210421 - ZOOM - Ці застаецца і сёння Беларусь “гібрыдным саюзнікам” Украіны? by Euroradio

З 21 красавіка Украіна ўзмацніла ахову мяжы з Беларуссю. Павялічана колькасць нарадаў, актывізавана адсочванне сітуацыі ў памежных раёнах. Адметна, што здарылася гэта на наступны дзень пасля сустрэчы Аляксандра Лукашэнкі з дэпутатам Вярхоўнай Рады Украіны, падчас якой Лукашэнка зрабіў некалькі заяў наконт сітуацыі на Данбасе.

Ці стала ўзмацненне аховы мяжы з Беларуссю рэакцыяй Кіева менавіта на словы Лукашэнкі? Ці праўда, што амаль 40% украінцаў хацелі б бачыць Лукашэнку кіраўніком Украіны? Ці застаецца Лукашэнка, нягледзячы на свае апошнія выказванні, “гібрыдным саюзнікам” Украіны? На гэтыя ды іншыя пытанні адказвае ўкраінскі палітолаг, дырэктар Інстытута сусветнай палітыкі Яўген Магда.

Сярод паўфіналістаў сёмага сезона конкурсу "Заспявай" — спявачка Oli Bvi. Яна займаецца музыкай з шасці гадоў: грае на гітары, фартэпіяна, укулеле, спявае і стварае ўласныя песні нават ідучы па вуліцы. Кажа, што яе музыка вельмі простая і гэта чапляе. А яшчэ яе песні вельмі жыццёвыя і вельмі розныя.

У музычнай рубрыцы "Такога вы не чулі" Oli Bvi выконвае сэт песень і распавядае пра сябе.

Чаканні ўзмацнення рэпрэсій ужо на наступны дзень пасля выкрыцця “спробы захопу ўлады” не спраўдзіліся. Тым не менш пытанні наконт наступстваў “сумеснай аперацыі КДБ і ФСБ” у сферы “інтэграцыйнага збліжэння Беларусі і Расіі” застаюцца.

Як людзі ў беларускіх рэгіёнах паставіліся да “спробы перавароту”? Ці знайшлі ўжо той “падвал у Гомельскай вобласці”, куды планавалі пасадзіць Лукашэнку з сынамі? Як сітуацыя з выкрытым “пераваротам” паўплывае на адносіны з Расіяй і Захадам? На гэтыя ды іншыя пытанні адказвае публіцыст, палітолаг, заснавальнік выдання “Сильные новости” Пётр Кузняцоў.

210420 - ZOOM - “Пакушэнне на Лукашэнку” — спецаперацыя, ад пачатку распрацаваная не ў ФБР, а ў ФСБ? by Euroradio

210420 - PETARDA - За маску, знятую з міліцыянта, які ўдарыў жанчыну, жодзінцы пагражае 6 гадоў by Euroradio

У 2020 годзе праз каранавірус многім беларусам давялося адмовіцца ад адпачынкаў, а некаторым турыстычным фірмам наогул закрыцца.

Як змянілася сітуацыя за год? Куды і на якіх умовах можна адправіцца ўжо сёння? ПЛР-тэсты, каранціны, візы — гэтыя і іншыя важныя пытанні, звязаныя з падарожжамі, абмяркоўваем з рэдактарам сайта Рэспубліканскага саюза турыстычных арганізацый Ліліяй Кобзік.

Напружанне на ўкраінска-расійскай мяжы ўзрастае штодня, і пытанне наконт магчымага ўцягнення ў гэтае супрацьстаянне Беларусі як галоўнага ваеннага саюзніка Расіі застаецца адкрытым. Асабліва на фоне няспынных абвінавачванняў Украіны з боку афіцыйнага Мінска ў спробах тым ці іншым чынам паўплываць на сітуацыю ў Беларусі. То да нас прарываецца джып са зброяй, то гэтую зброю ў Беларусь ледзь не вагонамі перапраўляюць, а то нейкія “ўкраінскія нацыяналісты” плануюць спрычыніцца да ваеннага перавароту ў нашай краіне.

Хто ці што стаіць за стварэннем з Украіны вобраза ворага? Ці ўцягнуць Беларусь у расійска-ўкраінскае супрацьстаянне? Як на адносінах Мінска і Кіева адаб’ецца справа аб “спробе захопу ўлады”? На гэтыя ды іншыя пытанні адказвае аналітык Украінскага інстытута будучыні Ігар Тышкевіч.

Справа аб планах здзяйснення ў Беларусі ці то ваеннага перавароту, ці то захопу ўлады пакідае шмат пытанняў. І адно з галоўных — якую ролю ва ўсім гэтым грае (калі грае) расійскі бок?

Ці магла гэта быць адпачатку сумесная аперацыя беларускіх і расійскіх спецслужбаў? Ці магчыма, што меркаваныя ўдзельнікі змовы атрымалі нейкія гарантыі з боку расійскіх высокапасадоўцаў? Якая роля адводзіцца Беларусі ў супрацьстаянні Расіі і ЗША, Расіі і Украіны? На гэтыя ды іншыя пытанні адказвае расійскі палітолаг Аляксандр Сыцін.

210419 - PETARDA - Палітвязняў у калоніях пачалі пазначаць біркамі іншых колераў by Euroradio