Miomana ho amin'ny fampakaram-badin'ny Zanak’ondry sy ny Fanjakan'Andriamanitra. Inona no tokony hataontsika mba hahazoantsika mandova an'Andriamanitra sy miara-mandova an'i Kristy?

Ny Tempoly dia maneho ny Tempolin’Andriamanitra any an-danitra, nefa maneho ny tenantsika koa. Mila fiomanana isika izay tempolin'ny Fanahy Masina mba ho mendrika amin'izany fampakaram-badin'ny Zanak’ondry.

Ny fanekena nataon'i Jehovah tamin'ny Zanak'Isiraely dia Fanekem-panambadiana. Nefa izy ireo dia tsy nahay nitandrina ilay fanekena. Mila fiomanana isika izay tempolin'ny Fanahy Masina mba ho mendrika amin'izany fampakaram-badin'ny Zanak’ondry izany.

Ankoatry ny fibebahana sy ny finoana, ny batisa dia anisan'ny fepetra ilaina amin'ny Famonjena. Inona no atao hoe batisa? Inona ny fibebahana, ny finoana, ary ny Fanahy Masina? Nahoana Andriamanitra no namonjy an'i Noa tamin'ny Safo-drano? Inona no maha-zava-dehibe ny Batisan'ny Rano? Azonao henoina ny momba izany.

Rehefa nitandrina ny Mofo Tsy Misy Masirasira hafitoana isika taorian'ny Paska, dia hiverina indray amin'ny Mofo Misy Masirasira. Manambara Inona ny masirasira eto? Iza no santatra sy voaloham-bokatry ny Fanahy? Manambara Inona ilay Amboara Iray Ahevaheva? Manambara Inona ny masirasira aparitaka amin'ny koba? Inona no tokony hataontsika mba hirosoana hatrany ho amin'ny Fanjakan'Andriamanitra?

Ny tenin'Andriamanitra: Genesisy 19:15-26, Lioka 17:28-32, Apokalypsy 18:1-10. Anio no andro farany amin'ny Mofo Tsy Misy Masirasira. Ny masirasira dia manambara "ota". Tsy tokony hiverina manota intsony isika rehefa nodiovin'Andriamanitra (2 Petera 220-22). "Tsarovy ny vadin'i Lota". Asain'Andriamanitra miala amin'ny fanaon'izao tontolo izao isika mialoha ny hanapotehany azy. Inona no tanjon'Andriamanitra ho antsika? Inona marina ny anjelin'Andriamanitra? Afaka mipetraka amin'ny olona ve ny anjelin'Andriamanitra? Inona no hevi-panahin'ny "miverina amin'ny Mofo Misy Masirasira"? Toriteny nataon'i Dr. Daniel Rakotondravony, Ph. D., Fiangonan' Andriamanitra Miray.

Ny Baiboly dia milaza zavatra maro momba ny olona antsoina hoe "ratsy fanahy".

Ao amin'ny Bokin'i Joba ohatra dia ahitana teny toy izao:

« Ny ratsy fanahy mijalijaly amin'ny androny rehetra, dia amin'ny taona rehetra voatendry ho an'ny lozabe. » (Joba 15:20)

« Izany tokoa no anjaran'ny ratsy fanahy, ary izany no manjo ny tsy mahalala an'Andriamanitra. » (Joba 18:21)

Inona marina no atao hoe ratsy fanahy? Ary inona no anjara miandry azy any am-parany?

« Ny ratsy fanahy dia mahazo valiny tsy mahasoa; Fa izay mamafy fahamarinana no mahazo izay tena tambiny tokoa. » (Ohabolana 11:18)

Henoy ny fanazavana rehetra entin'ny mpanompon'Andriamanitra.

Fanazavana fanampiny:

Tsindrio ity raha mahaliana anao ny hamaky ny lesona momba ny olona atao hoe ratsy fanahy sy vetaveta, ary koa ny anjara miandry azy ireo.

 Dr. Mamy Raherison, Sekoly Sabata, Fiangonan'Andriamanitra Miray.

Ny fanomezana ny Didy Folo dia nanorina ny lalàna izay iorenan'ilay fifanekena taloha. Tamin'ny alàlan'ny fanekena taloha, Andriamanitra dia manana tanjona lehibe ho an'ny Isiraelita fahiny.

