Ar an gclár seo bhí Eoghan Ó Ceannabháin ó Dhaoine Seachas Brabús ag labhairt linn faoi obair an scáthghrúpa Le Chéile agus an tábhacht a bhaineann leis sa lá atá inniu ann in Éirinn agus ar fud na cruinne.

Chomh maith leis sin bhí Ray Yeates linn le hinsint dúinn faoi Athbhliain na Gealaí Baile Átha Cliath faoi stiúir ag Comhairle Cathrach BhÁC.

Ar an gclár seo labhair Tura Arutura linn faoina chuid damhsa ar an sean nós agus go leor eile, agus cloisfimid cuid dá cheol!

Ar an gclár seo labhair Colm Shan ó Shorcas Gerbola linn faoin sorcas agus an éagsúlacht daoine as gach cearn den domhan atá páirteach ann. Chomh maith leis sin bhí Adriana Moura linn ón mBrasaíl le labhairt faoina saol ansin, a cuid oibre mar staraí agus a cuid spéise i gcultúr na hÉireann.

Ar an gclár seo labhair Caoimhín ó Liatháin linn faoina shaol, a bhlag agus faoin Nollaig san Fhionnlainn! Chomh maith leis sin labhair Aisling Ní Dhonnabháin ó Chonradh na Gaeilge linn faoi na cúrsaí agus scoláireachtaí atá á dtairiscint ag an gConradh do dhaoine a thagann go hÉirinn ó thíortha eile ar lorg tearmainn.

Ar an gclár seo labhair Hermione linn faoina saol i dToronto Ceanada, a turas foghlama Gaeilge agus go leor eile! Chomh maith leis sin bhí Nadia Dobryanska ag labhairt linn faoi ábhair úra Gaeilge agus Úcráinise atá á fhoilsiú ag Gaeloideachas.

Ar an gclár seo labhair Osgur ó Ciardha linn linn faoi fhás agus fhorbairt an Pop-Up Gaeltacht thar an sé bliana a bhfuil sí ar an bhfód ar fud na cruinne! Chomh maith leis sin labhair Cathal Gilbert linn faoina chuid oibre ar chearta daonna in Uganda na hAfraice.

Ar an gclár seo labhair Paula Melvin ó Choimisiún Fulbright na hÉireann linn faoina turas le gairid chun na Stát Aontaithe, Comhdháil do theagascóiri Gaeilge Fulbright i Washington DC, Féile Altaithe agus go leor eile!

Ar an gclár seo chualamar ó Álanna Hammel atá ag obair ar imeacht mar chuid d'Fhéile Frederick Douglass le hIonad Ealaíon Loch Garman darb ainm an Féasta Afraiceach.

Ar an gclár seo chulamar ó Tanya Ní Mhuirthile faoi Lá Feasachta Idirnáisiúnta Idirghnéis, soilsiú Bhaile Átha Cliath i ndathanna idirghnéis le gairid agus a cuid taighde faoin bpobal idirghnnéasach. Chomh maith leis sin bhí Ailín da Silva ag labhairt linn ón mBrasaíl faoi thoradh an toghcháin ansin i mí Dheireadh Fómhair agus réimeas Uachtaráin da Silva.

Ar an gclár seo chualamar ó Don O'Mahony, Cláraitheoir Sinsearach d'Fhéile Scannánaíochta Idirnáisiúnta Corcaigh a labhair linn faoi Fhéile 2022.