Coñecer o lugar onde vivimos xogando. Esa é unha das ideas de A vila do mañá, especialmente pensada para os cativos. Din que o camiño a Santiago algo ten do taboleiro da oca… mais bitácora. Etapa 5: Pontebora-Cuntis. Ademais, a banda de Guláns celebra o 150 aniversario. A ver que anécdotas nos poden contar destes anos.

De luns. Un libro ‘Esperando o amencer’, da artista peruana Fabiola Anchorena sobre a Amazonía e os grandes incendios. Seguiremos a peregrinar ata Compostela polos camiños vellos. Etapa 4: Os Valos- Pontebora. E ademais, saberemos algo do Porco Celta, que hai 150 explotacións gandeiras en Galicia.

As cartas eran o xeito que tiñamos de comunicarnos cos que emigraban, voluntaria e involuntariamente. Conversas con Samuel Diz e Beatriz Fontán, que andan a buscar aos músicos españois que tiveron que exiliarse despois da República. E con Caseiro, das aventuras e desventuras dun carteiro.

Ademáis axenda… e seguimos de ruta, podedes facela esta fin de semana. Etapa 3: Prado - Senda da Auga.

Sabedes que o rodaballo fai unha metaformose como as bolboretas? Mellor que nolo explique quen sabe, o investigador do CSIC Pep Rolland. Ademáis falamos con Paula Cons, que desta volta dirixiu unha ficción sonora baseada no bestseller ‘Todo esto te daré’.

E xa que seguimos a camiñar, conversas de vagar. Etapa 2: Torroña- Prado.

Os mércores falamos de deportes… éste non iba a ser menos. Conversa co Vigo Rugby Club de pasado, presente e futuro do clube. Unha volta pola tradición galega dos xigantes e cabezudos que hoxe empeza a Festa da Coca.

https://juliomontanes.synology.me/bases/xigantes/index.htm

E arrincamos a andar polo camiño a Santiago sen asfalto. 1º etapa Camposancos-Torroña

A asociación DPG - Docentes de português na Galiza, coñecédela? Se a resposta é non, escoitádenos. Ademáis martes, volta polo patrimonio. As únicas virxes abrideiras de Galicia andan por Allariz e Triacastela. Delas e a súa simboloxía falaremos co guía Diego Lamas. Ademáis, estreamos diario dun camiñante. Sorpresa!

Música e cine para levar mellor o inicio da semana. Coñecemos aos King Kids, unha banda de rapaces de Porriño, que fixeron unha canción para o 'Dígocho eu'. E damos unha volta polo Cine Mary, que nos abriron as súas portas! Seguro que algún da casa aínda lembra ir alí ver pelis de romanos ou de tiros neste cine de barrio de Valladares.

Os venres son así, de corte cultural. Que tal a xuntanza terrible en Donas? No torreiro de Valladares, as festas do Cristo e no auditorio varios grupos de acordeóns.

‘Y se armó la gorda’, unha proposta interesante para esta fin de semana e desfrutar do noso corpo. As picudas son pequeniñas e sabrosas, falamos da cereixa de Beade, que esta finde está de festa. E unha guía para oriundos, os compostelanos, ‘Santiago para picheleiros’.

Chapuzóns, estrelas de mar, furnas… unha de plans divertidos pola Costa da Vela con Turac Aventura. Ademais, estamos na semana do medioambiente. En Tomiño, entre outras actividades, hai ruta para coñecer as árbores senlleiras dalí. Estado anímico en modo ON? Van uns conselliños da psicóloga do cultural para ter unha autoestima sana.