Falamos con Pablo Lubiáns, controlador aéreo e piloto de drones sobre lexislación, permisos e futuro destes trebellos.

Conversamos tamén con Xosé Leal, concelleiro de cultura de Bueu e deputado provincial, para coñecer a Semana da Música da vila bueuense.

Tamén tivemos ao outro lado do teléfono a Sabela, guitarrista de Agoraphobia, para falarnos desa carreira maxistral que están levando na música.

A nosa colaboradora Zaida, volve coa súa sección diaria a falarnos do acoso laboral. Escoitadea, porque merece a pena.

Alex Piñeiro trouxo a súa sección de saúde, esta vez enfocada na prevención do cancro de pel.

E miramos cara o noso CVCV con Doro e o fin de curso do grupo de teatro.

O venres pasado veu ata o estudo o Obispo Luis Quinteiro. falamos da parroquia, da xuventude, da actualidade e do futuro, por iso o gravamos para poder emitilo hoxe. Unha charla moi interesante.

Brais Morán, gañador dun dos Premios Martín Codax falounos da súa música e da situación actual da industria musical.

A piques de comezar o II encontro de Teatro de ACDC Vigo, conversamos con Roberto, presidente da Asociación de Centros Culturais, e Doro, director do grupo Escoitade de Valladares, aquí no Estudio.

Hoxe falamos do proxecto #composicion365 , unha fazaña obra do gaitero e compositor Isidro Vidal, que está a compoñer unha peza de gaita ao día durante un ano (e xa vai pola metade).

Tamén contamos con Andrea, veciña de Tui, e creadora dun crowdfunding para axudar aos afectados pola explosión na súa vila.

Charlamos con Kiko da Silva, referente do cómic galego que lanza A viñeta de Schrödinger, unha nova revista en galego dedicada á banda deseñada.

Esta semana, a nosa colaboradora habitual, Zaida García, explicounos as novas da reforma laboral e as tipoloxías de despidos.

Conversamos con Ana Bringas, profesora da Uvigo que este venres participará nunha charla aquí no CVCV como un exemplo actual de persoa que namorou do galego pero chegou de fóra.

E como non, Cans, o Festival do audiovisual galego, non podía faltar. Abel Gallego cóntanos o seu crecemento e a súa esencia.

Esta semana falamos con Fernando Mouriño, presidente da escudería Rías Baixas que de novo logrou que un dos rallis galegos por excelencia voltara a Vigo tras dous anos sen celebrarse.

Conversamos con Carmen Lorenzo, a directora da Escola de Conversación e Restauración de Pontevedra, que este venres farán xornada de portas para celebrar o Día dos Museos.

Tamén tivemos no estudo a Ana Pérez para falar da asamblea xeral da asociación cultural e veciñal de valladares que terá lugar este domingo as 10.30h.

Por último, Gabriel e Óscar do Valladares Femenino viñeron resumir a tempada e os plans de futuro.

Esta semana tivemos dúas interesantes charlas arredor do pergamiño Vindel. A primeira con Cipriano Jiménez, e a segunda con Salesiano Mato; os responsables de que a famosa peza literaria puidera ser visitada en Vigo.

Tamén conversamos con Ramón Nicolás, profesor do IES Valadares, escritor e crítico literario. Unha persoa que da gusto escoitar e coa que sempre é un pracer poder falar.

Esta semana falamos con Enrique Vieites da programación preparada no CVCV para Días das Letras Galegas. Preparade as axendas porque vai ser impresionante.

Por outra banda, tamén conversamos con Eli Ríos, que o venres achegarase ao CVCV para falar da figura da homenaxeada polo Día das Letras Galegas deste ano, María Victoria Moreno.

Contamos coa humorista Eva Soriano. Monologuista no Club de la Comedia e colaborada no programa de Buenafuente, Late Motiv. Actúa este venres en Vigo, na cafetería Triskel.

Achegáronse ao estudo as rapazas do Valladares femenino e o seu segundo adestrador. Xa son de Segunda División Nacional, é iso hai que celebralo.

O barista vigués Marcos González participou esta semana no Campeonato de España en Barcelona. Cafés con algo más que sabor. Tivémolo ao outro lado do teléfono para que nos contara so segredos dun bo café.

Sandra Obarrio, traballadora na Fundación Terra Termarum falounos do seu impresionante labor como ceramista. As súas mans funcionan como máquinas do tempo e traen de volta, da mesma maneira que o facían hai 2.000 anos, obxetos castrexos.

Tivemos tamén o pracer de charlar con Adán da mezcalería de Bouzas Pinche Pancho. Un achegamento aos licores mexicanos da man dun emigrante que chegou a Galicia por amor. Probadeo!

Conversamos con José Iglesias Ramilo, o director da Coral Polifónica de Valladares que o próximo martes actuará no Adutiroio do Mar de Vigo, dentro do programa do Festival de Habaneras.

Empezamos falando con Gabi, adestrador do equipo de fútbol feminino de Valladares que esta fin de semana celebrarán o ascenso á categoría superior.

Falamos con Xaquín de Treixadura, membro fundador da agrupación por excelencia da música tradicional galega, que este sábado pasado encheron o teatro de Afundación ata os topes.

Tivemos a sorte de falar con Vicente Viso, presidente da protectora de A Madroa que actualmente acolle ao doble de cans dos que pode acoller. Unha aberración que debe correxirse con adopcións, educación y vontade para elo.

Contactamos con José Luis, de La Casa de Aldea, unha tenda online chulísima que se dedica a venda de produtos caseiros e de aldea a toda España