Moi apreciados os fungos na antiguedade: a cultura china os usa como menciña, hai representacións gráficas nalgunha tumba dos faraóns de Exipto.

Galicia, xunto con Navarra, un paraíso dos cogumelos. Conversamos con María Cabaleiro, de Mycogalicia. As tardes dos vernes de outono teñen xornadas micolóxicas abertas á xente interesada.

E mais, unha voltiña pola enquisa para mellorar o Vitrasa na parroquia de Valladares, actos polo 2º aniversario dos lumes nos montes de Vigo e marcha cara Madrid dos pensionistas que se concentran mañán diante do Parlamento por unhas pensións dignas.

Acompañar ás persoas que están enfermas ás citas médicas, ou nos hospitais. Para uns unha obriga, para outros unha “especie de ocio”. Conversamos con Isabel Camino, responsable do voluntariado en ASDEGAL, que leva xa 10 anos cubrindo estas necesidades e contribuindo á crear cultura da "sociedade do coidado".

Os seus nomes non figuran nos libros de texto ne nas antoloxías, pero realizaron unha innegable e invisibilizada contribución á literatura española e iberomericana. Falamos de mulleres escritoras en lingua hispana. Estes días recoñéceselle o seu legado. Damos unha voltiña polos actos en Vigo, na biblioteca do Casco Vello, e mais en Madrid.

Propostas:

-"O que arde", a peli sobre os lumes e a soidade do rural grabada nos Ancares.

-"A festa da recollida do millo e do magosto" en Matamá

- "Ábrete de orellas" podcast con selección de música do país, concertos, discos, crónicas.

-ou se chove, cubrir a enquisa sobre o uso do Vitrasa nas parroquias... ;) Tempo de facer propostas. O ano que ven acaba a concesión.

Conversamos con Xosé Antón, da área de uso social dos montes de Vigo, sobre a II andaina pola rexeneración dos montes e mais do VI trail.

Tamén sobre os camiños de Santiago que atravesan Vigo con Luís de Freixo.

Imos ata o ceminterio de Pereiró. As visitas nocturnas arredor de Defuntos van ser guiadas por Concepción Arenal, Irene de Ceballos e Cachamuiña.

Andainas de outono. O tramo do Camiño de Santiago pola costa ten unha desviación polos montes de Valladares. Domingo percorrese como no medievo, acompañados de trovadores.

O San Froilán e a Festa do Marisco traen concertos moi recomendables. Escoitamos algo e mais descubrimos a Gaizka Project.

Sobre o Teatro Escoitade cos actores afeccionados Raúl e Manolo e sobre a vida no mar co mariño mercante Juan Olivencia.

Remata Coxemar e damos unha volta polos titulares que foron saindo na prensa estes días. Descubrimos empresas, caladeiros, novas especies...

Mesturado de música, variada… avisamos!

Conversamos cos líderes do grupo stooner Martillo e de hard rock Skirl.

A música clásica a poñen esta tarde a Orquesta Clásica de Vigo nun concerto aberto e o cine clásico de Alice Guy, que se pode ver xunto con outros pioneiros do cine clásico no MARCO.

A villa indiana de Alcabre, Villa Solita, acolle os "Cantares por el camino", o Festival Kerouak de poesía e performance atopámolo en currunchos especiais da cidade e da ría... entre outras propostas culturais desta fin de semana.

Tempo de esfollar.

Moitas son as festas que se fan co fin de recuperar ou poñer en valor as tradicións entorno ás nosas primieras industrias, os muiños.

Este domingo, romería arredor do muiño da Senra en Valladares. Andaina por algúns dos muíños da parroquia. muiñada, amasado do pan, mostra de productos do campo, espacios para a artesanía do follaco, música, obradoiros para aprender a contar contos, a pintar ou esculpir... un rato de lecer en familia no salgueiral do Pedregal!

Hai unha volta ós oficios que teñen que ver con traballar coas mans, moi artesanales. Contamos a historia dos luthieres galegos que lle fixeron a última guitarra de Raimundo Amador e mais a do rapaz de Valdeorras que recupera o oficio de ferreiro dos seus ancestros e fai coitelos e navallas recoñecidas noutros países europeos.

Sobre este contiño "Indómita e a semente da inmortalidade", que ben podería ser a historia do Principiño á galega, botamos un rato de palique co seu autor, Álex Mene.

Moitas referencias literarias, musicais e cinematográficas nesta historia dunha nena, Indómita, e dunha árbore, Árbore, que da froitos da inmortalidade e a xente nunca morre. Nunha aldea, que podería ser calqueira aldea do mundo.

Neste Esperta traemos un variadiño:

-Conxemar: 3 días de moito movemento na xente do negocio dos productos conxelados do mar. Coa sombra de Seafoods trasladandose dende Bruxelas a Barcelona en 2 anos.

-Macrocentro comercial en Mos. O impacto ecolóxico dos centros comerciais.

-Ciclo de cine clásico en versión orixinal os venres no Marco. "O ladrón de bicicletas", "Ciudadano Kane", "O emigrante" de Chaplin...

-"Circlassica" esta semana no Teatro García Barbón unha homenaxe ós 250 anos de historia do circo moderno, a da familia Aragón.