210423 - ZOOM - Падсумоўваем вынікі сустрэчы Лукашэнкі з Пуціным by Euroradio

Напярэдадні сустрэчы Лукашэнкі і Пуціна ў беларускай інфапрасторы гучалі асцярогі наконт падпісання ў Маскве пагадненняў аб стварэнні ў Беларусі новых расійскіх баз, увядзення расійскіх войскаў і гэтак далей. Нічога такога, здаецца, падпісана не было, але эксперты раяць не супакойвацца.

Ці сапраўды існуе рэальная небяспека з’яўлення ў Беларусі кантынгенту расійскіх войскаў? Чым небяспечнае супрацьстаянне Беларусі і Захаду? На гэтыя ды іншыя пытанні адказвае кіраўнік Цэнтра стратэгічных і знешнепалітычных даследаванняў Арсеній Сівіцкі

Мінгарвыканкам не задаволіў заяўку партыі "Зялёныя", БНФ і БСДП (Грамада) на правядзенне “Чарнобыльскага шляху". Сталічныя ўлады спасылаюцца і на "неадпаведнае" месца збору і на адсутнасць дамоваў з міліцыяй, медыкамі і камунальнікамі. Да таго ж чыноўнікі палічылі, што заяўлены час збору людзей і шэсця "можа негатыўна паўплываць на бяспеку ўдзельнікаў транспартнага і пешаходнага руху". І нечакана згадалі сітуацыю з COVID-19.

Ці законна адмовілі арганізатарам “Чарнобыльскага шляху”? Наколькі чаканым было такое рашэнне Мінгарвыканкама? Ці плануюцца альтэрнатыўныя шэсцю мерапрыемствы? На гэтыя ды іншыя пытанні адказвае кіраўнік партыі “Зялёныя” Дзмітрый Кучук.

210422 - PETARDA - Латушка заклікае Ціханоўскую ўступіць у пасаду прэзідэнта by Euroradio

210422 - ZOOM - Як перамовы паміж Лукашэнкам і Пуціным пагражаюць незалежнасці Беларусі? by Euroradio

Цяжкі стан беларускай эканомікі і адсутнасць заходняй падтрымкі штурхаюць Лукашэнку на паглыбленне інтэграцыі з Расіяй. Такія меркаванні выказваюць як асобныя палітыкі, так і эканамісты. А тут яшчэ і танкі НАТА пагражаюць Беларусі ад самай польскай мяжы…

Ці сапраўды з эканомікай у Беларусі так усё дрэнна, што прыйшоў час гандлю суверэнітэтам? Ці пойдзе Лукашэнка на такі гандль? На гэтыя ды іншыя пытанні адказвае эканамічны аналітык Сяргей Чалы.

22 красавіка ў эфіры Еўрарадыё — акадэмічная дырэктарка Школы маладых менеджараў публічнага адміністравання, навуковая супрацоўніца факультэта палітычных навук і дыпламатыі ўніверсітэта Вітаўта Вялікага (Каўнас) Таццяна Чуліцкая.

Не можа быць адной нацыянальнай ідэі. Адначасова нацыя можа мець некалькі нацыянальных ідэй, у адпаведнасці з якімі і будзе рухацца наперад. Больш за тое, так у сучасным свеце і павінна быць — каб у адной нацыі адначасова было некалькі нацыянальных ідэй. Галоўнае, каб наша беларуская нацыя складалася з грамадзян краіны, якія ідэнтыфікуюць сябе як беларускую нацыю, перакананая Таццяна Чуліцкая.

Пра тое, ці не будуць некалькі нацыянальных ідэй “перашкаджаць” адна адной і як навучыць беларусаў ідэнтыфікаваць сябе беларусамі, мы і разважаем у праграме “Ідэя Х” з Таццянай Чуліцкай.

21 красавіка ў Парламенцкай асамблеі Савета Еўропы абмяркоўвалася і “беларускае пытанне”. Па выніках абмеркавання былі ўхваленыя дзве рэзалюцыі. Тычыліся яны наўпрост рэформы выбараў у Беларусі і правоў чалавека.

Ці супадае бачанне пытання выбарчай рэформы ў дэпутатаў ПАСЕ і экспертаў офіса Святланы Ціханоўскай? Які ўплыў на сітуацыю ў Беларусі маюць рэзалюцыі ПАСЕ ці любой іншай міжнароднай структуры? На гэтыя ды іншыя пытанні адказвае спецпрадстаўнік Святланы Ціханоўскай па выбарах Аляксандр Шлык.

22 красавіка ў Маскве сустракаюцца Аляксандр Лукашэнка і Уладзімір Пуцін. Паводле афіцыйнай інфармацыі, абмяркоўвацца будуць традыцыйныя пытанні гандлёва-эканамічных адносін Беларусі і Расіі, барацьба з COVID-19, сітуацыя ў рэгіёне і свеце. Але ёсць як мінімум дзве тэмы, за нейтральнасцю фармулёвак якіх можа хавацца што заўгодна. Гэта — “саюзная тэматыка” і “сумеснае рэагаванне на актуальныя выклікі і пагрозы”.

Якія ёсць падставы для хваляванняў наконт вынікаў сустрэчы ў Маскве? Ці варта давяраць “інсайдарскай інфармацыі” наконт гэтай сустрэчы? На гэтыя ды іншыя пытанні адказвае кіраўнік Народнага антыкрызіснага ўпраўлення Павел Латушка.

210421 - PETARDA - Парламенцкая асамблея Савета Еўропы заклікае да рэформы выбараў у Беларусі by Euroradio