Notg da la musica populara a Cuira – Festival da musica populara ad Altdorf – Ländlersunntig a Safien – Inscunter da chapellas Furgglis.

En l'emissiun dad oz dain nus in sguard sin in pèr eveniments da musica populara ch'èn sin il program las proximas emnas ed ils proxims mais. Suenter dus onns cun blers eveniments che han stuì vegnir annullads datti puspè moviment, ed il chalender d'inscunters da musica populara è puspè emplenì bain. Ils 7 d'avust è l'inscunter da chapellas a Furgglis sur Tschiertschen, ils 3 da fanadur la dumengia da musica populara a Safien e dals 20 fin ils 22 da matg il festival da musica populara ad Altdorf, er cun participaziun grischuna.

Gia questa fin d'emna datti en il Marsöl a Cuira la 5avla notg da musica populara cun bal. Nus preschentain las chapellas ch'èn sin il palc: ils Bergüner Ländlerfründa – il duo Schüpferimeitli – ils Churer Muulörgeler, las chapellas Grischuna Örgeler, grauBÜNDIG, D'Wasewachser, il Ländlertrio Hermann, il duo d'accordeons Just/Meierhans, las chapellas Kapelle Rhygold ed Alp Stätz, ils Schwizerörgelifründa Felsberg e bleras autras.