euroradio.fm

Пуцін ляціць у Будапешт на сустрэчу і перамовы з Трампам. Ну, прынамсі, пра гэта было заяўлена, а прэм’ер-міністр Венгрыі Орбан, якога лічаць сябрам як Пуцін, так і Трамп, ужо актыўна рыхтуе перамоўную пляцоўку. А вось дамовіцца на правядзенне “Мінск-3” у галоўнага міратворца нашага рэгіёну Лукашэнкі неяк не атрымалася. Нягледзячы на прапанаваную ім прэзідэнту ЗША Дональу Трампу напярэдадні званка з Вашынгтона ў Маскву “вялікую здзелку”. Відаць, здзелка не такая ўжо і вялікая, каб дзеля яе ляцець з ЗША ў Мінск… Дый, калі глядзець на працягласць заключанага дзякуючы Трампу міра паміж Ізраілем і ХАМАС, веры ў сілу міратворчага аўтарытэту амерыканскага прэзідэнта нешта не шмат.

Што ў пытанні “Якім чынам Пуцін паляціць у Будапешт?” насамрэч самае галоўнае і якія пагрозы дазвол на пралёт можа ў будучым стварыць Еўропе? Чаго чакаць ад сустрэчы Трампа з Пуціным у Будапешце і ці будзе ён адстойваць інтарэсы Лукашэнкі перад ЕС? Ці варта разлічваць не тое што на трывалы мір з Расіяй, але хаця б на доўгатэрміновае спыненне агню, калі глядзець на сітуацыю ў Газе? На гэтыя ды іншыя пытанні ў эфіры Еўрарадыё адказвае палітолаг, дырэктар Украінскага інстытута сусветнай палітыкі, эксперт iSANS Яўген Магда

Не чакаць “лепшых часоў”, а паступова здымаць санкцыі і прапаноўваць рэжыму Лукашэнкі розныя “плюшкі” наўзамен яго “крокаў насустрач” прапаноўваюць еўрапейскім палітыкам аўтары “Дарожнай мапы для дээскалацыі паміж Беларусю і ЕС”. Аўтары гэтага дакумента — беларускія эксперты Арцём Шрайбман, Кацярына Дзяйкала, Зміцер Крук і Андрэй Бушыла. На думку аўтараў, сённяшняя палітыка ціску вядзе не да паляпшэння сітуацыі ў Беларусі, а стварае ўсё новыя пагрозы. Таму трэба дамаўляцца, лічаць эксперты. І прапаноўваюць пакрокавы план узаемных дзеянняў і саступак.

Чаму сваю “дарожную мапу” эксперты вырашылі прапанаваць менавіта цяпер і што сведчыць пра магчымасць яе рэалізацыі? Чаму ЕС мусіць пайсці на саступкі рэжыму і ці гатовы рэжым да супрацы з Еўропай? Якое значэнне мае эканоміка ў пытанні наладжвання стасункаў з Мінскам і прычым тут санкцыі і вайна? На гэтыя ды іншыя пытанні ў эфіры Еўрарадыё адказвае старшы навуковы супрацоўнік даследчага цэнта BEROC, эканаміст Зміцер Крук

Старшыня ліквідаванай Аб'яднанай грамадзянскай партыі, былы палітвязень Мікалай Казлоў даў 20 кастрычніка сваю першую пасля выезду з Беларусі прэс-канферэнцыю. Падчас якой выказаў сваё меркаванне наконт перамоў з рэжымам і ўмоваў, на якіх атрымліваецца вызваляць палітвязняў з-за кратаў. Фактычна, Казлоў стаў на бок тых былых палітвязняў, якія публічна абурыліся пазіцыяй сяброў Кааліцыі за вызваленне палітвязняў, якая выступае за зняццё санкцый і вяртанне заходніх амбасадараў у Мінск наўзамен вызвалення палітзняволеных.

