Imos falar da Marcha "andar e correr" con Aspanaex. Alguén se vai achegar a adicar unha canción… atentos, que igual é para vós!!!

Damos unha voltiña polas romerías: os milagres de Amil, o Nazareno na Pobra do Caramiñal, a Guadalupe en Rianxo, a pasar pola pedra dos cadrís en Muxía… Aquí detémonos e contamos unha e mil veces a lenda da pedra de abalar e descubrimos outra milenaria tamén, a da "sala do perello".

E recordamos a B. B. King, rei do blues e espello para outros guitarristas. Hai 20 anos, nos albores do ano 2000, daba concerto en Ourense nas celebracións dun Xacobeo. Hoxe cumpliría 94 anos.

A quen lle gusta o mar? La mar, como din os que viven mais nela que na terra. Con Juan Olivencia, mariño mercante, imos de singladura pola costa europea, africana, atracando en Nova Orleans para ir de festa a unha jam en Bourbon Street.

Cantos na maré traenos ata Pontevedra esta fin de semana as melodías de ultramar. Deixámonos envolver por algunhas das súas músicas. Novidade este ano: ritmos urbanos, roteiros culturais, cinema...

Axenda cultural do finde: non facer nada, botarnos ó monte ou ir de culturetas e socializar moito. Onde? Miúdo fest en Tameiga, Son do Pazo en Mos, Son da Industria na c/Coruña, Vicus Spacorum, Vivo en Vigo de música emerxente...

Démoslle volta ás historias de Vigo.

Tomar un algo no Casco Vello e logo unirnos ó Freetour VIGO para coñecer o Vigo oculto. O histórico polas mañás ás 11h e o misterioso e o das lendas á noite, ás 21h.

Sentarse a ler e viaxar coas "Historias para coñecermos Vigo" da Editorial Elvira. Hainas de case todos os barrios e parroquias. De Teis, Coia, Cabral, Castrelos, Oia, Canido... As da parte alta da cidade, Matamá, Valladares... han ir chegando.

Ata hai uns anos a guitarra érao todo. A guitarra era o que destacaba.

Moitas veces estamos escoitando unha canción e o que estamos escoitando é o baixo… e non o sabemos. No reggae, no blues e no funk é un instrumento moi importante.

Escoitamos a dous músicos pegados a estas cordas: Jairo Daponte e Rubén Palomo.

De que falan os grupos cando non están tocando? Repaso ós concertos, á rave, á sesión dj con xente no escenario...

Tertulia con xente da orghanisaçao e mais da barra do bar. Ídelo perder? Unhas risas e "cadeleo" máximo!

Xente, graciñas! A que colaborou, a que viu... a que non viu pero tiña ganas... a que non se acordou... ou non sabía. Ata a próxima!

Cousas divertidas para non sair da parroquia… Esperta made in feito na casa hoxe.

-Carros de bolas de Freixo. Carro preparado xa? Ou esperades mirar como espetan na curva do piñón? Baixa Santi contarnos cousas dos carros e mais de Demencia Sonora, que actúa no Revoltallo.

-Revoltallo. XXVI anos xa! Algún grupo emerxente por descubrir? Esa é a esencia.

-Baixada dos santos do Alba. Tendes un tractor? Engalanádeo e baixade na procesión que acompaña os santos.

Emerxentes emerxentes estas bandas muradanas.

-LISDEXIA. Comezaron ata tocar nesta primavera e cando chegue octubro van levar 40 concertos. O éxito? O directo. Non son un grupo de escoitar na casa. Hai que vir miralos!

-THE RAPANTS. Un día un deles xogou moi ben o fútbol, preguntáronlle que comera e respondeu que "rapantes". Xa lle quedou o nome o grupo. Curiosamente, non cantan en inglés, van en galego. Esta banda garage fai xustamente agora o seu primeiro aniversario.

E que nos recomendan estes rapaces da Costa da Morte cando andemos de turisteo por alí? "As praias son unha locura pero están cheas de guiris…" Agora en setembro xa desapareceron todos. Alá que imos!! Onde durmir? No camping San Francisco en Louro. Igual damos con alguén dos Rapants.

Abordamos a parte infantil do Revoltallo

"O Revoltalliño". Xogos, maxia, malabares, teatro de monicreques, contos acompañados de música… as tardes do venres e o domingo.

-Carlos Tomico, o mago vintage. Non desvela os trucos...ohh!!! pero sí a súa refencia: Dai Vernon, o mago que lla xogou a Houdini.

-A Tribo das Concurbitas, unhas cabaciñas que veñen baixando dende Mos e nos levan ata a Prehistoria. Puro teatro!

-Atención "Zona en obras!", contos en construcción con moito ritmo... Brais Das Hortas trae cans de palleiro que se convirten en superstars, extraterrestres...

De San Miguel de Oia veñen Os Bechuchos. Son festeiros. Sábado fan doblete, sesión vermú nos Liñares e sesión canalla no Revoltallo. Por que lle chaman os bechuchos? Iso ven de moi lonxe! Dos "Premios bechuchos" á xente que facía a maior cafrada...

Os Liñares están en festa cun novo concepto de romería. Rockmería, folkmería... canta mais xente variada se xunte, mellor. Resurrectichachachá... esa é a idea!

Vimos musicais!

Imos bailar cumbia con Jinetes de Trópico e o seu “namoreime dunha pulpeira”. Conversamos co saxo e mais voz, Juan. Como se lle ocurrirán estas letras?

Outra voz, a dos coros e teclados de Liska, Jana. Ska-punk made in Vigo, veñen ata o Revoltallo facer boa festa este venres antes de se meter no estudio co novo disco República 2.0.

A fin do verán é para moitos un comezo de novos propósitos, como ano novo. Anotarse a cursos é un deses. Dámosvos ideas cos que hai no Centro Veciñal de Valladares.

Mirástedes xa xente en patinete eléctrico polas canicouvas do rural vigués? Demos con unha persoa por Beade que o usa para recados pola parroquia.

Xeración Xabarín. Marcou un antes e un despois no xeito de achegarse os rapaces á cultura galega. Descubrimos que falar con gheada e seseo podía ser divertido, que escoitar debuxos en galego tiña o seu aquel, que había infinidade de grupos facendo rock, reggae, punk... con letras moi boas!

Ben, venres no Revoltallo podemos desfrutar unha horiña dalgunhas desas 300 cancións que foron soando naqueles tempos da TVG con Collón de Lola.

Neste Esperta tamén falamos das romerías de "papar" desta finde pasada e da que ven, curioseamos pola biografía dalgúns famosos polo mundo adiante con orixes en Ourense e recordamos a concentración dos luns primeiro de mes diante do Marco, dos pensionistas polo mantemento do sistema público de pensións.