Subimos ó campo da Gándara, non para saltar ó céspede... imos falar do traballo dos fisios! Que tamén colaboran co centro de día da Garrida.

Ademáis, exploraremos coa Orquesta Clásica de Vigo unha das vías polas que a zarzuela chegaba á nosa cidade. E que se pode escoitar hoxe no claustro barroco da Casa da Caridade, un espazo que non se abre habitualmente ó público.

E aproveitando que comeza a feira do libro, collemos o 'Diccionario de Vigueses' e buscamos a historia de Eugenio Barrientos e a Editorial Cíes, que fundou no 1941 e publicou moitas vaqueradas.

Hoxe conversamos cun veciño do Portal. Anda nos comezos dun proxecto, 'Alma de madeira'. Mesas, lámpadas, utensilios de cociña... de reliquias botánicas!! A segunda vida á madeira resultante das árbores senlleiras que el mesmo poda.

Ademáis, unha paradiña no monumento ó 'Descanso do peregrino' en Bembrive. A historia está recollida no libro de Mercedes Bangueses sobre monumentos e esculturas en Vigo.

Na Noite Branca os museos pódense visitar ata a medianoite. Imos ver que actividades extra teñen! Ademáis, plans musicais na parroquia para esta finde: entroido de verán, audición de piano e concerto inaugural do Vigosaxforum Tamén ‘pillamos’ de celebración ós alumnos do Sobreira, que se gradúan.

A volta é pola biblioteca-centro de documentación do MARCO, Museo de Arte Contemporánea de Vigo. Que bo rato pasamos a fuchicar nos libros de arte!

Ademáis, como vimos do San Xoán... inda hai quen fai o ritual das herbas e as augas de 7 fontes.

San Xoán! Imos falar das herbas nos ramos con algunhas veciñas, das fogueiras... Ademáis, nos festivais das escolas algúns papás anímanse a facer unha obriña de teatro para os fillos. Voltamos ó Monte Alba! E mais fábulas… a da escola teatro Escoitade.

E xa para rematar conversa de cafetería (nun furancho tamén vale!) con algúns latinos que están a aprender o galego e ucranianos que melloran o castelán.

Vai un Esperta musical total! Falamos coa revista Mondo Sonoro e descubrimos algún grupiño emerxente do noroeste peninsular. E, para 'novos talentos', os Robots do Monte Alba e o trío da banda Martín, Lidia e Valeria co seu bombardino, oboe e clarinete. Viñeron contarnos do ben que o pasaron no mini concerto!

Paseiño aquí ó ladiño pola horta de Aférrate, o programa de Alborada do coidado da saúde mental na natureza. Pasamos parte do Esperta no invernadoiro, que tamén visitaron os robots de 5 anos, os cativos do Monte Alba.

Deportes a tutiplén!!

Conversamos coa selección galega de fútbol gaélico, que xa foron a algúns mundiais e buscan financiación para o vindeiro este verán en Irlanda.

Ademáis, no club de surf Quenlla de Patos hai un encontro de profesionais de toda Europa que traballa con xente nova con discapacidade. Exploran o surf e as posibilidades do mar como terapia.

Falaremos de ‘Rojo a Babor’, un anaquiño de memorias e anécdotas de como se ilumina na noite o mar. Ademáis, visitaremos a sala da luz no Museo Liste. E coñeceremos o traballo de Beyond Suncare coas persoas albinas en África.

A parroquia ten moita actividade cultural. O mes de maio vai de cheo arredor das Letras Galegas. Conversamos con Enrique Viéitez, que leva esta progamación. Ademáis, visitiña dos Esquíos da escola infantil Monte Alba. E ideas para o tempo libre: audición da banda domingo á tarde no auditorio.