Este luns no #EspertaValladares imos dar voltas pola Finca da Marquesa. Lembraremos o concerto de Pelica de Can mentres paseabamos polos xardíns do pazo un verán de 2025... cunha guía botánica do 1982 .

Algúns dos plans para o tempo libre esta fin de semana. Ademáis, rescatamos conversas interesantes da tempada, a do mago Marcos Waldemar. E conversamos con Laiño, que expón algúns cuadros feitos con pilot no centro veciñal ata finais de mes. Unha serie adicada ós músicos.

Conversa de vagar con Bilal Traoré sobre o amplo mundo do contar contos. Tamén recomenda libros escritos por mulleres africanas. E outras historias mais, que a conversa foi longa e deu para descubrir outras aristas de Castelao!

Moitos eventos deportivos teñen detrás tantos voluntarios. Conversaremos disto coa Asociación Vodea. Ademáis, coñeceremos un proxecto que une literatura, música e cinema para coñecer escritoras italianas en España (dende o século XIX ata hoxe). Comeza esta semana e anda detrás Ladante Vigo.

Investigación á rúa dende os hospitais. Sensoxenómica, ou como música pode cambiar o ADN. E Ciencia de Cerca, un catálogo de persoas expertas en saúde e investigación biomédica a disposición de concellos, asociacións…

Ademáis, os libros que lee Álex ‘Comerás flores’ de Lucía Solla Sobral.

E algún dos nomes espallados pola parroquia, ‘Canteira’ e ‘Cantóns’.

Que o mundo dixitalizouse xa nos demos de conta Hai colectivos que precisan axuda para facer trámites do día a día ou que lles ensinen a facer un uso crítico dela… A plataforma Red Conecta leva combatindo a brecha dixital 20 anos. Entre as 47 asociacións que a forman, está o centro veciñal de Valladares, que acolleu na primavera a asamblea anual e unha xornada de traballo.

Os venres van culturetas… fisgamos a ver que plans ociosos hai para a finde nas parroquias e pola cidade. E tamén rescatamos algunha conversa, imos escoitar aquela sobre os peixes grandes que entran na ría nos últimos tempos.

Onte tivemos visitiña dos Robots, os rapaciños de 4 anos da EEI Monte Alba. Viñeron contarnos cousas do outono e da auga, cantaron unha canción e mandan saúdos a familia.

Ademáis, pan do Porriño. Aproveitamos para falar coa Asociación de Panadeiros do Porriño, que sábado fanlle a festa.

Mércores 8/10/2025

Hoxe imos de paseo polo río Eifonso con Sergio Portela, guía nos baños de bosque da Deputación de Pontevedra. Ademáis, falaremos do que atoparedes no MARCO se paseades por alí estas tardes. Cine lusófono (a proposta de Abella Produccións) e mais videoxogos (a iniciativa da Fundación Carlos Casares).

Historias… as que recollen os centros de estudios locais. Hai máis de medio centenar en España e o Instituto de Estudios Vigueses fixo de anfitrión nun encontro este setembro. Paseraron pola ría, con parada en San Simón para a foto de familia.

Ademáis, as recomendacións de libros de Álex. 'Barrios, bloques y basura' e 'Los incorregibles' de Julia Wertz, historietista de New York.

E nomes de lugares da parroquia: ‘fonte’, que hai poucas ;)