Ar an gclár seo bhí Máire Ní Mhaonaigh ó Ollscoil Cambridge ag labhairt linn faoin bhfoclóir eDIL agus an 500 focal nua Gaeilge ar tháinig sí agus a comhghleacaithe ansin agus in Ollscoil na Banríona Bhéal Feirste orthu- tuilleadh ag: bit.ly/2kkFcrr .Chomh maith leis sin bhí Eoin Ó Catháin ag labhairt linn ón mBruiséil faoin scéal is deireanaí maidir leis an mBreatimeacht.

Ar an gclár seo bhí Karen Reshkin ag labhairt linn faoin gcaint a thug sí féin agus Dineen Grow ag an gCeardlann Gaeilge ag an Milwaukee Irish Fest le gairid faoi conas rang Gaeilge a thosú. Chomh maith leis sin bhí Fran Mulraney ó Irish Central ag labhairt linn faoin "#popupgaeltacht is mó ar domhan" i Nua Eabhrac!

Ar an gclár seo labhair Bláth de Burca linn faoin sraith cainteanna ar fheimeanachas atá á eagrú aici mar chuid d'Fhéile Fringe Bhaile Átha Cliath. Chomh maith leis sin bhí Sara McNamara linn ó Chomhaltas ag labhairt linn faoi Fhleadh Cheoil 2019 i nDroichead Átha, na daoine ó gach cearn den domhan a bhí i láthair aige - daoine ó chraobhacha idirnáisiúnta Comhaltas ina measc.

Ar an gclár seo bhí Pádraig Ó Baoighill ag labhairt linn faoi léacht a thug sé le Conradh na Gaeilge Glaschú i mí an Mheithimh in ómós do Sheán Ó Fiannaí faoi stair 'An tUltach'; chualamar faoi shaol Pádraig féin i nGlaschú, faoi Sheán agus faoin léacht. Chomh maith leis sin beidh Stiúrthóir Forbairt Cluichí an CLG Pat Daly ag labhairt linn faoi Chluichí Domhanda an CLG a bhí ar siúl i bPort Láirge le gairid.

Clár speisialta faoi Ghaeil Cheanada a bhí anseo! Bhí Barra Ó Scanláin ag labhairt linn faoin deireadh seachtaine Gaeilge atá á eagrú aige thall i Vancouver Ceanada -https://www.eventbrite.ca/e/vancouver-irish-language-weekend-tickets-60556850169. Chomh maith leis sin bhí Ian Mac Gabhann ag labhairt linn faoin scoláire seo ón Mohawk Nation, Taho Cross a tháinig go hÉirinn le gairid chun cúrsa Gaeilge a dhéanamh ar scoláireacht ICUF https://www.irishtimes.com/news/ireland/irish-news/student-from-mohawk-nation-completes-gaeltacht-course-1.3932245?mode=amp .

Ar an gclár seo bhí iarchraoltóir Meon na mBan, Brónagh Ní Chuilinn linn ag labhairt faoina cuid taisteal timpeall na hÁise agus a háit chónaithe nua san Astráil. Chomh maith leis sin bhí Aneta Mlckovská ó Leipzig na Gearmáine ag labhairt linn faoina turas timpeall ar Éirinn an samhradh seo.

Ar an gclár seo bhí Emma de Paor ag labhairt linn ó Ollscoil Leipzig áit a bhfuil sí ag múineadh Gaeilge le ERIU Leipzig, faoi chuairt a thug an tUachtarán Mícheál D Ó hUigínn ar an ollscoil le déanaí agus eile. Chomh maith leis sin bhí Marlena Gawlik ag labhairt linn faoi chúrsaí Gaeilge in Ollscoil Szeczecin sa Pholainn, agus bhí píosa a rinne mé le Chris Hickson múinteoir bunscoile i nGaelscoil Phortlaoise nuair a bhí sé thall sa Bhruiséil ar thuras le Clár na Réalta Goirme agus Gluaiseacht na hEorpa in Éirinn le gairid.

Ar an gclár seo labhair muid le Robert Henneberg i mBeirlín na Gearmáine faoi Conradh na Gaeilge Bheirlín, Cluichí Domhanda an CLG agus eile. Chomh maith leis sin bhí Paula Melvin ag labhairt linn faoina bainis dochreidte i bPáirc Yosemite California le déanaí!

Ar an gclár seo, labhair Somhairle Mag Uidhir linn faoi éirí as Theresa May, Toghcháin Pharlaimint na hEorpa 2019 ó thuaidh agus cúrsaí polaitíochta an Tuaiscirt le deireanas. Chomh maith leis sin bhí Evin Ó Dúnaigh linn ó Chonradh na Gaeilge Glaschú ag labhairt faoi Phop-Up Gaeltacht na Breataine agus Féile Gaeilge Glaschú.

Ar an gclár seo bhí Noelle Ó Connell, Stiúrthóir Ghluaiseacht na hEorpa in Éirinn ag labhairt linn faoi Thoghcháin Pharlaimint na hEorpa 2019 agus éirí as Theresa May. Chomh maith leis sin bhí Peadar Ó Caomhánaigh ó Pháirtí an Chomhaontas Glas ag labhairt linn faoina bhua féin sna Toghcháin Áitiúla agus bua Ciarán Cuffe sna Toghcháin Eorpacha.