Amin’ny maha fanjakana ny olom-boafidy, dia ho mpanjaka izy, hanapaka tanàna betsaka na vitsy, araka ny fiezahany nandritry ny fiofanany teto an-tany (Lioka 19:16-19; Apokalypsy 2:26-27; 3:21; 5:10; 20:4b; Daniela 7:27).

Amin’ny maha mpisorona azy kosa dia ho mpampianatra momba an’Andriamanitra sy ny didiny ary ny Planin’ny Famonjena izy ireo (Malakia 2:7).

1 - Tamin’ny andro Pentekosta voalohany no nahaterahan'ny firenena Isiraely ho an'i Jehovah

Tamin'ny andro Pentekosta, maherin'ny 3.400 taona lasa izay no teraka ny firenen'Israely. Izy ireo dia ho firenena an'Andriamanitra. Te hampiasa ny firenen’Israely Andriamanitra, ho ohatry ny fankatoavana Azy eo imason’izao tontolo izao. Nampanantena azy ireo Andriamanitra fa hahazo fitahiana tsy ambara, nefa azo tsapain-tanana izy ireo raha toa ka hankatò ny Didy Folo.

Izany dia mety hampiseho amin'izao tontolo izao fa ny fanarahana ny lalàn'Andriamanitra dia miteraka fitahiana lehibe. Raha nanao ny tsara ny Zanak’Israely dia mety ho voataona ho amin'ny fiainana lehibe iray manontolo izao tontolo izao. Fantatsika nefa fa tsy nahatanteraka ny anjarany tamin'ny fifanekena ny Zanak’Isiraelita.

Nahoana?

Nampianarin'ny Pastora Herbert W. Armstrong antsika ny antony nahatonga ny tsy fahombiazan’ny. zanak’isiraely.

Firenena  ara-nofo izy ireo fa tsy firenena ara-panahy!

Tsy nanana ny Fanahy Masin'Andriamanitra izy ireo; nefa ny lalàn'Andriamanitra dia ara-panahy (Romana 7:14).

Noho izany, tsy nahay nankatò an'Andriamanitra afa-tsy teo am-bava ihany izy ireo. Ary na dia tamin’izany aza, dia tsy nahomby izy ireo!

Tokony ho fantatsika fa ny Isiraely dia natao ho karazana firenena ara-nofo, manambara mialoha izay firenena ara-panahy mbola ho avy! Tamin’ny Soratry ny Lalàna ihanyny fanekena taloha fa tsy tamin’ny Fanahin’ny Lalàna.

Ny fanekena vaovao kosa dia sady tamin’ny Soratra no tamin’ny Fanahin’ny Lalàna. (Lettre de la loi et esprit de la loi).

2 - Tamin’ny andro Pentekosta koa no nahaterahan'ny Fiangonan’Andriamanitra, masina sy marina, ho an'i Jehovah

«Ary nony tonga ny Andro Pentekosta, dia teo amin'ny fitoerana iray izy rehetra. » (Asan'ny Apostoly 2:1) « Ary izay nandray tsara ny teniny dia natao batisa; ary tokony ho telo arivo no olona nanampy ho isany tamin'izany andro izany. » (Asan'ny Apostoly 2:41)

Fanazavana fanampiny: Fiomanana hihaona amin'Andriamanitra amin'ny andro Pentekosta. Toriteny nataon'i Dr. Daniel Rakotondravony, Ph. D., Fiangonan' Andriamanitra Miray.

Maro no fitaka ataon'i Satana eo anivon'ny fiangonana. Manana ny fotoam-pivavahana fitaka ho azy izy, izay tsy voatendrin'i Jehovah akory. Nefa dia maro no manaraka azy. Toriteny nataon'i Dr. Daniel Rakotondravony, Ph. D., Fiangonan' Andriamanitra Miray.

Satana dia manana ny fotoam-pivavahana fitaka ho azy, araka ny fisiainany manokana, fa tsy mba notendren'i Jehovah. Toriteny nataon'i Dr. Daniel Rakotondravony, Ph. D., Fiangonan' Andriamanitra Miray.