Il tschiel stailì è ina vista extraordinaria. Sch'ins vesa co nundumbraivlas stailas traglischan giu da tschiel è quai zunt impressiunant. Uschia ch'i na fa betg surstar ch'i dat bain inquala chanzun per «Noss Chors». L'inspiraziun per chanzuns dattan savens ils sentiments u chaussas ord la natira ed il conturn dals cumponists e poets. Uschia er il firmament stailì che vegn dechantà durant quest'emissiun: «Ad ina steila» chantà dal chor maschadà Surrein, «Sut steilas» chantà dal chor viril Ligia Grischa u «Tschiel nocturn» chantà dal chor viril Lumnezia.