A ong "Cada niño un juguete" xa está a recoller xoguetes para o nadal.

O cociñeiro do restaurante Culler de Pau, Javier Olleros, cóntanos do proxecto Despesques onde anda metido con outros cociñeiros de prestixio.

Adiántanos o que imos atopar no Culturgal, a feira da industria cultural galega en Pontevedra, o seu director José Aldea.

O grupo de rock metal NAO, está de despedida. Con Jasper falamos do seu derradeiro disco: "Ata que o lume se apague".

Cantigas e Agarimos de Compostela, un dos coros vais vellos de Galicia, acaba de sacar disco "Corazón aberto" e o veñen presentar na IV Mostra de Coros Tradicionais Galegos aquí en Valladares.

Descubrimos a Catro ventos, unha editorial moi noviña, naceu no 2016 aquí en Vigo para cubir un oco nos eidos da ecoloxía e da economía social. Falamos cun dos socios, Miguel Braña.

"Dúbidas reais dos adolescentes sobre o sexo", libro da xinecóloga Sabela Iglesias vaise presentar en breve no Culturgal.

No IES de Valadares están de noraboa! Foron galardonados cun recoñecemento da Xunta polo proxecto de vida saudable no que traballaron Educación Física, Matemáticas, Biología, Física y Química, Plástica e tamén a biblioteca. Viu ata o estudio Fernando, o profe de ximnasia.

Nestas tardes está a pintar o muíño da Senra Antonio Abalde, que expón unha obra sobre muíños galegos no Centro Cultural de Valladares.

Coñecemos como se fabrican e deseñan os paraugas de Ezpeleta. Dende o País Vasco, Susana Gurridichi contounos dos mangos de metracrilato e os tecidos italianos... do novo concepto de paraugas como un accesorio con personalidade.

Os veciños da Mancomunidade de montes de Tameiga, en Mos rexeitaron o proxecto da cidade deportiva do Celta. Por que? Falamos con Antonio, o seu presidente.

É tempo de magostos! Pode dar un so castiñeiro 400 kg de castañas? Seica un da iso en Souto da Trabe, preto de Verín... imos coñecer a súa producción ecolóxica de castañas e mais de boletus.

Morriña, terruño... son palabras que se usan moito cando un galego está fora. Cal é a súa relación con Galicia? Falamos on Pepe Sendón, do Observatorio da diáspora galega, onda.gal.

"Arnoia, Arnoia" o libro de aventuras de Ferrín foi levado ó teatro por Quico Cadaval. Tamén ten esceas de circo, asíque falamos con PistaCatro e que nos conte de como xurdiu esta idea do teatro-circo.

Que aprendemos dos incendios do ano pasado? Falamos con Juan Picos, director da Escola de Forestais, da nosa relación co monte e a natureza.

E da vida no mar, falamos cun capitán de pesca que anda entre a Antártida e mais as Malvinas. El é César, veciño de Valladares.

A semana pasada organizáronse en Vigo as VII xornadas contra a prostitución. Como está a situación en Galicia? Falamos con Silvia, portavoz da Rede Galega contra a Trata.

Os médicos están de folga en Galicia. Que sistema sanitario temos? Como está por dentro? Os médicos están cansos: moitos pacientes, atención en diversos lugares da provincia, agora a nova figura do pediatra de área... Explicounos a situación Manuel Rodríguez, do sindicato O'MEGA.

Nova lei de espectátulos en Galicia.

Tertuliamos cos músicos e mais cos hostalerios.

Ata o estudio achegáronse Arturo Álvarez, recoñecido músico de jazz da escena galega, e tamén David Iglesias, dono do Monk blues bar, para falar da nova lei de espectáculos galega.

Imos con anécdotas de mariscadas. Sodes dos que rapiñades as patas gordas do boi antes que nadie, a que sí? Ou ides mais a pola cuncha?

O mundo infantil está de noraboa porque nace Kalandraka.tv.

Nesta ponte do Pilar, todas as tardes, Teatro Amador. Escoitade estrea obra: "Un hotel de primeira sobre o río" de Xohana Torres.

Andaina e trail polos montes de Vigo son a antesala dunha chea de actividades previstas pola Mancomunidade de Montes de Vigo.

De viño, que estamos na vendimia. Ata Soutomaior fomos coñecer a bodega NoeliaBebelia.

Rugby, un deporte agresivo?? É como o fútbol americano?? Desmitificamos estas cousiñas con Trosky, do equipo de rugby da UVigo, e mais ben o que atopamos é moita camaradería.

A fin do verán é o momento para iniciar novos proxectos... coma o de aprender algo. Que tal guitarra co bouzoukista de Ardentía e da Orquesta folk da ETRAD Vigo? As mañás dos sábados poden ser para dar uns acordes guitarreros.

E de música tamén falamos con Galician Bizarre. Grupos emerxentes da escena underground galega sacan III vinilo. Podemos apoialos na campaña de crowfounding en verkami.

-Bembrive presentou o seu propio himno "O ben vivir". Unha composición do gaiteiro Marcos Castro, que se achegou ata o estudio con toda a emoción provocada na parroquia veciña.

-Escaneo pola música en galego. Ollo, cantada en galego. José das Patas ten un blog onde vai facendo o rexistro.

-Audición infantil da Banda de Valladares no auditorio do Centro Cultural con Félix de Trío Refugallo, Píscore...