Пра што сведчыць такое разыходжанне пазіцый у былых палітвязняў і палітыкаў і ці мусяць палітыкі ўлічваць меркаванне палітвязняў? Што стаіць за заявамі старшыні КДБ пра супрацу беларускіх спецслужб з калегамі з еўрапейскіх краін і пра арганізацыю сустрэчы Лукашэнкі з Зяленскім? Ці варта СМІ выцягваць на публіку спрэчкі і дыскусіі, якія вядуцць у сацсетках вядомыя персоны? На гэтыя ды іншыя пытанні ў жывым эфіры Еўрарадыё адказвае паліталагіня, міжнародная сакратарка Задзіночання беларускіх студэнтаў Аліна Харысава

Печанегі, Тэртэль і Міхась Ільін — Еўразум за 20 кастрычніка | Новости Беларуси за 20 октября by Euroradio

Прэзідэнт ЗША Дональд Трамп ізноў паверыў і даверыўся Пуціну. Ці яго так уразілі аповеды пра печанегаў, якімі так любіць дзяліцца Пуцін, ці ідэя танэля паміж расійскай Чукоткай і амерыканскай Аляскай — невядома. Але Трамп ізноў загаварыў пра магчымасць дасягнуць міра паміж Расіяй і Украінай дыпламатычным шляхам і дамовіўся сустрэцца з Пуціным у Будапешце бліжэйшым часам. Не застаецца па-за ўвагай Трампа і Лукашэнка (як і Трампа не абыходзіць сваёй увагай Лукашэнка) і размовы наконт “вялікай здзелкі” паміж Мінскам і Вашынгтонам усё гучней.

Што стаіць за раптоўным тэлефанаваннем Трампа ў Крэмль напярэдадні візіту Зяленскага ў Вашынгтон і чаго ад гэтага візіту чакаць? Чаму для сустрэчы Трампа і Пуціна быў абраны Будапешт і якім чынам Пуцін туды зможа дабрацца і не апынуцца па выніку ў Гаазе? Чаму гэты этап замірэння Расіі і Украіны Трампам абыходзіцца без Лукашэнкі і чаго чакаць ад прапанаванай ім Трампу “вялікай здзелкі”? На гэтыя ды іншыя пытанні ў эфіры Еўрарадыё адказвае дырэктар даследчых праграм Усходняга суседства і Расіі Фінскага інстытута міжнародных адносін, адзін з аўтараў кнігі "Палітыка Расіі па Беларусі пасля 2020 года" Аркадзь Мошас.

Днямі стала вядома пра змены ў Палку імя Кастуся Каліноўскага. Найперш гэта тычыцца кіравання. Па словах цяпер ужо былога камандзіра ПКК Паўла "Дзядзькі” Шурмея, Полк становіцца “больш сучасным і тэхналагічным ды развівае новыя напрамкі працы і канчаткова пераходзіць да калегіяльнай мадэлі кіравання, дзе ўсе ключавыя рашэнні ў падраздзяленні прымае рада камандзіраў”. Апроч таго, “каліноўцамі” заснаваны ветэранскі рух Грамадская арганізацыя “Каліноўцы”.

Што стаіць за зменамі ў Палку і ці толькі ў патрабаваннях часу і тэхналогій справа? Якая патрэба ў стварэнні ветэранскага руху і чым гэта грамадская арганізацыя будзе займацца? Якой будзе супраца з іншымі структурамі дэмсіл і ці ёсць палітычная падтрымка ініцыятывам “каліноўцаў” з боку ўладаў Украіны? На гэтыя ды іншыя пытанні ў эфіры Еўрарадыё адказвае сябра Рады камандзіраў Палка імя Кастуся Каліноўскага, палітычны прадстаўнік ветэранскага руху Грамадскай арганізацыі “Каліноўцы” Павел “Дзядзька” Шурмей

Усебеларускі народны сход, пра існаванне якога ўсе ўжо паспяхова паспелі забыцца з-за прапушчанага веснавога пасяджэння, нечакана знайшоўся — чарговае пасяджэнне Лукашэнка прызначыў на 18-19 снежня. А недзе побач прэзідэнт ЗША Дональд Трамп — на “вялікую здзелку” з якім прадбачліва пагадзіўся Лукашэнка — ізноў паверыў Пуціну і прызначыў яму сустрэчу ў сяброўскім ім абодвум Будапешце. Прыблізна так і выглядаюць спробы вырашэння праблем з бяспекай у нашым рэгіёне. І калі не новая (ці не новая зусімі) праблема для нацыянальнай бяспекі Беларусі, то можна было і расслабіцца, але…

