En Compostela XVIII Festival de teatro afeccionado Agustín Magán. 6 compañías van pasar polo Teatro Principal e a encargada de animar na rúa vai ser Escoitade. Conversamos con Manolo Dasilva tamén sobre os case 20 anos de FEGATEA.

En Vigo podemos viaxar ata os Balcáns sen movernos da butaca do Auditorio do Concello. O 1 de novembro estréase " Guerra de identidade", unha obra autobiográfica de Deborah Vukusic, metade galega-metade croata. Acompañamos a conversa con música balcánica e recomendámosvos algunha lectura.

Estes tres días as salas de cines vanse encher! A 3 euros a entrada. Merece a pena. Recomendacións dende aquí con Eloy, veciño de Valladares e amante do cine.

Unha peli moi propia por defuntos é Coco. Nunha especie de making off podemos saber mais obre a tradición mexicana no día de mortos no libro "O arte de Coco".

Imaxinemos as visitas ó ceminterio de Pereiró como un "altar mexicano á galega". Hoxe, na foto, Elduayen, que durante 34 anos foi facendo "cousiñas" por Vigo.

Aquí en Vigo, uns que dan o pistoletazo de saída o Halloween ou Samaín son os Broken Peach. A corver deste ano: "Bad" de Michael Jackson coa banda sonora da película Cazafantasmas.

Un venres cultureta calquera... ou non.

Moito cine en Vigo estes días co Galician Freaky Film Festival e o Festival de Cine Inclusivo de Vigo.

Concertos hai moitos. Dous especiais: Vibra Mahou Fest no Mar de Vigo e o Hush Festival na Iguana, para celebrar os 25 anos do clube de adictos a Deep Purple.

O Samaín xa se vai festexando e algún magosto, tamén.

Comentado todo este boom cultureta con Eloy, veciño de Valladares, moi afeccionado ó cinema.

Ata a Fraga de Moaña imos coñecer os queixos de A MeixoEira.

En Vigo quedamos paramos nas bibliotecas. Hai unha chea entre as municipais, nos coles, nas asociacións de veciños, no CUVI...

Quedamos na Neira Vilas e no seu mapa de literario pola cidade en xeito de liña de metro. Imos percorrer algunhas das liñas e darlle ó botón de parada para ver que libros nos recomendan.

Lembrades a ruta Quetzal con Miguel de la Quadra-Salcedo? Unha aventura "á galega" moi parecida pode ser camiñar polos montes que bordean a ría de Vigo, os do interior de Galicia ou ir quizais un chisco mais lonxe (ós de Albania, Laponia...) coa Senda do Moucho. Conversamos con Gerardo Carrera.

Para os amantes do queixos, imos falar do World Cheese Awards, que se celebrou en Bérgamo (Italia) a semana pasada e hai unha chea de queixos españoles entre os mellores. Moitos feitos con leite de cabra... e polo medio colouse algún queixo galego.

E unha voltiña polo ceminterio de Pereiró para coñecer os nosos ancestros ilustres. Hoxe Isaac Fraga, emigrante ourensano, empresario cinematográfico e impulsor do Teatro Fraga en Vigo.

Dende hai case 20 anos o mundo adícalle este 22 de outubro a poñer conciencia á tartamudez. Sorprendente as pelis e actores nas que hai tatexos.

Tamén imos recordar as orixes do polígono da Pasaxe e mais recordar algúns dos grafitis pintados nas medianeras de Vigo que van ir indo desaparcendo pola construcción de edificios e outros que van ir aparecendo nos colexios. En Valladares, no CEIP Igrexa e mais no dos pequeniños, no Monte Alba.

E conversamos con Germán Son. A que anda? Pintando os faros galegos. Leva 9 dos 37 mais importantes.

Para viaxar, comunicarse con outras culturas… fan falla outras línguas. Como turista, sérvennos catro frases de "supervivencia"… pero para traballar, fai falta un título que acredite as nosas capacidades. Conversamos sobre este mundo de aprender outras línguas coa profesora Andrea Comesaña.

E damos unha volta polo mundo a través de tres biografías: a de Ara Malikian, o violinista libanés, que estrea documental "Unha vida entre as cordas"; a da historietista Marjane Satrapi e o seu cómic "Persépolis"; e a do "Diario de Ana Frank".

-De tapas gourmet ó "Petisquiño".

-Á festa da Batalla de Rande.

-Ó cemeterio de Pereiró coñecer as tumbas dos Ilustres Galegos que por alí andan. Hoxe parámonos na esquiniña dos Xardíns da Memoria.

-A carreira contra o cáncer

-Propostas musicais da cidade

Os naufraxios. Anacos de historia marcados no tempo, tal cual. Cóntannos de rutas comerciais, con que se mercadeaba, como eran as construccións de barcos antigos... Os achádegos de toda Galicia, veñen parar ó Museo do mar. Conversamos con Vicente Caramés, o arqueólogo dalí.

E dende Ultramar chegounos o teatro de sombras. Conversamos coa compañía Paso de Valverde, que trae ata Valladares "Alén", unha historia de viaxes ó estilo Willy Fog.

O estudio convértese caseque nun teatro. Levantamos o telón!!!

1º pase: Galicreques. 25 anos de historia deste festival con campo base en Compostela, que hai 5 anos desembarcou en Vigo, na Sala Ártika. Conversamos con Marcos, un dos socios, para ver que compañías veñen estes días.

2º pase: proposta de manta e sofá. "O gabinete do doutor Caligari", un clásico do cine mudo de terror musicada en directo por Paulo Pascual e o seu theremin na Casa de Arriba.

3º pase: Quen non subiu ou tentou escalar o Galiñeiro, eh? Polo 75 aniversario do Club Peña Trevinca, proxéctase “Camiñando polos Alpes” co alpinista Manu Córdova, premio alpinismo europeo do 2011. Conversamos un anaquiño con Carlos Garrido, presidente do clube.