Alá foi a Festa do Pulpo de Carballiño, e xa co San Roque ás portas, comeza a semana mais festeira do ano!!!! Romerías, festas populares... sodes mais de ir de romería a buscar mesa ou de levar o farrapo e espatarrarvos no chan?

Tamén, coma cada luns, ven Germán Son coa Chamada da cousa. Hoxe vai de movementos de masas e letras de Operación Triunfo. As reflexións de Noam Chomsky danos o marco idelóxico.

Imos de ruta polos bares e outros lugares pintorescos de Valladares co noso "Esperta de verán".

Alá fomos a tarde do xoves á terraza do Barxío. Acompañounos o tempo, a xente, a cadeliña de Pazó...

E ata a terraza viñeron tomarlle algo e mais a botar un palique con nós:

-as peñas celtistas: Centolos e Celtabirras

-Diego Misa polo torneo Interbarrios

-e comentamos o Rallye Rías Baixas con Pablo Pazó, Moncho Seona e Nacho Davila

E de cara á finde, repasamos a axenda cultural dos festis e das festas populares.

Graciñas, Pazó!!! Foi un pracer de tarde compartir a terraza do Xío!!!

Os museos están de festa e celebran este sábado 11 de agosto a Noite Branca!!! Isto é: concertos, visitas guiadas, teatralizadas, actividades paralelas... E vos, sodes de museos ou pensades que están mais que mortos?!?

Falamos coa Orquesta 430, que vai dar un concerto nos xardíns do Pazo Quiñones de León nesta Noite Branca.

E nas praias estes días estanse a ver tiburóns azuis. Falamos co Oceanográfico da Coruña, onde o investigador Javier Mejuto nos conta que ó aumentar a temperatura das augas é normal que aparezan estas especies... que non son coma o famoso Megalodón, son mais ben infensivos, pequeniños e teñen camadas de ata 50 crías, que é o que atopamos nas praias a mar aberto.

E para rematar, imos darlle unha volta á Festa do Socio, que xa está ahí!!! Veñen ata o estudio Ana, presidenta do CVCV, e mais Caseiro.

Enchéronnos de anéctodas: o día que fixeron unha paella con caracois e ninguén se atrevía a comela, o ano que choveu moitíiiisimo, as mellores mesas, trucos para collelas, os petates de comida deste día... o mellor, un bo cocido no monte!!!

Hoxe é o concerto de Juanes en Castrelos e o alcalde propón un "Vigo para los vigueses", polo menos para acceder ós concertos no foso. Acabaremos cunha Vigopass para camiñar polas beirarrúas de Vigo? Iso é do que falamos no tema do día de hoxe.

Moitos dos nosos veciños que viven fora, aproveitan o verán para voltar a casa de vacacións. Invitamos ó estudio a Xoana Barros, unha veciña de Beade que traballa como nefróloga nun hospital de Girona. Imos coñecer como funcionan os nosos riñóns.

Tamén falamos do Festival Músicas no Clausto, que está tendo lugar esta semana en Tui. O marabilloso claustro gótico acolle unha manchea de concertos ó atardecer: blues, jazz, música barroca...

E como está ahí a volta a Festa do Socio, imos mirar que barquiños van estar flotando no lago do Monte dos pozos da man da Asociación de Modelistas Navais de Galicia.

E verán... un xeado, por favor! Vos gustan mais os de xeo ou os de cucurucho con dúas bolas? De gustos xirou o tema de hoxe no programa.

Como somos curiosos, nos achegamos ata o acuario do Museo do Mar de Vigo para coñecer mais da vida dos tiburóns, as raias, os cabaliños de mar... hai visitas guiadas case todas as mañáns e podemos mirar como lles dan de comer.

Na parte musical, charlamos co Grupo Recordos. Unha nova proposta para amenizar as verbenas con cancións dos anos 60 e 70. Quen non coñece a Eva María ou Noelia? Poia a cantar ou a bailar!!!

E, por último, falamos do Anel Verde para Vigo e doutras cousas mais sobre os montes de Valladares con Gregorio.

Hoxe queremos testar se nas parroquias de Vigo a xente se sinte mais identificada coa parroquia ou con ser vigués. Aquí en Valladares, sodes de Vigo ou de Valladares?

E coma todos os luns, chega Germán Son coa súa Chamada da Cousa para falar de "experiencias compostelanas".

Ademáis, imos coñecer a Galunk produccións, unha productora de música rap e ska galega. E a Ensemble Galería, que están organizando estes días o II Festival do Mar no Museo do Mar de Galicia. Unha proposta arriscada a de levar a música clásica a outros escearios.

Hoxe chegaremos ós 37 graos en Vigo!!! Preferides a calor abafante ou o frío polar? De curiosidades entorno ás "olas de calor" falaremos hoxe no programa.

E coma todos os venres, repasamos a axenda cultural para a fin de semana que, esta 1ª quincena de agosto, ven cargadiña.

Escollemos dous festivais para falar cos seus organizadores:

O Festival de Pardiñas e o Festival de Bandas de Matamá.

Noite de concerto en Castrelos!! Ven Raphael!! Cal é a túa canción favorita de todos os seus éxitos?

Achegámonos ata Bueu, que hoxe comeza o Son RíasBaixas. Falamos con Jordi Lauren, director artístico do festival, e con The Skarnivals, a banda de ska que fechará o festival.

E saberemos a que acordo chegaron os taxis coa folga destes días. Portestaban pola regulación das plataformas como Uber e Cavifi. Aféctalle a Galicia? Contóunolo Manuel Chorén, de Radio Taxi.

Agosto, todo o mundo vai de vacacións e o Esperta volta. E das vacacións masivas de agosto é do que falamos hoxe no programa.

Sabedes que é O Cable Inglés de Vigo? Ademáis dun cable telegráfico que conectaba Europa con América e saía desde Vigo, tamén é unha Cooperativa Cultural. Mirian Fernández, visitounos no estudio para contarnos a manchea de proxectos nos que andan metidas. E de paso, tamén esbozou o panorama actual e futuro da industria cultural galega.

E falando de música, fomos ata o outro lado da beira do Miño para coñecer o Festival Verdoejo Art Rock. Alí tamén estiveron os escultores de Arte no Queimado.

Último programa da tempada! Voltamos en agosto, pero antes...

falamos das festas patronais. Este ano non houbo en Vincios, Matamá está a organizar a última hora, a romería do Alba está en dúbidas.

Que está a pasar? Na tertulia: Rodri, da comisión de festas da romería do Alba, Germán, de Vincios, e Pupe, de Beade.

Tamén ven ata o estudio Fonso, pola 2º Concentración Motera de Valladares desta fin de semana.

Ademáis, falamos con Ari, do clube de lectura do CVCV, sobre a proxección da película "Lobos sucios" sobre as minas de wolframio, dentro do cine ó aire libre en Valladares.