Ar an gclár seo bhí an scéalaí, drámadóir, draíochtóir agus eile, Quentin Reynolds a bhog ó Mhanchain go Baile Átha Cliath cúpla bliain ó shin, linn le labhairt faoina chuid oibre agus léiriú dá chuid scéalaíochta a rinne sé le gairid ag Oideas Gael le Gaeil as gach cearn den domhan. Chomh maith leis sin bhí Tony Ó Floinn linn le labhairt faoin léacht a thabharfaidh sé faoi Phádraig Phiarais Cúndún agus a shaol in Éirinn agus i Meiriceá ag an gComhdháil ar Litríocht agus ar Chultúr na Gaeilge in Ollscoil na hÉireann Gaillimh mí Mheán Fómhair.

Ar an gclár seo bhí Darach Ó Tuairisg linn ó Fíbín le labhairt faoi "Súil Eile: Oíche Idirnáisiúnta Drámaíochta" inar ghlac Fíbín páirt ann le gairid. Chomh maith leis sin éistfimid siar le píosa ó níos luaithe sa samhradh inar labhair Bríd Anna Ní Bhaoill linn faoin gcúrsa blaiseadh Gaeltachta a chomhreachtáil sí féin agus a chomhghleacaithe i Seanchas Sheáin Néill i Rann na Feirste le Gaeil sna Stáit Aontaithe, Seoirsín Ní Mheachair ina measc!

Clár speisialta a bhí anseo le breathnú siar ar na Cluichí Oilimpeacha 2024 agus buanna uile Foireann na hÉireann. Labhair tuairisceoir spóirt Cóilín Ó Dubhthaigh linn tar éis dó filleadh ó Pháras!

Ar an glcár seo bhí an t-Ollamh Fionnuala Ní Aoláin ag labhairt linn ó Mhinnesota, áit a bhfuil sí mar léachtóir, faoina léamh is déanaí ar thoghchán uachtaránachta na Stát Aontaithe. Chomh maith leis sin bhí an Dr Pádraig Ó Liatháin ó Ollscoil Chathair BhÁC, atá i mbun taighde ar lámhscríbhinn Gaeilge in Ollscoil Columbia University, Nua Eabhrac, ag breathnú ar naisc trasAtlantacha ag an Leabharlann "Rare Books and Manuscripts", linn le labhairt faoina cuid taighde sall.

Ar an glcár seo bhí an Dr Ronan Ó Conghaile ó Let's Learn Irish ag labhairt linn faoi na folúntais atá acu do mhúinteoirí Gaeilge dá gcuid daltaí i Washington DC agus ar fud na cruinne! Chomh maith leis sin bhí Ciarán Dunbar ag labhairt linn faoi phodchraoladh 'Seachtain' leis an Irish Independent a rinne sé le Brian Ó Broin agus Séamus Ó Neachtain sna Stáit Aontaithe faoi Trump agus na feachtais toghchán uachtaránachta faoi láthair.

Ar an gclár seo bhí Bríd Anna Ní Bhaoill linn le labhairt faoin gcúrsa blaiseadh Gaeltachta a chomhreachtáil sí féin agus a chomhghleacaithe i Seanchas Sheáin Néill i Rann na Feirste le Gaeil sna Stáit Aontaithe, Seoirsín Ní Mheachair ina measc! Chomh maith leis sin bhí Seán Ó hUltacháin ag labhairt linn faoina chuid ealaíne agus a chuid oibre ar chúrsaí oidhreachta agus filíochta, go háirithe an píosa a rinne sé le déanaí mar cheiliúradh ar Logainmneacha Gaidhlige, dar teideal Glasraighe.

Ar an gclár seo bhí an Feisire nuathofa Cynthia Ní Mhurchú linn le labhairt faoi thoghcháin Pharlaimint na hEorpa, torthaí na dtoghchán agus a cuid pleananna dá tréimhse mar Fheisire de Pharlaimint na hEorpa! Chomh maith leis sin bhí Ciarán Mac Guill linn ón ngrúpa Gaeltacht sur Seine le labhairt faoi cheiliúrdh 15 bliana den ghrúpa agus torthaí toghchán uachtaránachta na Fraince.

Ar an gclár seo bhí Hannah Ní Dhoimhín, Bainisteoir Dréimire, eagraíocht dírithe ar Sheirbhísí Teanga a chur ar fáil ar fud na cruinne, linn le labhairt faoina bhfuil i gceist le Dréimire agus faoin seoladh a hoifige nua a bhí acu sa Phota café ar an Tulach i gConamara an tseachtain seo caite. Chomh maith leis sin bhí Ceithleann Ní Dhuibhir Ní Dhúlacháin ag labhairt linn faoin scoláireacht de chuid Fondúireacht Ollscoil Éireann Ceanada a bronnadh uirthi chun an Ghaeilge a theagasc i dToronto, Ceanada!

Ar an gclár seo, bhí Lorna Johnson beo i stiúideó Raidió na Life linn le labhairt faoina turas ón Nua Shéalainn go hÉirinn i láthair na huaire, cúrsaí polaitíochta na Nua-Shéalainne agus a turas leis an nGaeilge. Chomh maith leis sin bhí an Feisire nua-aththofa Seán Kelly MEP linn le labhairt faoi thoghcháin Pharlaimint na hEorpa le gairid, torthaí na dtoghchán agus a chuid pleananna dá chéad tréimhse eile mar Fheisire de Pharlaimint na hEorpa.

Ar an gclár seo, chualamar haidhcú dar teideal "Santōka: A Bhealach Féin" ón scríbhneoir agus Stiúrthóir Imram, Liam Carson a léirigh an haidhcú úd mar chuid d'Fhéile na Gealaí le gairid. Chomh maith leis sin cloisfimid ó Molly Nic Céille faoina turas go Bostún do Phop-Up Gaeltacht leis an Irish Network Boston ansin le gairid agus a cuid oibre ag cur na Gaeilge chun cinn trína gcainéil ar na meáin shóisialta 'Gaeilge i mo chroí'.