Comeza o ciclo de cine submanrino no Teatro García Barbón. 3 días para viaxar ó fondo dos mares!!! De balde. Que hai? Documentais da BBC, de producción portuguesa, tertulias, homenaxe ó campión de vídeo submarino, o vigués Jorge Candán...

Unha voltiña pola deconstrucción da música tradicional ou fusión ou tranformación... da tradición á vangarda. Un paneo por grupos "raros" do nordés: Baiuca, Marcelo Dobode, Omiri, L-R...

E dámoslle a benvida ó novo podcast que xa se está fabricando e emitindo nas ondas da 106.1FM. Semente Radio, un espazo para reconectar co teu ser. Conversamos coas voces que o conducen, Ana e Sara.

Os pans do Porriño gustaron sempre ós mais vellos. Ata o forno Amaquía imos conversar con panadeiro Luis. A conto de que? Do seu bo pan (recoñecido este ano entre os 80 mellores pans de España) e do seu enxeño (fan pans de matanza con ourella e lacón, pans con setas, con champán... ). Os adolescentes que queiran aprender a facelos, atentos! Vai impartir un obradoiro de"pans do camiño" en Vigo os primeiros meses do ano que ven.

Aceites galegos con aceituna 100x100 galega hai poucos. Imos ata Quiroga, onde se leva facendo aceite dende tempos inmemoriais, para charlar con Manuel Mondelo de Aceiroga.

E hoxe sube o butano. Curioseamos polos orixes da bombona que tanto revolucionou a nosa cociña.

Debuxos que axudan a comprender a labor dos científicos. A viguesa Clara Cerviño, ilustradora científica, cóntanos como son os procesos dende que se recibe un encargo ata que se chega á ilustración final. Os encargos son moi variados: un animal que non existe (dinosaurios), procesos celulares, aves, peixes... O papel do ilustrador é limpiar a mensaxe para que a ciencia nos chegue dun xeito sinxelo.

Nunha semana as luces navideñas xa han estar ambientando a cidade olívica. E xa van aparecendo as parodias. Os Fillos do Estramonio adícanlle unha canción á noria de 60 metros.

Unha cousa que ambienta moito, especialmente no rural vigués son as rondallas. Conversamos con Martín, o capitán dos abanderados de Valladares. Que coreografías teñen preparadas? A quen lle chimparon a bandeira mais pesada?

Novos xeitos para novos tempos. Mónica Lalanda, médica e ilustradora. Entre guardia e guardia debuxou as viñetas que compoñen "Con conciencia médica". Un libro que recolle situacións nas que se atopa o persoal médico en consultas e en urxencias. Agora explica a medicina dende a ilustración. Poucos son, polo dagora, os profesionais sanitarios que se adican a facer medicina así. Unha imaxe vale mais que mil palabras: medicinagrafica.com

Os venres o Esperta ven cultureta na última parte. Por se andades escasos de ideas e queredes sair da casa a un lugar quentiño, hoxe veñen propostas para ir ó cine con Eloy, este veciño de Valladares amante das historias contadas na gran pantalla. Afortunados que somos, a última de Scorsese podémola ver nos norte.

Imos de exploración pola fábrica con Vitor Mariño, secretario da CUT en PSA, e con Carlos, empregado da empresa multiservicios Clece.

Dende hai 10 anos aparecen baixas por ansiedade e estrés entre os traballadores. Cada vez as condicións laborais son mais precarias: menor salario, mais cargas de traballo, menos dereitos laborais...

Lohengrín teatro presenta: "Coa mirada nas súas mans". Anímannos a subir ó escenario cos ollos vendados e experimentar teatro coas sensacións do tacto, ouvido, olfato... Sempre arriscadas as propostas desta compañía teatral con sede en Vigo. Conversamos co director, Pablo Iriarte.

E con Elisabet Serra descubrimos que hai adaptacións de libros clásicos e novas creacións pensadas e escritas para ser comprendidas na súa totalidade. Ingredientes base? Unha linguaxe sinxela, frases cortas, texto visualmente agradable... Se non comprendestedes ben "O principiño" ou "Os pazos de Ulloa" entrade en www.lecturafacil.net

Divulgar a ciencia. Que fan nos laboratorios, para que sirve...?

O CSIC en Galicia fai comprensible a ciencia con actividades durante todo o ano. O mes de novembro é especialmente intenso por coincidir coa Semana da Ciencia. Conversamos con Luisa Martínez, responsable da unidade de cultura do CSIC Galicia.

Sentádevos na butaca que a parte final do Esperta vai de crítica teatral. Imos "destripar" unha obra que se estreou recentemente no auditoiro do concello de Vigo: "Guerra de identidade".

Tempo de magostos.

A castaña move case 40 millóns de euros en Galicia. O 90% da producción marcha a mercados exteriores. En Rusia as comen asadas con sal acompañadas de cerveza fresca... no verán!! A idea? De José Posada. Viaxamos pola historia deste empresario da castaña.

E tamén polos Records Guinness mais extrambóticos do 2018. O 14 de novembro adícanlle o día mundial a este libro que dende 1955 ven recopilando cada ano logros increíbles.

Hoxe comeza de novo a campaña electoral e traemos programa especial.

O Movemento galego pola defensa das pensións públicas ven de concentrarse en Madrid diante do Congreso dos Deputados hai 2 semanas.

Conversamos sobre o sistema público de pensións e o sistema público de benestar coa plataforma de Vigo.

"Non ter onde caerse morto" ... en Valladares iso non debería pasar, para iso se creou o ceminterio particular hai 25 anos, cando faltaban nichos na parroquia. E comparado con outros lugares fanse os enterros arranxadiños de precio. Entre 3000 e 5000 euros. Paula, a secretaria, cóntanos mais particularidades.

Cine Mari, quen o acorda? Salón das Rosas, tamén se lle chamaba a un destes cines de barrio por este lado do Alba. Ben, pois a coral fixo a súa presentación xustamente ahí. Moito foron cambiando os escenarios onde soaron as súas voces. Este sábado actúan na Gala Lírica no Teatro García Barbón, acompañados dunha sección musical da banda, solistas e mais pianista.