Meskas tau thov tsub dua cov se tshiab txog 12.5% rau 60 lub teb chaws nrog nws ua lagluam suav teb chaws Australia nrog, uas nws tau liam tias vim tej teb chaws no tsis kub siab los tswj cov kev yuam tej neeg ua qev ntawm tej lagluam uas tsim khoom xa muag rau Meskas. Tab sis Australia tej nom tswv tawm tsam tsis pom zoo tias yog ib co kev tsub se yam tsis muaj laij thawj zoo txaus thiab tsis tsim nyog lub teb chaws phooj ywg zoo li Meskas yuav ua li no rau Australia. Australia tus thawj pwm tsav Anthony Albanese tau hais tias 'tsis yog tias yuav plam txiaj ntsim rau Australia, rau Meskas xwb tab sis tseem yuav plam txiaj ntsim rau ntiaj teb tej lagluam thiab vim yuav ua rau tej nqe khoom thiab services kim tuaj ntxiv. Yog li ntawd lwm pab nom teb chaws thiaj qhia tias yuav tawm tsam tsis pom zoo thiab yuav koom tes nrog tsoom fwv Albanese los pov puag Australia thiab Australia tej neeg xa khoom muag txawv teb chaws tej txiaj ntsim.