Día do libro. Que estamos a ler, que lemos no confinamento. E tamén moita cultura visual. Os mais cativos cos libros ilustrados (conversamos con Kalandraka) e os mais adolescentes tirando cara os videoxogos e as series.

De cine e bandas sonoras, tamén falamos con Eloy.

Co Covid-19 entramos nunha lanzadeira no tempo. Imos cambiar hábitos.

Moita xente volve ó rural. Osmo, unha aldeiña no Ribeiro, é peculiar. E Martín Touceda fainos de cicerone polo seu proxecto "Horta da solaina".

Algúns festivais estivais xa adaptaron os seus formatos e espacios. Conversamos co SinSal e mais coa Mostra de Teatro de Ribadavia.

Un mito a crise dos 40? Moitos deportistas viran as súas traxectorias deportivas uns anos antes.

Un chisco de deporte neste Esperta, especialmente fútbol, coa peña Centolos Celestes.

E unha voltiña polo noso patrimonio descoñecido e cercano: a catedral de Tui.

Imaxinade a hora de entrada nun cole. Chegan uns moteiros e "escoltan" a un rapaz ata o aula. Impresionados? Esta escenificación serve para visibilizar o acoso nos cativos. Conversamos con P.I.C.A.

Radioafeccionados enganchados á maxia e o misterio das ondas tiveron un encontro esta fin de semana no monte Alba. Conversamos con Ramón, de Valladares.

E de espacios Covid-free e outros protocolos sanitarios para esta nova normalidade falamos con Diego Patiño de COTPA.

Recuperar a bici e sair facer rutas. Exploramos por cal subir ó Galiñeiro. Muíños, petroglifos, aldeas con moito encanto coma Murxido... acompañan a paisaxe no monte.

Tempo para a axenda cultural, especialmente adaptada ó Covid: moitos roteiros e concertos reducidos.

E tempo para reflexionar sobre quen tivo e ten problemas para poñer un prato de comida na mesa con Cáritas.

Conciliar... é un verbo que existe? Con Sonia Hermida, do blog "O mundo ó revés", e con María, unha das monitoras no campamento do Centro Cultural de Valladares, conversamos sobre a experiencia nestes últimos meses.

E os espacios na casa, reinventáronse? Como foi conciliar, traballo, nenos, ocio...

O PXOM de Vigo trae de cabeza á xente de Valladares e van presentar alegacións a través dunha plataforma de afectados. Cóntalo Ana, a presidenta da asociación veciñal.

Primeiro Esperta deste 2020 en directo.

Como foi o confinamento? En que nos fixemos expertos?

A moitos deulle pola cociña e facer pan, pero tamén en novas tecnoloxías facendo reunións virtuais.

E conversamos do pan coa panadería de Valladares, que vendeu moito mais pan ca nunca, e co Forno Mosende de Porriño.

E na música dos concertos streaming e ensaios virtuais, co Coro Gaos da Coruña e mais coa Banda de Valladares.

Como xogabamos na nosa infancia no patio do colexio?

Tradicionalmente, os chicos son mais activos e ocupan mais espazo no que son os patios… as nenas son mais pasivas, xogan a xogos mais estáticos. Pero son así de xeito natural ou é porque todo ese tipo de palabras coas que nos educan nos está indicando onde debe ir cada un en función do noso xénero?

Cando te comportas de forma obediente, ás nenas se lles chama "dócil" e ós nenos, "débil"; "mandona" para as nenas e "líder" para os nenos”. Estas verbas forman parte dun cadro de palabras sobre como funcionan os estereotipos de xénero no libro de “Feminismo para principiantes” de Nuria Varela. Temos tertulia.

Tempo de rondallas. Musicalmente hai unha tendencia a voltar ás rondallas tradicionais, con mais repertorio folk e menos verbeneiro. Sobre isto, os ensaios e as rondallas que están mais fortes conversamos coa de Valladares.

E con Eloy, imos tertuliando sobre o que nos marcou no 2019: a verba top galega "sentidiño", a española "emoji"... e outros feitos, recuperación de animales case extintos como o lince ibérico...

Agasallos? Que lle piden os cativos de 5 anos ós reis? Tamén o sabemos.

Non é o fin… é o principio!

Traemos desexos da xente e con eles facemos un paneo, ó noso gusto, polo que importa para o ano 2020:

-que amainen as cousas en América Latina

-que o uso do galego saia do estado de sedación

-que rematen os feminicidios e tratar as persoas como persoas

-unha mentira contada mil veces é unha verdade? Reflexionar sobre se o que se escoita é certo

-o espíritu deportivo dos Xogos Olímpicos que faga incrementar as inscripcións en deportes minoritarios.

-e viaxiar moito, inda que sexa saíndo do portal á casa do lado.

Que teñades bo ano!!