Hoxe tocaría deportes... pero non. Deporte xa faredes subindo a calquer cumio para mirar o ceo nese 'instante' de 2 horas!

Con Xandre e Jose teremos conversa de verán. Unha viaxe musical polas bandas que escoitaban no coche, das primeiras guitarras, dos grupos adolescentes que foron montando... dos bolos, dos discos. Frikis da música no #EspertaValladares.

Descrubrindo música estraña e lugares novos co Sinsal. De como lle foi esta edición fora da Illa de San Simón e, agora que preparan a 25 edición, poden contar ben de anécdotas.

Ademáis, historias das veciñas de Bouzas. As atopades na pérgola! Conversamos coa xente da Asoc. Cultural Vila de Bouzas para que nos conten como foron recollendo estes anaquiños de vida.

A banda de Beade deu un concerto de verán coa sección de ventos onte no torreiro da súa parroquia, aproveitando que algúns antigos membros escollen voltar á casa nas vacacións. En Valladares no salgueiral, ó lado da piscina e do centro veciñal… estase a preparar a festa do socio para o domingo. Ademáis, ideas para distraerse na finde.

Así foi o #EspertaValldadares de hoxe.

Asesoramento coa traballadora social, psicóloga e avogada, ademáis de formación nas novas tecnoloxías. Un equipo no centro veciñal ó dispor das mulleres en situación de vulneravilidade, co que falaremos.

Tamén viaxaremos ata Cartagena. A Trovalia. Alí coincidiron os improvisadores Lupe Blanco e mais Wilson Saliwonczyk.

Aventuras de xuventude! Un soña con 13 anos que vai percorrer o río Miño dende o nacemento á desembocadura, lía os amigos, constrúen as canoas e pa’diante. O descenso polo Miño nun abril de 1985… sen teléfonos!

Corenta anos despois esta experiencia recóllese na exposición itinerante https://orioquenosmove.gal/

Un #EspertaValladares para exploradores! A vida do misioneiro Rosendo Salvado no libro de viaxes ‘El mundo desde abajo’, de Valentín Carrera.

Ademáis, aclaramos cos axentes ambientais de APRAFOGA destes 'malentendidos' do monte: cando rozar, cortar e coller piñas?

Se vos gusta o son do clarinete escoitade este #EspertaValladares. Imos pasar un bo rato con Miguel, coordinador do curso de verán Vigo Clar Academy, que tivo lugar en Valladares a principios de xullo.

A vida ó redor dunha estrada. Falamos con Laura, veciña da Garrida, que para o traballo fin de grado de arquitectura creou 3 mapas no tempo arredor da de Valladares. Un de 1957, 1997 e 2024.

Ademáis, conversa con Os Coribantes de Buchabade, que andan contentos por estar nominados ós premios Rebulir.

Viaxar ata Angola para abrir vías de escalada. Deste proxecto-documental 'Abriendo caminos' de la Federación Española de Deportes de Montaña y Escalada no que participaron seis escaladoras españolas, falamos coa galega Bea Gándara.

Ademáis, tivemos visitiña veraniega dunha familia para coñecer a radio. Como viñan do Morrazo, aproveitamos para falar das praias, os chiringuitos, os turistas... e de balonmán, entre outras historias.

Os canteiros en Galicia hai cen anos para atrás eran uns escultores & artistas fantásticos. Conversa con Julio Fernández Pintos, que fixo un traballo de investigación estupendo do período 1850-1925.

https://independent.academia.edu/JulioFernandezPintos