Уменне пераварочваць усё з ног на галаву і даказваць, што ва Украіне не расійскія акупанты пры падтрымцы лукашыстаў бамбяць украінскія гарады, а “гэта яны самі сябе”, — адметная рыса не толькі расійскай, але і беларускай прапаганды. А пагроза таго, што “бумеранг вернецца”, прымушае прапаганду шукаць новыя формы ўплыву на свядомасць беларусаў.

Якія трэнды пануюць апошнім часам у лукашэнкаўскай прапагандзе? Ці сапраўды беларусы вераць таму, што ім даводзяць дзяржСМІ? Як можна супрацьстаяць прапагандзе і якая ў гэтым роля незалежных медыярэсурсаў? На гэтыя ды іншыя пытанні ў эфіры Еўрарадыё адказвае віцэ-спікерка Каардынацыйнай рады, лідарка суполкі “Сумленныя людзі” Алена Жываглод.

1 чэрвеня ў эфіры Еўрарадыё — актывіст беларускай дыяспары ЗША, “змагар са стажам” Дзяніс Баранаў.

Нам жыццёва неабходна захаваць сваю культуру і мову, сваю нацыянальную ідэнтычнасць і сваю адметнасць. Можна шмат разважаць на тэму глабалізацыі і постмадэрнізму, але каб Беларусь не знікла, мы спачатку мусім умацаваць сябе як нацыя. А для гэтага нам трэба не так ужо і шмат — стаць свабоднымі. А каб стаць свабоднымі, мы мусім усвядоміць сваю беларускасць. Усё ўзаемазвязанае, перакананы Дзяніс Баранаў.

Пра тое, якое значэнне ў сучасным глабальным свеце маюць нацыянальныя адметнасці, чаму толькі свабода выбару дасць гарантыі захавання Беларусі і пра ролю дыяспары ў пабудове Новай Беларусі, мы і разважаем у праграме “Ідэя Х” з Дзянісам Баранавым.

Пытанне вывучэння і пашырэння выкарыстання беларускай мовы па-ранейшаму актуальнае для беларусаў. Асабліва для тых, хто пасля 2020 года быў вымушаны выехаць з Беларусі. Калі дома іх дзеці мелі ў школе ўрокі роднай мовы і літаратуры, то за мяжой з гэтым складана. А без ведання мовы ўзнікаюць пытанні наконт вызначэння беларусамі за мяжой сваёй ідэнтычнасці.

Як можна вырашыць пытанне з вывучэннем беларускай мовы за мяжой і ці магчыма гэта ўвогуле? Ці сапраўды ў беларусаў ёсць праблемы з вызначэннем сваёй ідэнтычнасці? Што адбываецца з іншымі культурна-адукацыйнымі ініцыятывамі, раней анансаванымі Пераходным кабінетам? На гэтыя ды іншыя пытанні ў эфіры Еўрарадыё адказвае прадстаўніца па нацыянальным адраджэнні Аб’яднанага пераходнага кабінета Беларусі Аліна Коўшык.

Польшча з 1 чэрвеня закрывае мяжу для беларускіх і расійскіх грузавікоў. І папярэджвае, што санкцыйны ціск з боку Варшавы на лукашэнкаўскі рэжым будзе працягвацца. У той жа час некаторыя краіны ЕС блакуюць увядзенне новага санкцыйнага пакета ў дачыненні да Расіі і Беларусі і лабіруюць інтарэсы “Беларуськалія”. У самой Беларусі прадпрыемствы актыўна бяруць расійскія “ваенныя заказы”…

Як блакада польскай мяжы для перавозкі грузаў уплывае на эканоміку і ці пагодзяцца з такой сітуацыяй іншыя краіны Еўрасаюза? Ці дапамогуць уратаваць беларускую эканоміку і дабрабыт шараговых беларусаў ваенныя заказы з Расіі? Навошта рэжым пазбаўляецца ад ІП-шнікаў і што чакае курс беларускага рубля? На гэтыя ды іншыя пытанні ў эфіры Еўрарадыё адказвае эканаміст Яраслаў Раманчук.