Што прымусіла Лукашэнку раптам прыгадаць пра УНС і ці варта чакаць, што на ім будзе абвешчаная “стратэгія адыходу ад рэпрэсій”? Ці будзе Трамп адстойваць інтарэсы Лукашэнкі перад ЕС і чаго чакаць ад яго сустрэчы з Пуціным у Будапешце? Чаму гэты этап замірэння Расіі і Украіны Трампам абыходзіцца без Лукашэнкі і якая пагроза нацыянальнай бяспецы Беларусі выявілася апошнім часам? Пра гэта і шмат што іншае мы і разважаем у штотыднёвым жывым эфіры Еўрарадыё з дацэнткай, кандыдаткай гістарычных навук, эксперткай па міжнароднай палітыцы Розай Турарбекавай

Ніякай кавы на запраўках! — Еўразум за 17 кастрычніка | Новости Беларуси за 17 октября by Euroradio

Рашэнне аб змяншэнні ўзроўню аховы Святланы Ціханоўскай крытыкуюць у тым ліку і палітыкі Літвы, называючы гэта рашэнне найперш “палітычным”. І хоць кіраўніцтва Літвы пераконвае, што ні статус самой Ціханоўскай, ні Офіса не змяняецца, размовы пра мэтазгоднасць пераезду ў іншую краіну каманды ОСЦ на чале з Ціханоўскай віруюць і ў СМІ, і ў “кулуарах дэмсіл”. А асобныя літоўскія палітыкі ў звязку з гэтымі размовамі кажуць, што ад такога пераезду Літва страціць больш, чым Офіс і беларускія дэмсілы ўвогуле…

Што насамрэч магло стаць нагодай для прыняцця такога рашэння і наколькі нечаканым яно стала для Офіса? Ці сапраўды разглядаюцца варыянты пераезду ў іншую краіну і якія плюсы/мінусы ад змены “прапіскі”? Ці сапраўды змена ўзроўню бяспекі ставіць пад пагрозу працу Офіса і ці не прыспеў час яго рэарганізацыі? На гэтыя ды іншыя пытанні ў эфіры Еўрарадыё адказвае дарадца Святланы Ціханоўскай па палітычных пытаннях Аляксандр Дабравольскі

3Вызваленне беларускіх палітвязняў, але на ўмовах дэпартацыі і з пазбаўленнем іх беларускіх пашпартоў. Перамоўны працэс Мінска і Вашынгтона, які дайшоў да тэлефанаванняў Трампа Лукашэнку, перадачы падарункаў і ўхвальных твітаў. Падзел дэмакратычных сіл на тых, хто выступае за зняцце санкцый ды іншыя плюшкі для рэжыму наўзамен вызвалення вязняў, хоць сабе і на ўмовах “альбо так, альбо ніяк”, і тых, хто за перамовы, але і працяг ціску на рэжым. А ёсць яшчэ непаразуменні з Офісам Ціханоўскай ў Літве, незразумелая сітуацыя з “дублінскім рэгламентам” для дэпартаваных палітвязняў і шмат што яшчэ. А на гэтым фоне культурнае жыццё беларусаў у эміграцыі працягваецца, і яно надзвычай багатае. Вось Беларускі свабодны тэатр зладзіў паказ у Варшаве новага спектакля…

Што стаіць за жаданнем Вашынтона працягваць перамовы з Лукашэнкам і чаму той так нечакана загаварыў пра сваё жаданне “вялікай здзелкі” з амерыканцамі? Ці будзе працягвацца вызваленне палітвязняў і ці магчыма выйсці з парадыгмы “альбо так, альбо ніяк”? Што адбываецца з Офісам Ціханоўскай у Літве і ці стане яго пераезд у іншую краіну паразай? На гэтыя ды іншыя пытанні ў эфіры Еўрарадыё адказвае кавалер ордэна Брытанскай імперыі, арт-дырэктар Беларускага свабоднага тэатра, праграмны дырэктар Creative Politics Hub Мікалай Халезін