Fotbolti.net

Innkastið gerir upp 6. umferð Bestu deildarinnar. Elvar Geir, Tómas Þór og Sæbjörn Steinke í hljóðverinu á Krókhálsi.

Blikar með fullt hús, allt aðrir Víkingar en í fyrra, KA dansar í takt, Silfurskeiðin vaknar, Valsmenn í vandræðum með að finna taktinn, KR byrjað að safna stigum, Framarar unnu sinn fyrsta leik, fallfnykur í Breiðholti og Eyjum, Lengjudeildarhornið, Rauði baróninn gefur ráð og fleira.

Útvarpsþátturinn Fótbolti.net laugardaginn 14. maí.

Elvar Geir og Tómas Þór er á sínum stað og Sæbjörn Steinke er með þeim í þætti vikunnar.

5. umferð Bestu deildarinnar er gerð upp, rýnt í leikina og litið á helstu fréttir og næstu leiki. Einnig er farið yfir það sem er að gerast í Lengjudeildinni.

Í seinni hlutanum er farið í enska boltann og Tómas segir ferðasögu en hann var á faraldsfæti í vikunni; hitti Egil Drillo Olsen og var á heimavelli Tottenham þegar liðið rúllaði yfir Arsenal.

Arnar Laufdal, stuðningsmaður Liverpool, sér um þáttinn að þessu sinni. Eysteinn Þorri Björgvinsson, stuðningsmaður Manchester United og Brynjar Örn Hauksson, stuðningsmaður Chelsea, eru með honum.

Stórliðin eru í brennidepli í þættinum fyrir spennandi lokasprett sem er framundan. Það eru úrslitaleikir á næsta leyti og Manchester City er í góðri stöðu fyrir lokaleikina í úrvalsdeildinni.

Sverrir Mar, Óskar Smári og Gylfi Tryggva settust niður þrátt fyrir allt og fóru yfir fyrstu umferðina í 2. og 3. deild karla.Meðal umræðuefnis:Eru Haukar langnæstbesta lið 2. deildar? Gaui Þórðar hefur engu gleymt. Eiríkur hafði svo bara tíma eftir allt saman. Er reitur og spil það eina sem hugurinn girnist í 3. deild? Munu Vængirnir fljúga upp?Þátturinn er í boði Bola, Jako, Ice og Pizzunnar þar sem hlustendur geta notað afsláttarkóðann "astridan" til að fá 40% afslátt. Hægt er að hlusta á í spilaranum hér að ofan, í gegnum Podcast forrit eða á Spotify.

Elvar Geir, Ingó Sig og Sverrir Mar eru í Innkastinu og gera upp fjórðu umferð Bestu deildarinnar.

Víkingur átti að fá þrjú víti en fékk ekkert, Bykov þekkir ekki Kjartan, ótrúlegur uppbótartími í Garðabæ, rautt og sex mörk í leiðinlegum leik, Blikum halda engin bönd og Lengjudeildarhornið mætir til leiks.

Útvarpsþátturinn Fótbolti.net á X977 laugardaginn 7. maí.

Elvar Geir og Tómas Þór fara yfir sviðið í íslenska boltanum, kryfja 2-2 leik FH og Vals í Bestu deildinni, hita upp fyrir aðra leiki, skoða fréttir vikunnar, fyrstu leiki Lengjudeildarinnar og fleira.

Kristján Atli, sérfræðingur þáttarins um enska boltann, er á línunni og ræðir um Meistaradeildina mögnuðu.

Veislan er að hefjast! Sverrir Mar og Gylfi Tryggva ræddu stöðuna þegar mótið er við það að hefjast. Félagsskipti hafa átt sér stað, bikarleikir hafa farið fram og skýrari mynd er komin á hvernig deildirnar munu verða. Niðurstaðan? Þetta verður einhver þvæla og það er engin leið að spá í neitt. En strákarnir reyndu.Þátturinn er í boði Bola, Jako, Ice og Pizzunnar þar sem hlustendur geta notað afsláttarkóðann "astridan" til að fá 40% afslátt. Hægt er að hlusta á í spilaranum hér að ofan, í gegnum Podcast forrit eða á Spotify.

Framundan í fantasy er stærsta umferð tímabilsins - umferð 36. Stóru liðin spila öll tvöfalt og flestir þurfa ekki að hafa mikið fyrir því að ná 11 spilandi mönnum með tvo leiki.

Aron og Ásgeir ræddu það helsta í umferð 35 sem einkenndist af 19 stigum Son, en eyddu megninu af tímanum í að ræða það sem er framundan.

Elvar Geir, Tómas Þór og Benedikt Bóas fara yfir 3. umferð Bestu deildarinnar.

Sóknarmenn í ham en varnarmenn í basli í besta leik í sögu Bestu deildarinnar, drama á Dalvík, allir komnir á blað nema Keflvíkingar, Blikar rúlluðu yfir FH-inga og hasar á Hlíðarenda þar sem Valur vann KR.

Bjarni Mark Duffield er staddur á Íslandi í stuttu fríi þar sem ekki var spilað í norsku B-deildinni um helgina. Sæbjörn Steinke fékk Bjarna í spjall sem hægt er að hlusta á í spilaranum hér að ofan og í öllum hlaðvarpsveitum.

Bjarni er leikmaður Start í Noregi en hann söðlaði um og gekk í raðir félagsins eftir nokkur í ár í Svíþjóð þar á undan.

Hann er Siglfirðingur sem skipti yfir í KA þegar hann komst nálægt meistaraflokksaldri og lék með KA í efstu deild tímabilið 2018. Síðan hafði hann verið í Svíþjóð þangað til á þessu ári þegar hann fékk símtalið frá Start.

Bjarni fer yfir skiptin í Start, nýja leikstöðu, fyrstu mánuðina í Start, spjallið sem hann átti við Túfa, landsliðið og ýmislegt fleira á rúmum tuttugu mínútum.