Clár speisialta a bhí anseo inar bhreathnigh muid ar Thoghcháin Pharlaimint na hEorpa 2019. Bhí Julian de Spáinn, Ardrúnaí Chonradh na Gaeilge ag labhairt linn faoin bhfeachtas #GaelVóta de chuid an Chonartha. Chomh maith leis sin d'éisteamar siar le hagallamh a rinne Séamas Ó Meachair linn ag tráth na gceist de chuid Oifig Pharlaimint na hEorpa in Éirinn agus Gluaiseacht na hEorpa in Éirinn i gClub Chonradh na Gaeilge mí Aibreáin.

Ar an gclár seo bhí Seaghan Mac An TSionnaigh ag labhairt linn faoin bhféile iontach Bendigeidfran https://www.facebook.com/events/292746674765850/?ti=cl

a bhí ar siúl sa Bhreatain Bheag ag an deireadh seachtaine agus an píosa focal ó bhéal a rinne sé féin ag an bhféile le file Breatnach. Chomh maith leis sin bhí Eoin P. Ó Murchú ag labhairt linn faoin bpíosa a rinne sé féin ag an bhféile faoi Gaelgáirí le fuirseoirí Breatnacha.

Ar an gclár seo chualamar ó Noelle O'Connell Stiúrthóir Ghluaiseacht na hEorpa in Éirinn faoi obair a heagraíochta roimh Thoghcháin Pharlaimint na hEorpa, in aimsir na Breatimeachta agus eile. Chomh maith leis sin chualamar ó Rónán Mistéil faoi chaint a thug an Dr Geordanne Nordstrom as Hawaii an tseachtain seo caite i gConradh na Gaeilge i mBÁC dar teideal "Dia duit Hawaiian" inar chuir sí an Ghaeilge agus an Haváis i gcomparáid lena chéile i measc eile!

Ar an gclár seo labhair James McDonald linn faoi fhéile Gaelic Voices Festival 2019 ar siúl ag London Irish Centre agus Conradh na Gaeilge i Londain ar an 18 Bealtaine agus Pop UP Gaeltacht leis! Chomh maith leis sin bhí Niamh Ní Shúilleabháin ag labhairt linn faoi ionsaí sceimhlitheoireachta Sri Lanka a tharla le déanaí agus í thall ansin i mbun taistil.

Ar an gclár seo bhí Jim Maher linn ag labhairt faoi Thoghcháin Pharlaimint na hEorpa ar an 24 Bealtaine agus tráth na gceist a d'eagraigh sé féin agus hOifig Pharlaimint na hEorpa in Éirinn le déanaí i gClub Chonradh na Gaeilge. Chomh maith leis sin bhí Diarmuid Breathnach linn ag labhairt faoi chúrsaí polaitíochta agus cultúir i dTír na mBascach tar éis dó cuairt a thabhairt uirthi le déanaí.

Ar an gclár seo bhí Oisín Mac Conamhna ó Chonradh na Gaeilge i Londain ag labhairt linn faoi léacht a bheas ar siúl san ionad ar an 30 Aibreán agus faoin mBreatimeacht agus an mórshiúl ina coinne. Chomh maith leis sin bhí Karl Birthistle ag labhairt linn faoina shaol san Eilbhéis agus cúrsaí Gaeilge ann.

Ar an gclár seo bhí an t-Ollamh Aoibheann Ní Dhonnchadha ó Institiúd Ard-léinn Bhaile Átha Cliath linn a d'oibrigh ar thaighde spéisiúil a tháinig chun cinn i gColáiste na hOllscoile Corcaigh faoi naisc idir dochtúirí meánaoiseacha in Éirinn agus Persia.https://www.irishexaminer.com/breakingnews/ireland/15th-century-manuscript-reveals-links-between-gaelic-ireland-and-muslim-world-908545.html Chomh maith leis sin bhí Eoin Ó Catháin beo linn ón mBruiséil le labhairt faoin scéal is deireanaí i leith na Breatimeachta de agus faoi Thoghcháin Pharlaimint na hEorpa.

Ar an gclár seo bhí Diarmuid Ó Mathúna ag labhairt linn ó El Salvador agus é i mbun taistil timpeall ar Mheiriceá Theas ag trácht ar a bhlag MO Food , a chuid taistil agus an bia ann; chomh maith leis sin bhí Sinéad Ní Dhroma ag labhairt linn faoi ghrúpa nua de mhúinteoirí Gaeilge atá ag teacht le chéile faoin teideal An Gréasán. Bhí Pádraig Ó Mathúna linn freisin le labhairt faoi Ard Fheis Chonradh na Gaeilge a bheith ar siúl i Nua Eabhrac i 2021!

Ar an gclár seo bhí Aine Gallagher ag labhairt linn faoi sheó grinn a bheas aici i Londain i rith Seachtain na Gaeilge. Chomh maith leis sin bhí James McDonald linn le labhairt faoi imeachtaí éagsúla Gaeilge le deireanas le Conradh na Gaeilge i Londain agus imeachtaí le teacht do #SnaG19.

Ar an gclár seo, bhí Patrick McCafferty linn le hinsint dúinn faoi chúrsaí Gaeilge agus mionteangacha in Ollscoil Leipzig sa Ghearmáin. Chomh maith leis sin bhí Julie de Brún ag labhairt linn faoin bhFéile Máthairtheangacaha/ Mother Tongues a bheas ar siúl ar an 2/3 Márta 2019.