Ва Украіне пахавалі аднаго з камандзіраў палка Каліноўскага, сузаснавальніка “Белага легіёна” Міраслава Лазоўскага, які загінуў у баях пад Бахмутам. З іншага боку, цягам апошняга месяца двойчы “хавалі” Лукашэнку. І калі ў першым выпадку ён сам даў падставы для надзеі, то за другім “пахаваннем” стаіць Цапкала & С. Лукашэнка выжыў, але і першая смерць, і спадзяванні на другую зрабіліся нагодай для роздумаў пра вызваленне Беларусі.

Якія пагрозы нясе наяўнасць ядзернай зброі ў Беларусі і пры чым тут чуткі пра стан здароўя Лукашэнкі ад каманды Цапкалы? Ці дасягнулі сваёй мэты арганізатары атакі беспілотнікаў на Маскву і ў чым тая мэта была? Ці чакаць паходу беларускіх добраахвотнікаў у Беларусь? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым.

230530 - ZOOM - Усе ў войска і ў эскорт: што здарылася падчас ЦЭ by Euroradio

Сёння ўжо ўсе ведаюць пра "кухара Пуціна" Прыгожына, але мала хто чуў пра "прыбіральшчыка Крамля" Эдуарда Апсіта. Як і пра тое, што пачынаў свой бізнес і зарабіў першыя мільёны гэты клінер у Беларусі. І што згаданыя "кухар" з "прыбіральшчыкам" у свой час утварылі "дуэт", каб атрымліваць і адмываць мільёны еўра праз еўрапейскі банк…

Хто стаіць за бізнесам Апсіта і ці атрымалася б у яго так разгарнуць свой бізнес без падтрымкі беларускіх уладаў? Ці мае сёння значэнне колішняя сувязь клінінгавага бізнесоўца з заснавальнікам "Вагнера"? Якія наступствы можа мець для бізнесоўца расследаванне латвійскай пракуратуры? На гэтыя ды іншыя пытанні ў эфіры Еўрарадыё адказвае журналіст-расследавальнік Беларускага расследавальніцкага цэнтра Алесь Ярашэвіч.

Расіяне фактычна няспынна атакуюць Кіеў з пачатку актыўнай фазы акупацыйнай вайны супраць Украіны. Але апошнія тры дні сталі ледзь не самымі цяжкімі і для жыхароў горада, і для сіл супрацьпаветранай абароны. Напярэдадні пасля чарговай масавай атакі ракет і “Шахедаў” на Кіеў кіраўнік ГУР Буданаў паабяцаў расіянам хуткі і балючы адказ. А раніцай 30 траўня стала вядома пра атаку невядомых беспілотнікаў на Маскву…

Ці дасягнулі сваёй мэты арганізатары атакі беспілотнікаў на Маскву і ў чым тая мэта была? Як змяняе сітуацыю на фронце наяўнасць ядзернай зброі ў Беларусі і ад чаго лукашэнкаўцы бароняцца “зубамі цмока” ў Гомельскай вобласці? Ці чакаць паходу беларускіх добраахвотнікаў у Беларусь? На гэтыя ды іншыя пытанні ў эфіры Еўрарадыё адказвае намеснік дырэктара ўкраінскага Цэнтра даследавання войска, канверсіі і раззбраення Міхаіл Самусь.

Учора Святлана Ціханоўская запісала кранальны зварот з нагоды, што яе муж Сяргей ужо тры гады знаходзіцца за кратамі. Гэта ізноў узняло старую дыскусію: чаму палітвязняў-мужчын больш, чым жанчын, дзе тут роўнасць? У сённяшнім Gender Gap паразмаўляем пра гэта з доктаркай навук Ірынай Сідорскай.

Таксама абмяркуем, чым прадстаўленасць тэмы ў медыях адрозніваецца ад прапаганды і чаму за жаданне, каб журналісты звярталі ўвагу на твае праблемы, нельга караць.

230529 - ZOOM - Лукашэнка загаварыў аб адзінай валюце з Расіяй: яшчэ крок да паглынання Беларусі? by Euroradio