Музычная рубрыка "Такога вы не чулі" прадстаўляе барда і літаратара Андрэя Мельнікава. У яго дыскаграфіі — больш за 2 дзясяткі альбомаў на тэму нацыянальнага адраджэння і жыцця ў постсавецкіх рэаліях. Але цяпер, мяркуе спадар Андрэй, прыспеў час песняў надзеі.

Рэакцыя ўладаў на мірныя акцыі пратэсту, колькасць затрыманых і збітых сілавікамі абурылі беларусаў да такой ступені, што на знак пратэсту працоўныя калектывы розных прадпрыемстваў заявілі аб пачатку забастоўкі. Не ўсе выканалі свае пагрозы, але адметна ўжо тое, што такога не здаралася вельмі даўно. Улады адрэагавалі на сітуацыю звыкла: затрыманнямі актывістаў стачкамаў і пагрозамі звольніць нязгодных.

Ці магчымая ў Беларусі рэспубліканская забастоўка і што да яе можа падштурхнуць? Ці здольныя працоўныя абараніць сваіх лідараў ад пераследу? Пагрозы звальненнем і закрыццё прадпрыемстваў — ці спрацуюць яны?

На гэтыя ды іншыя пытанні ў жывым эфіры Еўрарадыё адказвае старшыня Беларускага кангрэса дэмакратычных прафсаюзаў Аляксандр Ярашук.

200825 - ZOOM - Беларускія настаўнікі прыйшлі да Мінадукацыі — туды прыслалі вадамёты і аўтазакі by Euroradio

200825 - PETARDA - Брат загінулага Мікіты Крыўцова запісаў зварот да ўсіх неабыякавых грамадзян by Euroradio

Калі раней бел-чырвона-белы сцяг лічыўся сімволікай выключна апазіцыі, то пратэсты-2020 нечакана вывелі яго на новы ўзровень. Нацыянальная сімволіка стала сваёй нават для тых, хто раней выходзіў на мітынгі выключна з дзяржаўнымі сцягамі. Сілавікі дапамаглі беларусам вызначыцца з тым, якія колеры ім бліжэй. Што вельмі не спадабалася ўладзе, і праўладныя гісторыкі, ідэолагі і прапагандысты атрымалі каманду “мачыць”.

Чаму бел-чырвона-белы сцяг і Пагоня так раздражняюць уладу і што не так з іх аргументамі супраць нацыянальнай сімволікі? Ці можна гаварыць, што гэта сімволіка канчаткова стала народнай? Ці варта спрачацца з тролямі наконт БЧБ і Пагоні і нешта спрабаваць ім давесці?

На гэтыя ды іншыя пытанні ў жывым эфіры Еўрарадыё адказвае доктар гістарычных навук Аляксандр Смалянчук.

Калі верыць прэс-сакратарцы Лукашэнкі Наталлі Эйсмант, то 23 жніўня “так званыя мітынгоўцы пашлі, можна сказаць, на своеасаблівы штурм” Палаца Незалежнасці. А як вядома, месца гэта не толькі само па сабе сакральнае, але там у той момант нібыта знаходзіўся… самі ведаеце хто. Але зараз не пра яго, а пра “своеасаблівы штурм”. Своеасаблівасць якога была хаця б у тым, як фронтмен гурта N.R.M. Піт Паўлаў “штурмаваў” шэрагі АМАПа… песняй пад гітару.

Што сваім учынакам хацеў данесці музыкант? Чаму для “штурму” была абраная менавіта песня “Тры чарапахі”?

На гэтыя ды іншыя пытанні ў жывым эфіры Еўрарадыё адказвае фронтмен гурта N.R.M. Піт Паўлаў.

Беларускі рубель пачаў імкліва слабець: 24 жніўня курс долара ЗША павялічыўся да 2,5554 беларускага рубля, еўра — да 3,019. Што, кажучы па праўдзе, цалкам чакана. Пра гэта папярэджвалі як незалежныя, так і афіцыйныя эксперты. Вось толькі прычыны эканамічных праблем яны называлі розныя.

Ці сапраўды, як сцвярджае Лукашэнка, віна ў эканамічных праблемах ляжыць на пратэстоўцах і забастоўшчыках? Калі ў абменнікі бегчы позна, то што рабіць? Што можа ўратаваць эканоміку краіны?

На гэтыя ды іншыя пытанні ў жывым эфіры Еўрарадыё адказвае фінансавы аналітык Вадзім Іосуб.

200824 - PETARDA - На "Беларуськаліі" пачалася "італьянская забастоўка" by Euroradio

200824 - ZOOM - “Пазіцыя Лукашэнкі - бесперспектыўная”: Каардынацыйная рада заклікае да дыялогу by Euroradio

Наўзамен супрацоўнікаў Белтэлерадыёкампаніі, якія звольніліся ў знак пратэсту, улады запрасілі расійскіх прапагандыстаў. З таго часу ў праграмах БТ пачалі з’яўляцца дзіўныя рэчы. Да прыкладу, наша краіна раптам пераварылася ў “Белоруссию”. А ў мітынгах са слоганам “#ябатька” відавочная рэжысура тых жа расійскіх паліттэхнолагаў. Дый выхад з вералёта Лукашэнкі з аўтаматам у руках таксама нешта нагадвае…

Чым небяспечны прыход у беларускія дзяржаўныя СМІ расійскіх прапагандыстаў? Ці ёсць сведчанні працы з Лукашэнкам крамлёўскіх паліттэхнолагаў? Якія мэты пераследуе Масква, аказваючы Мінску такую дапамогу?

На гэтыя ды іншыя пытанні ў жывым эфіры Еўрарадыё адказвае дырэктар Цэнтра стратэгічных і знешнепалітычных даследаванняў Арсеній Сівіцкі.