Fotbolti.net

Úr útvarpsþættinum Fótbolti.net á X977 12. október.

Kristinn Kjærnested kom í heimsókn og ræddi við Elvar Geir og Tómas Þór.

Kristinn tilkynnti í vikunni að hann ætlar ekki að gefa kost á sér til áframhaldandi formennsku hjá KR. Hann hefur verið í stjórn félagsins síðan 1999 og formaður síðan 2008.

Margir titlarnir hafa skilað sér í hús á þessum tíma en það hafa líka komið strembin tímabil og erfiðar ákvarðanir.

Óhætt er að mæla með þessu áhugaverða viðtali.

Úr útvarpsþættinum Fótbolti.net á X977 12. október.

Rætt var um þjálfaramálin í íslenska boltanum og þá var sérstakt landsliðshringborð þar sem tapleikurinn gegn Frakklandi var gerður upp.

Möguleikarnir voru skoðaðir og rýnt í frammistöðu leikmanna íslenska liðsins. Þá var hitað upp fyrir leikinn gegn Andorra sem verður á mánudagskvöld.

Landsliðsumræðan hefst eftir 17:50 í þessari upptöku.

Magnús Már Einarsson ræðir við landsliðsmanninn unga Arnór Sigurðsson, leikmann CSKA Moskvu, í sérstakri landsliðsútgáfu af Miðjunni þessa vikuna.

Arnór skaust almennilega fram á sjónarsviðið í fyrra en hann hefur verið að gera góða hluti með CSKA Moskvu í Rússlandi.

Eftir viðtalið spjalla Magnús og Elvar um komandi landsleik gegn Frökkum.

Það var fjörug umræða í Evrópu-Innkastinu í þessari viku og góðir gestir mættu í heimsókn.

Tottenham stuðningsmenn vilja gleyma síðustu viku sem fyrst en liðið tapaði 7-2 gegn Bayern Munchen og 3-0 gegn Brighton.

Þeir Hjálmar Örn Jóhannsson, Jóhann Alfreð Kristinsson og Ingimar Helgi Finnsson létu sig þó hafa það að mæta í Innkastið og ræða þessa hrikalegu viku hjá sínum mönnum í Tottenham.

Liverpool er með átta stiga forskot á toppi ensku úrvalsdeildarinnar eftir dramatískan sigur á Leicester og óvænt tap Wolves.

Gengi Liverpool og City var til umræðu í þættinum sem og brasið hjá Manchester United og margt fleira. Skylduhlustun!

Þetta tímabil í Fantasy Premier League hefur heldur betur verið erfitt og því miður varð engin breyting á því í 8. umferðinni. Því var brugðið á það ráð að fá besta Fantasy spilara landsins - Theodór Inga Pálmason í heimsókn, fara yfir sögu hans og strategíu í Fantasy sem og auðvitað yfirstandandi tímabil.

Helstu fyrirliðar klikkuðu og var þar helst um að kenna City mönnum eins og Sterling og Aguero. Sadio Mane skilaði stigum sem og Chelsea strákarnir Abraham og Mount. Patrick Van Aanholt hornið var á sínum stað og menn spurðu sig að því hvort Pukki partýið væri búið.

Það er pakkaður þáttur á Heimavellinum í dag. Við förum yfir sambandsslit HK/Víkings, frábæran árangur U19, næsta A-landsliðsverkefni, Evrópu-ævintýri Blika og allar heitustu fréttirnir hér heima.

Hvað verður um HK/Víkings leikmennina? Hvaða lið velur Sveindís? Hvaða þjálfarar eru á lausu? Hvað gerir U19 liðið okkar á móti svakalegu liði Spánverja? Geta Blikar strítt Formigu og félögum? Hvaða liði stillir Jón Þór upp á móti Lettum?

Úr útvarpsþættinum Fótbolti.net á X977 5. október. Fjórði hluti.

Tómas Þór og Benedikt Bóas skoðuðu nokkra áhugaverða tölfræðipunkta úr liðnu tímabili í Pepsi Max-deildinni.

Úr útvarpsþættinum Fótbolti.net á X977 5. október. Þriðji hluti.

Tómas Þór og Benedikt Bóas ræddu við Tryggva Pál Tryggvason, fréttamann og stuðningsmann Manchester United.

Rætt var um hrunið sem hefur orðið innan vallar hjá félaginu undanfarin ár.

Úr útvarpsþættinum Fótbolti.net á X977 5. október. Annar hluti.

Nýr landsliðshópur var opinberaður á föstudaginn en framundan eru heimaleikir gegn Frakklandi og Andorra í undankeppni EM.

Tómas Þór og Benedikt Bóas ræddu um fréttamannafund Erik Hamren og hópinn sem valinn var.

Úr útvarpsþættinum Fótbolti.net á X977 5. október. Fyrsti hluti.

Tómas Þór og Benedikt Bóas spjölluðu við Óskar Hrafn Þorvaldsson, örstuttu eftir að hann hafði verið tilkynntur sem nýr þjálfari Breiðabliks.

Óskar segir frá aðdragandanum og talar um nýtt verkefni í Kópavoginum en hann hefur gert magnaða hluti í þjálfun á stuttum tíma og náði að lyfta Gróttu upp um tvær deildir á tveimur árum.