Ein ny klimaavtale er på plass etter Paris. Men kva skjedde eigentleg under forhandlingane?

Og kva for ei rolle spelar grasrota i tida framover?

I mykje av debatten kan det høyrest us som me berre må justere marknadsmekanismane litt for å komme i mål med omstillingen for å hindre klimaendringene. Men er det så enkelt? Korleis arbeider ulike grupper, frå miljøorganisasjonar til kunst og akademia, for å gjere ein forskjell? Og kan eigentleg små grupper påverke store, treige prosessar på internasjonalt plan?

Éin månad etter klimaforhandlingane i Paris og som ein del av Bergensprogrammet for Klimafestivalen § 112, inviterer Røyst, i samarbeid med Litteraturhuset i Bergen, til samtale og debatt om kva som har skjedd innanfor og utanfor maktens korridorar. Me har invitert folk som har vore til stades i Paris for å diskutere kven sine stemmer som er blitt høyrd, og korleis det mobiliserast for å stanse den globale oppvarminga.

Panelet er samansett av ei rekke ulike røyster som har vore både i forhandlingslokala og saman med sivilsamfunnet i gatene. Miljøorganisasjonar, akademia, kunst og politikk miksast saman i ei herleg blanding. Saman vil dei reflektere over strategiar og framtidsvisjonar for klimarørsla.

Anna Kvam, Miljøpartiet dei grøne og Klassekampen-korrespondent frå klimaforhandlingane

Tina Andersen Vågenes, sentralstyret i Natur og Ungdom som sendte ein stor delegasjon i buss til Paris

Camilla Agnethe Borrevik, stipendiat i sosialantropologi ved UiB og i delegasjonen til ei av øygruppene under forhandlingane

Eirik Wichstad, utsending frå Rød Ungdom og deltakar i eit samarbeidsprosjekt med andre ungdomsorganisasjonar om Nord/Sør-problematikken i klimaavtalen.