIO É NOSO!!!

Chamamos a Lucía Pérez para saber como están os ánimos para o sábado. E a carroza da Sobreira desvélannos un chisco como vai ir decorada este ano.

Ahh!!! E vos preguntamos no facebook se queríades que volveran os trompos ou preferiríades o globo?? Gañaron os trompos, of course.

Conta atrás para San Campio!!! Este ano a estrela invitada é Lucía Pérez e nós xa pensando no ano que ven, propoñemos outras estrelas. Quen preferides Melody co "baile dos gorilas" ou Rebeca con "Duro de pelar"?

Ademáis, falamos cos homenaxeados na Festa do Socio deste ano 2018:

-A Coral Polifónica do Centro Veciñal e Cultural de Valladares. Ata o estudio achegouse Isabel, a delegada.

-O Colectivo Chan Grande de Freixo con César Freiría.

Volta ó luns. Comeza a semana.

E se comezase cunha apocalise, terías un plan infalible para escapar dela ou non aguantarías nin un día?

A Chamada da Cousa con Germán Son ven de psicoanalista: Carl Gustav Jung.

Ademáis, dámoslle unha volta á memoria e rescatamos historias de Valladares. Sabiades que ós inicios dos anos 80 houbo un cross hípico no Monte dos Pozos? Neses anos tamén se celebraron outros nos montes de Vigo. Achegouse ata o estudio Campio.

E rematamos falando do Descenso Internacional do Miño, que se celebrou esta fin de semana en Tui. Contounos como foi Manuel Pedrades, reponsable do Club Kaiak Tudense.

Nesta calurosísima tarde de verán, víspera de San Roque, colocamos o chiringuito do Esperta na terraza do bar Rial. Seica teñen bo viño. E boa conta demos!

Na mais que agradecida sombra do porche, fomos conversando co novo dono, Iván, que baixou un momentiño do Alba, onde estaba a preparar os petiscos que vai servir estes días na casa das novenas na Romería do Alba.

E foi unha tarde de recordar historias.

-a do Bar Rial con Albina

-a do barrio da Garrida con Caseiro, que tamén nos descubriu o porque de que nesta parroquia haxa tantos matrimonios con xente do Valmiñor... Ramallosa 2000, pedra angular no asunto.

-a duns vascos tomando viños no Rial... como chegaron ata aquí? Seica en Barakaldo hai un bo Centro Gallego.

-E coma todas as vísperas de festivos e findes, repasamos a axenda cultural. Non damos avío con tanta festa!!!

No programa de hoxe falamos dos medicamentos xenéricos con Farmalex. Tamén aprendemos a "interpretar" todos esos símbolos, números e códigos que aparecen na caixiña.

Por iso, no tema do día vos preguntamos se ides moito o médico ou pola contra, non o pisades caseque nunca.

Ademáis, imos ata a beira do Miño. Quen non foi ata Arbo a comer a lamprea? Falamos con Jose, do Restaurante Os Pirús, que nos da conta das distintas maneiras de preparala: á bordalesa, seca, afumada, en empanada... ata se lle pode botar ó cocido!!! E seica sabe ben!!