210415 - ZOOM - Ці стануць пратэсты шанцам на адраджэнне Беларусі — размова з Івонкай Сурвілай by Euroradio

210415 - PETARDA - Генпракуратура заявіла пра больш за 3 тысячы спраў, звязаных з пратэстамі by Euroradio

Два дні, 13 і 14 красавіка, Аляксандр Лукашэнка знаходзіўся ў Азербайджане. Дзе меў сустрэчу з кіраўніком гэтай краіны Ільхамам Аліевым. І якому прапанаваў дапамогу ў “аднаўленні закранутых канфліктам тэрыторый”. Чытай — той тэрыторыі Нагорнага Карабаха, якую занялі войскі Азербайджана падчас нядаўняй вайны.

Як у Ерэване паставіліся да выказванняў Аляксандра Лукашэнкі, што прагучалі ў Баку? Ці адпавядае супраца Мінска і Баку статуту АДКБ? Што чакае адносіны Мінска і Ерэвана ў найбліжэйшай будучыні? На гэтыя ды іншыя пытанні адказвае былы міністр замежных спраў Арменіі, старшыня праўлення Аналітычнага цэнтра па глабалізацыі і рэгіянальным супрацоўніцтве Сцяпан Грыгаран.

Няспраўджаныя спадзяванні на хуткую перамогу, надзвычай вялікі ўзровень рэпрэсій і нявызначанасць перспектыў спарадзілі вялікую хвалю расчаравання і дэпрэсіі. Як ніколі паўстала праблема выбару: або прытрымлівацца сваёй пазіцыі насуперак пагрозам пераследу, або адмовіцца ад яе. Або ўвогуле з’ехаць з краіны.

Як захаваць чалавечнасць у час рэпрэсій і пры чым тут маральнасць? Чым небяспечная сітуацыя працяглых дэпрэсій і расчараванняў? Ці ўратуе ад расчаравання пошук вінаватых і ці захавалі беларусы здольнасць да ўзаемадапамогі? На гэтыя ды іншыя пытанні адказвае сябра Каардынацыйнай рады і заснавальніца Школы дзелавой культуры і этыкету Аксана Зарэцкая.

15 красавіка ў эфіры Еўрарадыё — прадзюсарка, філосафка, лідарка гурта “Новае неба”, рок-князёўна Кася Камоцкая.

Менавіта цяпер адбываецца фармаванне беларускай нацыі. Але што мы атрымаем па выніку, якой гэта нацыя будзе з улікам таго, што беларусы — дзеці ў “беларушчыне”, а да слова “нацыяналізм” у іх вельмі насцярожанае стаўленне?

Пра тое, ці магчыма стварыць нацыю, абыходзячы нацыянальнае пытанне, якое значэнне мае мова, нацыянальная сімволіка і ці гатовыя беларусы жыць адной нацыяй, мы і разважаем у праграме “Ідэя Х” з Касяй Камоцкай.

З 16 да 18 красавіка ў Мінску па адрасе вуліца Кастрычніцкая, 19 адбудзецца першы "Карані Кірмаш". "Карані Кірмаш" — фестываль майстроў, якія працуюць у эка-кірунку. Ён пройдзе ў фармаце выставы-кірмаша з жывым музычным суправаджэннем, лекцыямі, майстар-класамі, арт-галерэяй і прасторай для дзяцей.

Больш падрабязна пра кірмаш і пра тое, чаму важна сучаснаму чалавеку жыць у эка-кірунку, у 12:00 распавядаюць дызайнерка вопраткі Каця Цікота, майстар дынамічных медытацый Ганна Доўнар і майстар гарбатнай медытацыі Юрый Шаройка.

Сям'я Івонкі Сурвілы з'ехала з Беларусі ў 1944 годзе, калі ёй было восем гадоў. З таго часу спадарыня Івонка ніводнага разу не была на радзіме. Хоць з 1997 года і ўзначальвае Раду БНР у выгнанні. Але падзеі 2020 года нарадзілі надзею, што яна ўсё ж трапіць на радзіму.

Наколькі нечаканымі сталі для Івонкі Сурвілы падзеі 2020 года ў Беларусі? Ці стане лагічным працягам гэтых падзей нацыянальнае адраджэнне краіны? Што робяць беларусы замежжа для дапамогі сваім суайчыннікам? Ці падаецца ёй, што штаб Ціханоўскай паступова ператвараецца ва ўрад у выгнанні? На гэтыя ды іншыя пытанні адказвае старшыня Рады БНР у выгнанні Івонка Сурвіла.

210414 - PETARDA - У Беларусі абмежаваны доступ да сайта Dissidentby.com by Euroradio

210414 - ZOOM - У Маскве як дома: ці законна затрымалі Фядуту і Зянковіча? by Euroradio

Ketevan — беларуская спявачка з грузінскімі каранямі. Кэці нарадзілася ў Грузіі, а ў пяць гадоў бацькі яе перавезлі ў Беларусь — на радзіму маці. Да лета 2020 года Кэці меркавала, што яна — грузінка, бо грузіны са сваёй схільнасцю да ўзаемадапамогі ёй былі бліжэйшымі. Але пасля жніўня 2020-га яна нарэшце адчула сябе беларускай.

Пра новы этап творчасці гаворым са спявачкай у музычнай рубрыцы "Такога вы не чулі" і слухаем сэт свежых трэкаў. А яшчэ — песню на грузінскай мове. Такога вы дакладна на Еўрарадыё яшчэ не чулі!