Tge rolla gioga il conflict en l’Ucraina per l’Europa, e per la relaziun da l’Uniun europeica cun ils pajais en l’Europa da l'Ost?

Sin mes viadi tras l’Europa da l’Ost da questa stad sun jau era ma dumandada: Co statti politicamain cun questa regiun – l’Europa da l’Ost? Èsi propi uschia che persunas sco Orbán e Vučić surpiglian adina dapli il timun? Sa sposta l’ost a dretga, gudognan sistems autoritars adina dapli? In discurs cun il politolog, professer ed expert per dumondas da l’Europa da l’Ost Daniel Bochsler ha gidà da metter a lieu la situaziun actuala. Ed era da midar il maletg plitost pessimistic dal svilup actual, en ina perspectiva pli positiva.