Такой колькасці затрыманых, здаецца, у найноўшай гісторыі Беларусі яшчэ не было: блізу 7 тысяч чалавек трапілі ў аўтазакі, а адтуль за краты ізалятараў за некалькі дзён пратэстаў. Адно гэта стала шокам для беларускага грамадства. Але калі людзі пачалі выходзіць на свабоду і распавядаць пра ўмовы ўтрымання і збіццё — гэта стала новым шокам.

З чым за час знаходжання ў ізалятары давялося сутыкнуцца Андрэю Вітушку? Ці ёсць тлумачэнні такога стаўлення сілавікоў да затрыманых? Чаму не стаў сябрам Каардынацыйнай рады?

На гэтыя ды іншыя пытанні ў жывым эфіры Еўрарадыё адказвае дзіцячы доктар-рэаніматолаг Андрэй Вітушка.

Не паспела Каардынацыйная рада сабрацца, як была абвінавачаная ў намеры захапіць уладу, а усіх, хто ўвайшоў у склад гэтай ініцыятывы, падзялілі на “прыкарытнікаў”, нацыяналістаў і чарнасоценцаў. І ўсе спробы данесці пазіцыю рады да кіраўніцтва краіны пакуль поспеху не мелі.

Ці адпавядаюць рэчаіснасці абвінавачанні рады ў намеры менавіта захапіць уладу? Ці магчымы дыялог паміж грамадствам і ўладай? Ці дапамогуць санкцыі ЕС выйсці з палітычнага крызісу?

На гэтыя ды іншыя пытанні ў жывым эфіры Еўрарадыё адказвае кіраўнік варшаўскага Цэнтра палітычнага аналізу і прагнозу доктар палітычных навук Павел Усаў.

200819 - PETARDA - Лукашэнка заявіў, што ў Мінску не павінна быць больш ніякіх беспарадкаў by Euroradio

200819 - ZOOM - Кожная з амаль 5 млн агітацыйных паштовак абышлася Лукашэнку ў... 5 капеек? by Euroradio

З 9 па 13 жніўня ў Беларусі былі затрыманыя блізу 7 тысяч удзельнікаў пратэстаў і выпадковах грамадзянаў. Кожная такая гісторыя — маленькая трагедыя. Працягваем слухаць іх. Сёння ў студыі Еўрарадыё айцішнік Аляксей Новак. Ён быў затрыманы 9 жніўня і асуджаны на 15 сутак арышту. Тры дні правёў у ізалятары на завулку Акрэсціна ў Мінску, тры дні — у турме ў Жодзіне. Быў адпушчаны 14 жніўня.

Сёння ў рубрыцы "Такога вы не чулі" не будзе музыкі. Сёння да нас прыйдзе мінчанін Мікіта. 9-га жніўня, выйшаўшы ў горад, ён атрымаў пяць дзірак ад гумовых куль і траўму ад светла-шумавой гранаты. Сёння мы будзем слухаць яго гісторыю.

Праграма “Пытаннечкі” са Змітром Лукашуком вяртаецца ў эфір Еўрарадыё. Праўда, у крыху змененым фармаце. Адпачатку гэта была прымеркаваная да выбараў праграма, дзе гасцямі былі кандыдаты ў прэзідэнты альбо іх давераныя асобы. Цяпер праграма будзе штотыднёвай. Будзем абмяркоўваць самыя актуальныя падзеі і ўчынкі, а таксама ўсё тое значнае, што не варта абмінаць увагай. Каго будзем запрашаць у студыю? Усіх тых, каму ёсць што сказаць нашым слухачам і чыё меркаванне важнае, карыснае і цікавае. Госцем праграмы можа стаць кожны з вас!

Такім чынам…

“Пытаннечкі” са Змітром Лукашуком — гэта шчырая размова пра значныя падзеі ў краіне за тыдзень. У першым выпуску абноўленай праграмы — былы міністр культуры, экс-амбасадар Беларусі ў Францыі, былы дырэктар тэатра імя Янкі Купалы, сябра Каардынацыйнай рады Павел Латушка.

200818 - ZOOM - Рабочыя выходзяць на вуліцы, а штабы фармуюць Каардынацыйную раду by Euroradio

200818 - PETARDA - Сейм Літвы заклікае не прызнаваць выбары ў Беларусі і ўвесці санкцыі by Euroradio

З 9 па 13 жніўня ў Беларусі былі затрыманыя блізу 7 тысяч удзельнікаў пратэстаў і выпадковах грамадзянаў. Кожная такая гісторыя — маленькая трагедыя. Працягваем слухаць іх. Сёння ў студыі Еўрарадыё Антон Запатрын, які прадстаўляецца нам як "той хлопец, які пабываў на Акрэсціна".