Праект рэформы МУС распрацавалі эксперты Народнага антыкрызіснага ўпраўлення. Якую, зразумела, можна будзе праводзіць пасля змены ўлады.

Што чакае праваахоўныя органы ў выніку прапанаванай рэформы? Ці магчыма абысціся без люстрацыі? Ці варта разлічваць на змену ўлады ў выніку перамоў? На гэтыя ды іншыя пытанні адказвае сябра Народнага антыкрызіснага ўпраўлення, былая дазнавальніца і следчая, капітан юстыцыі Святлана Хілько.

Дайшла чарга і да заснавальнікаў Фонду салідарнасці BYSOL Андрэя Стрыжака і Ляксея Лявончыка — на іх таксама завялі крымінальныя справы. Іх абвінавачваюць у падрыхтоўцы асоб для ўдзелу ў групавых дзеяннях, якія груба парушаюць грамадскі парадак, і фінансаванні дзейнасці экстрэмісцкага фармавання.

На гэтыя ды іншыя пытанні адказваюць заснавальнік дабрачыннай арганізацыі BY_help Ляксей Лявончык і сузаснавальнік Фонду салідарнасці BYSOL Андрэй Стрыжак.

12 красавіка ў эфіры Еўрарадыё — палітолаг, каардынатар праграмы “Знешняя палітыка Беларусі” Савета па міжнародных адносінах “Мінскі дыялог” Дзяніс Мельянцоў.

У нас ёсць глыбокі, гераічны, багаты гістарычны падмурак, які сягае ў глыб стагоддзяў і аб’ядноўвае людзей, што жывуць на гэтай тэрыторыі. На гэтым падмурку мы мусім будаваць сваю дзяржаву. Але мы не мусім гэтым падмуркам абмяжоўвацца. Бо калі мы будзем увесь час занурвацца ў гэтую гісторыю, то гэта хутчэй будзе нас падзяляць, чым нейкім чынам знітоўваць. А нам трэба думаць пра праект сучаснай Беларусі, зазіраць у будучыню краіны на сто гадоў наперад, перакананы Дзяніс Мельянцоў.

Пра тое, якое значэнне гісторыя мае для паспяховага будаўніцтва сучаснай дзяржавы, мы і разважаем у праграме “Ідэя Х” з Дзянісам Мельянцовым.

У мінскай прасторы "Вершы" адкрыўся "Музей кнопкавых мабільнікаў". Для экспазіцыі сабралі 120 мадэляў — выпуску ад 1995 да 2011 года. Для "Культурнай сядзібы" гэта нагода згадаць той час, калі мабільныя тэлефоны ўвайшлі ў нашае жыццё. Ды і ўвогуле час, калі ўсе тэлефоны былі рознымі — ад "раскладушкі" да "пудраніцы". Пра гэта сёння і паразмаўляем.

А вы дасылайце нам у каментары свае гісторыі. Калі і як у вас з'явіўся першы мабільны тэлефон? Што ён умеў, якія ўспаміны з ім звязаныя? Калі і як вы яго разбілі?

210409 - PETARDA WEEKLY - Павел Латушка заявіў, што будзе ствараць палітычную партыю by Euroradio

210409 - PETARDA - Піневіч пракаментаваў адток медыкаў з Беларусі за мяжу by Euroradio

210409 - ZOOM - Што адбываецца ў беларускіх ізалятарах часовага ўтрымання? by Euroradio

Старшыню БСДП (Грамада) Ігара Барысава затрымалі 21 сакавіка. Не на акцыі ці маршы і не за сімволіку ў вакне — проста выцягнулі з аўтамабіля на вачах у жонкі і дачкі і асудзілі за “непадпарадкаванне” на 15 сутак. Вось так проста. Атэстацыю на “сапраўднага беларуса” Барысаў праходзіў у жодзінскай турме.

У якіх умовах утрымліваюцца затрыманыя? Чым розняцца ўмовы на Акрэсціна і ў турме Жодзіна? На гэтыя ды іншыя пытанні адказвае старшыня Беларускай сацыял-дэмакратычнай партыі (Грамада) Ігар Барысаў.

Кіраўнік Народнага антыкрызіснага ўпраўлення Павел Латушка нечакана заявіў пра намер стварыць сваю партыю. Маўляў, партыя будзе не толькі “прыладай” ціску на рэжым, але і “дэманстрацыяй нашай абсалютнай веры ў перамогу”. Цікава, што на працягу апошніх некалькіх месяцаў гэта ўжо не перашая заява ад розных палітыкаў (і не толькі) пра жаданне займець сваю партыйную структуру.

Ці час цяпер для стварэння партый і ці разлічвае Павел Латушка на яе рэгістрацыю ў Беларусі? Ці не стане такое партбудаўніцтва прычынай для раз’яднання беларускага грамадства? Як стварэнне партыі прадэманструе нашу “абсалютную веру ў перамогу” і ці каардынуе Латушка свае “партыйныя” планы з Ціханоўскай? На гэтыя ды іншыя пытанні адказвае дыпламат, палітык, кіраўнік Народнага антыкрызіснага ўпраўлення Павел Латушка.

210408 - PETARDA - Павел Латушка заявіў, што будзе ствараць палітычную партыю by Euroradio