Despois dun fin de semana largo toca volver á rutina, pero con calma. Imos ata Pontevedra para que nos falen das propostas desta edición do Salón do Libro Infantil e Xuvenil de Pontevedra. Un paseo pola exposición “Fragmentos de onte” (Asociación Etnográfica Sete Espadelas) e música, coñecemos a Amorodo, que presenta novo EP, “O monstro segue aí”.

Esta fin de semana celébrase o Play-Doc en Tui, falamos coa organización. Ademáis, escoitaredes o noso paseo polo Casco Vello e xa que estamos por alí parada na Taberna A Mina, para explicarnos ben de que vai o seu particular Tinder.

Portugal e Xapón no mesmo programa. Conversa con Acordeireta, que estivo de concerto con MJ Pérez e CRUA na Sala Rebullón celebrando o 25 de abril. E paseo polo Casco Vello onde podemos atopar unha pequeniña pastelería xaponesa, Sen. Por certo, na Escola Oficial de Idiomas están a celebrar a semana xaponesa e onte poideron degustalos na ceremonia do té. Ah, e recomendación literaria, “Desfiladero”, de Beatriz Fernández.

Nos deportes coñecemos o traballo da Fundacio Isidre Esteve na nosa cidade. Ademáis, plan na casa que os últimos venres de mes hai contacontos! O venres (19:30) é o turno de A Galiña Carolina, contado por María Comesaña e Raúl Alonso. E poñemos rumbo ao mar para falar coa xente do IEO Vigo - Investigación Marina y Divulgación que está a traballar no proxecto PELACUS, unha campaña para ver como lle vai á sardiña e familia.

Curiosidade.... aquí podedes seguir o percorrido dunha pinga de auga (para os que andades detrás dos memes sobre a seca na península e choiva en Galicia)

https://river-runner-global.samlearner.com/

Mel De Galicia estivo presente no Salón Gourmet, falamos coa presidenta da IXP, da experiencia nesta cita gastronómica. E patrimonio. Desta volta subimos ao Galiñeiro da man do equipo de arqueólogos que baixo a dirección de Mario Pereiro está a descubrir a súa historia.

A Agrupación de Centros Deportivos e Culturais de Vigo estrea xunta directiva. Falamos con eles. Ademais, unha viaxe polo tempo… imos coñecer a botica de Doade, en Beariz. Quizais serva de inspiración para os concursos do Museo Liste sobre a menciña popular. Bulide!

Unha de pasear os lugares onde vivimos, andaina de Valladares. Vai pola XIV edición, e inda que o trazado sexa sempre dar voltas ó Alba, o percorrido ten variantes cada ano. Ademáis, conversa coa xente de Ataque Escampe que estrean disco, “Cabalgata”. E un chisco de ideas culturetas para esta finde.

As citas presenciais nas administracións son un dereito dos cidadáns… falamos diso co avogado Diego Gómez. De dereitos, de igualdade e diversidade conversaron en Santiago no II Congreso LGTBIQ+ de Galicia. E alí estivo Marcos Barreira, coordinador clube da diversidade no IES Valadares. E tamén damos unha volta pola casa, para ver a que se anda na área veciñal e cultural.

https://www.derechoadministrativoyurbanismo.es/post/la-cita-previa-obligatoria-en-las-administraciones-p%C3%BAblicas

O balonmán vigués pode presumir de exportar canteira. Desta volta falamos con Roi Sánchez, adestrador do Club Balonmano Burgos. Ademáis imos ata as Illas Atlánticas para falar dos morcegos que alí habitan e conversa coa costureira Bego Martínez sobre o traxe tradicional galego.

De pedras, do que queda gravado nelas. Un programa completiño para este martes. Imos ata Madrid, ao Museo Arqueolóxico Nacional falar de instrumentos antiguos, da 'vetrina 0'. Tamén facemos parada en Oia, coñecer ao canteiro Xabi Garrido e as súas cunchas reflectantes para os peregrinos.